ຊາວອີຈິບ ໄດ້ເລິ່ມພາກັນອອກໄປປ່ອນບັດຮອບທີ່ສອງເອົາສະມາຊິກສະພາຜູ້ແທນ ລຸນ
ຫລັງຮອບທີ່ນຶ່ງ ທີ່ຄອບງໍາໂດຍບັນດາພັກສະສະໜາ ອີສລາມເປັນສ່ວນໃຫຍ່ນັ້ນ.
ບ່ອນປ່ອນບັດເລືອກຕັ້ງໄດ້ເປີດຂຶ້ນຢູ່ເກົ້າເຂດເມື່ອວັນພຸດມື້ນີ້ ໂຮມທັງເຂດ Aswan,
Beni Suef, Giza, Ismailia, Suez ແລະເຂດ Sohag.
ການປ່ອນບັດຈະສືບຕໍ່ໄປຈົນເຖິງວັນພະຫັດມື້ອື່ນສໍາຫລັບບ່ອນນັ່ງໃນສະພາຕໍ່າ ທີ່ມີທັງ
ໝົດ 498 ບ່ອນນັ້ນ ການເລືອກຕັ້ງຮອບທີ່ສາມ ທີ່ ກວມເອົາເກົ້າແຂວງທີ່ຍັງເຫລືອນັ້ນ
ຊຶ່ງມີກໍານົດຈະຈັດຂຶ້ນໃນຕົ້ນເດືອນມັງ ກອນປີໜ້ານີ້.
ການເລືອກຕັ້ງເອົາສະມາຊິກສະພາຜູ້ແທນຄັ້ງນີ້ ຖືວ່າເປັນການເລືອກຕັ້ງເທື່ອທໍາອິດ ນັບ
ຕັ້ງແຕ່ການລຸກຮືຂຶ້ນທີ່ຮູ້ກັນດີໃນທົ່ວໂລກ ເພື່ອໂຄ່ນລົ້ມອະດີດປະທານາທິບໍດີ Hosni
Mubarak ນັ້ນ.
ການເລືອກຕັ້ງຫລາຍໆບັ້ນເອົາສະມາຊິກສະພາສູງທີ່ມີອໍານາດໜ້ອຍກວ່າ ນັ້ນຈະເລີ່ມຂຶ້ນ
ໃນທ້າຍເດືອນມັງກອນ ແລະຈະສິ້ນສຸດລົງໃນເດືອນມີນາ ຊຶ່ງຕໍ່ຈາກນັ້ນສະພາແຫ່ງຊາດຈ
ຮ່າງລັດຖະທໍາມະນູນສະບັບໃໝ່ຂຶ້ນມາ.
