ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນາຍົກ ລມຕ ອີຈິບ: ການເຄື່ອນໄຫວໃດໆ ຂອງ ສຫລ ເພື່ອຕັດການຊ່ວຍເຫຼືອ ຈະເປັນຮ່ອງຮອຍ ທີ່ບໍ່ດີ (ວີດີໂອ)


ນາຍົກລັດຖະມົນຕີຊົ່ວຄາວອີຈິບ ທ່ານ Hazem el-Beblawi ​
ນາຍົກລັດຖະມົນຕີຊົ່ວຄາວອີຈິບ ທ່ານ Hazem el-Beblawi ​
ນາຍົກລັດຖະມົນ​ຕີ​ຊົ່ວຄາວຂອງອີ​ຈິບ ກ່າວ​ວ່າ ການເຄື່ອນ​ໄຫວ​
ໃດໆ​ກໍ​ຕາມ​ ຂອງສະຫະລັດ ທີ່​ຈະ​ຕັດ​ການ​ຊ່ວຍ​ເຫລືອ​ທາງ​ທະ
ຫານ​ແກ່​ປະ​ເທດນັ້ນ ແມ່ນ ​“ເປັນ​ຮອງ​ຮອຍ​ທີ່​ບໍ່​ດີ.”

ນາຍົກລັດຖະມົນຕີ Hazem el-Beblawi ​ໄດ້​ກ່າວ​ຕໍ່ອົງການ
​ຂ່າວ ABC ​ໃນ​ການໃຫ້ສໍາພາດ ທີ່ອອກ​ອາກາດ​ໃນ​ຕອນ​ແລງ​
ຂອງ​ວັນ​ອັງຄານ​ວານ​ນີ້ວ່າ ການສູນ​ເສຍ​ເງິນຊ່ວຍ​ເຫລືອ ຈະ​ມີ
​ຜົນ​ກະທົບ ຕໍ່ກອງທັບ​ອີ​ຈິບ "​ເປັນ​ເວລາ​ນານສົມຄວນ.” ​ແຕ່​
ທ່ານຍັງ​ກ່າວອີກ​ວ່າ ກອງທັບ “ຢູ່ລອດ​ມາ​ໄດ້” ກ່ອນ​ໜ້າ​ນັ້ນ ​
ໃນ​ການ​ຊ່ວຍ​ເຫລືອ​ທາງ​ທະຫານຈາກຣັດ​ເຊຍ ​ເປັນ​ເວລາ
​ຫລາຍ​ສິບ​ປີ.

ທ່ານ Beblawi ກ່າວ​ວ່າ ອີ​ຈິບ ​ແລະ​ສະຫະລັດ ຕ່າງ​ກໍຕ້ອງການ​ຊຶ່ງ​ກັນ​ແລະ​ກັນ ດັ່ງ​ດຽວ​ກັນ​ກັບ​ທີ່ປະ​ເທດ​ຂອງ​ທ່ານຕ້ອງການຄວາມສໍາພັນ​ກັບຢູ​ໂຣບ ​ແລະ​ບັນດາ​ປະ​ເທດ​ໃນເອເຊຍ.

ລິງໂດຍກົງ

ການ​ໃຫ້​ຄວາມ​ເຫັນຂອງ​ທ່ານ ​ມີ​ຂື້ນ​ໃນ​ຂະນະ​ທີ່ສະຫະລັດ ​ແລະ​ສະຫະພາບ​ຢູ​ໂຣບ ພວມ​ຊັ່ງ​ຊາ​ຕີ​ລາຄາ​ເບິ່ງການ​ຊ່ວຍ​ເຫລືອ​ດ້ານ​ການ​ເງິນ​ຕໍ່ອີ​ຈິບ.

ສະພາກິດຈະການ​ຕ່າງປະ​ເທດ ຂອງ​ສະຫະພາບ​ຢູ​ໂຣບກໍ​າລັງ​ປະຊຸມ​ກັນໃນ​ວັນ​ພຸດ​ມື້​ນີ້ ​ເພື່ອຫາລື​ກ່ຽວ​ກັບສະຖານະ​ການ​ໃນອີ​ຈິບ ນຶ່ງ​ມື້​ຫລັງ​ຈາກປະທາ​ນາ​ທິບໍດີສະຫະລັດ ທ່ານ Barack Obama ​ໄດ້​ພົບ​ປະ ​ກັບ​ຄະນະ​ລັດຖະບານຂອງ​ທ່ານເພື່ອ​ທົບ​ທວນ​ເບິ່ງ ການ​ໃຫ້​ຄວາມຊ່ວຍ​ເຫລືອປະ​ຈໍາປີ​ໃນ​ມູນ​ຄ່າ 1 ພັນ 500 ​ລ້ານ​ໂດ​ລາ​ແກ່​ປະ​ເທດອີ​ຈິບ.

ບັນດາ​ເຈົ້າ​ໜ້າ​ທີ່ທໍານຽບຂາວ ​ໄດ້ປະຕິ​ເສດ​ໃນ​ວັນ​ອັງຄານ​ວານ​ນີ້​ວ່າ ບໍ່​ໄດ້​ມີ​ການ​ຍຸຕິ​ໃນການ​ຊ່ວຍ​ເຫລືອ​ໃດ​ໆເທື່ອ ​ແລະ​ກ່າວ​ວ່າ ຄໍາ​ສັ່ງໃຫ້​ທົບ​ທວນ​ການ ຊ່ວຍ​ເຫຼືອຂອງ​ທ່ານ Obama ​ໃນ​ເດືອນ​ແລ້ວ​ນີ້ ຍັງ​ດໍາ​ເນີນ​ຢູ່​ຕໍ່​ໄປ.

egypt
please wait
Embed

No media source currently available

0:00 0:01:28 0:00
XS
SM
MD
LG