ກຳລັງຮັກສາຄວາມສະຫງົບຂອງອີຈິບ ໄດ້ບຸກເຂົ້າໄປໃນຫ້ອງການຂອງກຸ່ມປົກປ້ອງສິດທິມະ
ນຸດ 17 ແຫ່ງໃນວັນພະຫັດວານນີ້ຮວມທັງສາມກຸ່ມທີ່ມີສຳນັກງານຢູ່ສະຫະລັດອັນເປັນພາກ
ສ່ວນນຶ່ງ ຂອງການສືບສວນ ທີ່ພວກປົກຄອງທະຫານກ່າວວ່າ ຈະເປີດເຜີຍໃຫ້ຊາບກ່ຽວກັບ
ເງິນທຶນຈາກຕ່າງປະເທດໄດ້ຊ່ອຍປຸກລະດົມແບບໃດໃຫ້ເກີດຄວາມບໍ່ສະຫງົບທີ່ກຳລັງດຳເນີນ
ຢູ່ຕໍ່ມາພາຍໃນປະເທດ.
ຮວມຢູ່ໃນບັນດາກຸ່ມທີ່ຕົກເປັນເປົ້າໃນການບຸກກວດຄົ້ນຄັ້ງນີ້ກໍມີສະຖາບັນແຫ່ງຊາດຂອງພັກ
ເດໂມແຄຣັທແລະສະຖາບັນລະຫວ່າງປະເທດຂອງພັກຣີພັບບລີກັນ ຊຶ່ງທັງສອງກຸ່ມນີ້ແມ່ນມີ
ຄວາມສຳພັນກັບພັກການເມືອງທັງສອງຂອງສະຫະລັດ ແລະໄດ້ຮັບເງິນສະໜັບສະໜຸນຈາກ
ລັດຖະບານສະຫະລັດ.
ນອກນັ້ນແລ້ວ ຫ້ອງການຂອງອົງການ Freedom House ທີ່ມີສຳນັກງານຢູ່ສະຫະລັດກໍ
ໄດ້ຖືກບຸກເຂົ້າໄປກວດຄົ້ນພ້ອມໆກັບມູນນິທິ Konrad Adenauer ຂອງເຢຍຣະມັນແລະ
ອີກສອງອົງການຈັດຕັ້ງທີ່ບໍ່ຂຶ້ນກັບລັດຖະບານຂອງອີຈິບເປັນຢ່າງນ້ອຍ.
ອົງການຂ່າວ MENA ຂອງທາງການອີຈິບເວົ້າວ່າ ການບຸກເຂົ້າໄປກວດຄົ້ນທີ່ວ່ານີ້ແມ່ນໄດ້
ຮັບຄຳສັ່ງຈາກກະຊວງຍຸຕິທຳ ອັນເປັນພາກສ່ວນນຶ່ງໃນການສືບສວນໃນຂອບເຂດທີ່ກວ້າງ
ຂວາງກ່ຽວກັບເລື່ອງເງິນທຶນ ຈາກຕ່າງປະເທດຂອງອົງການຕ່າງໆ ຕະຫຼອດທັງຄວາມຜິດ
ອື່ນໆຮວມທັງການປະຕິບັດງານແບບທີ່ບໍ່ໄດ້ຮັບການອະນຸຍາດ.
ກະຊວງການຕ່າງປະເທດສະຫະລັດກ່າວວ່າ ຕົນມີຄວາມວິຕົກກັງວົນເປັນທີ່ສຸດ ກ່ຽວການ
ປະຕິບັດງານຂອງຕຳຫຼວດ ແລະທວງໃຫ້ລັດຖະບານອີຈິບ ຢຸດເຊົາການຮາວີລົບກວນຕໍ່ພະ
ນັກງານຂອງອົງການທີ່ບໍ່ຂຶ້ນກັບລັດຖະບານ ໃນທັນທີ ແລະໃຫ້ອີຈິບສົ່ງຄືນຊັບສິນທັງໝົດທີ່
ຖືກຢຶດໄປໃນການບຸກເຂົ້າໄປກວດຄົ້ນຄັ້ງນີ້.
ໂຄສົກກະຊວງການຕ່າງປະເທດສະຫະລັດທ່ານນາງ Victoria Nuland ກ່າວວ່າ ເຈົ້າໜ້າ
ທີ່ສະຫະລັດໄດ້ຕິດຕໍ່ໄປຫານາຍົກລັດຖະມົນຕີອີີຈິບທ່ານ Kamal al-Ganzouri ແລ້ວ
ແລະທູດອີຈິບປະຈຳວໍຊິງຕັນກໍໄດ້ສົ່ງຄວາມວິຕົກເປັນຫ່ວງດັ່ງກ່າວໄປຍັງລັດຖະບານຂອງຕົນ
ແລ້ວ.
