ລິ້ງ ສຳຫລັບເຂົ້າຫາ

ອີຈິບ ກຽມຮັບມື ກັບ ການປະທ້ວງ ຂະໜາດໃຫຍ່ (ສະໄລດ໌/ວີດີໂອ)


ທະຫານອີຈິບ ກຽມພ້ອມຢູ່ເທິງລົດຫຸ້ມເກາະລຳລຽງພົນ ໃກ້ທຳນຽບປະທານາທິບໍດີ ທີ່ກຸງໄຕໂຣ (11 ກໍລະກົດ 2013)
ກຸ່ມພະລາດອນພາບມຸສລິມ ໃນອີຈິບ ຮຽກຮ້ອງໃຫ້ທຳການປະ
ທ້ວງຂະໜາດໃຫຍ່ໃນທົ່ວປະເທດ ໃນວັນສຸກມື້ນີ້ ເພື່ອໃຫ້ການ ສະໜັບສະໜຸນປະທານາທິບໍດີ ທີ່ຖືກຂັບໄລ່ອອກຈາກອຳນາດ
ທ່ານ Mohamed Morsi.

ໂຄສົກຂອງກຸ່ມພະລາດອນພາບມຸສລິມທ່ານ Gehad al-Had
dad ກ່າວຕໍ່ວີໂອເອວ່າ ການປະທ້ວງ ລຸນຫຼັງການສູດມົນພາວະ ນາໃນຕອນທ່ຽງມື້ນີ້ຈະເປັນການທ້າທາຍແບບສັນຕິຕໍ່ອັນທີ່ກຸ່ມ ດັ່ງກ່າວຖືວ່າເປັນການກໍ່ລັດຖະປະຫານ ຂອງທະຫານໂຄ່ນລົ້ມ
ຜູ້ນຳອີຈິບທີ່ຖືກເລືອກຢ່າງເສລີຄົນທຳອິດ.

ກຸ່ມພະລາດອນພາບມຸສລິມໄດ້ປະຕິເສດບໍ່ຍອມເຂົ້າຮ່ວມໃນແຜນການສ້າງຕັ້ງລັດຖະບານ
ໄລຍະຂ້າມຜ່ານໂດຍເວົ້າວ່າ ຕົນຈະສືບຕໍ່ທໍາການປະທ້ວງ ຈົນກວ່າຈະມີການແຕ່ງຕັ້ງ ໃຫ້ ທ່ານ Morsi ເຂົ້າຮັບຕຳແໜ່ງຄືນໃໝ່.



ຂະນະດຽວກັນ ພວກຕໍ່ຕ້ານທ່ານ Morsi ກໍມີແຜນການ ທີ່ຈະໄປເຕົ້າໂຮມກັນຢູ່ທີ່ນະຄອນ ຫຼວງໄຄໂຣເພື່ອສະເຫຼີມສະຫຼອງການລຸກຮືຂຶ້ນຂອງມວນຊົນທີ່ພາໃຫ້ກອງທັບໂຄ່ນລົ້ມທ່ານ Morsi ຊຶ່ງໃນເວລານີ້ຍັງຖືກພວກທະຫານຄວບຄຸມໂຕໄວ້ຢູ່.

ນັບຕັ້ງແຕ່ໄດ້ມີການປົດທ່ານ ອອກຈາກຕຳແໜ່ງໃນສັບປະດາແລ້ວນີ້ ການປະທະກັນຢ່າງ ຮຸນແຮງລະຫວ່າງສອງກຸ່ມກໍໄດ້ລະເບີດຂຶ້ນ ທີ່ຂົ່ມຂູ່ວ່າ ຈະເຮັດໃຫ້ອີຈິບຊຶ່ງເປັນປະເທດອາ
ຣັບທີ່ໃຫຍ່ທີ່ສຸດນັ້ນ ກ້າວເຂົ້າສູ່ວິກິດການທາງດ້ານສາສະໜາຂະໜາດໃຫຍ່.

ໃນວັນຈັນແລ້ວນີ້ມີພວກສະໜັບສະໜຸນພັກສາສະໜາອິສລາມຫຼາຍກວ່າ 50 ຄົນເສຍຊີວິດ ເວລາການຕໍ່ສູ້ກັນເກີດຂຶ້ນ ກັບກຳລັງຮັກສາຄວາມສະຫງົບ ໃກ້ໆອາຄານຫຼັງນຶ່ງ ໃນກຸງໄຄ ໂຣທີ່ເຊື່ອກັນວ່າ ທ່ານ Morsi ຖືກຄຸມຂັງຢູ່ນັ້ນ.

ກຸ່ມພະລາດອນພາບມຸສລິມ ກ່າວເຖິງການປະທະກັນນີ້ວ່າ ເປັນການສັງຫານໝູ່ ໂດຍເວົ້າ
ວ່າ ພວກທະຫານໄດ້ຍິງປືນເຂົ້າໃສ່ ໃນລະຫວ່າງທີ່ມີການສູດມົນພາວະນາ ໃນຕອນເຊົ້າ. ພວກທະຫານຢືນຢັດວ່າພວກຫົວຮຸນແຮງໄດ້ພະຍາຍາມ ທີ່ຈະບຸກເຂົ້າໄປໃນອາຄານຫຼັງ ດັ່ງກ່າວ.

ກຸ່ມພະລາດອນພາບມຸສລິມ ວາງແຜນປະທ້ວງ ຂະໜາດໃຫຍ່
please wait

No media source currently available

0:00 0:02:59 0:00
ລິງໂດຍກົງ
XS
SM
MD
LG