ປັດຈຸບັນນີ້ອິຈິບກໍາລັງປ່ອນບັດເປັນມື້ທີ່ສອງໃນການເລືອກຕັ້ງຂັ້ນຕັດສິນຊີ້ຂາດເອົາສະມາ
ຊິກສະພາແຫ່ງຊາດ ໂດຍມີພັກຄູ່ແຂ່ງຂອງສາສະໜາອີສລາມພວມແຂ່ງຂັນກັນຢ່າງດຸເດືອດ
ຫຼາຍຂຶ້ນນັບມື້ ສໍາລັບການລົງຄະແນນ ສຽງໃນສອງຫົວເມືອງໃຫຍ່ທີ່ສຸດຂອງອີຈິບ ແລະ
ໃນອີກເຈັດແຂວງ.
ການລົງຄະແນນສຽງຂັ້ນຕັດສິນຊີ້ຂາດສໍາຫລັບ 52 ບ່ອນນັ່ງ ໃນເຂດນະຄອນຫລວງໄຄ
ໂຣ ເມືອງອາເລັກຊານເດຣຍ ແລະແຂວງອື່ນໆ ໄດ້ເລິ່ມ ຕົ້ນຂຶ້ນເມື່ອວັນຈັນວານນີ້ ແລະ
ຈະສິ້ນສຸດລົງໃນຕອນແລງວັນອັງຄານມື້ນີ້. ໃນການແຂ່ງຂັນເອົາບ່ອນນັ່ງ 24 ບ່ອນນັ້ນ
ແມ່ນລະຫວ່າງຜູ້ສະມັກເລືອກຕັ້ງຈາກສອງພັກໃຫຍ່ໆອີສລາມຂອງອີຈິບ ຄືພັກອິດສະຫຼະ
ພາບແລະຄວາມ ຍຸຕິທຳຂອງກຸ່ມພະລາດອນພາບມຸສລິມ ແລະອະນຸລັກນິຍົມຈັດ Salafist
Nour ນັ້ນ.
ມີຜູ້ສະໝັກພຽງສີ່ຄົນທໍ່ນັ້ນ ຊະນະການລົງຄະແນນສຽງຮອບທໍາອິດເມື່ອສັບປະດາຜ່ານມາ
ທີ່ໄດ້ຮັບຫລາຍກວ່າ 50 ເປີເຊັນຂອງຄະແນນສຽງ ແລະຫລີກລ່ຽງການເລືອກຕັ້ງຂັ້ນຕັດ
ສິນຊີ້ຂາດໃນຮອບສອງ.
ພວກເຫັນເຫດການກ່າວວ່າ ລະດັບຄວາມເຄັ່ງຕຶງລະຫວ່າງພັກຂູ່ແຂ່ງອີສລາມ ແມ່ນສູງ
ຫລາຍ ໃນຫລາຍເຂດເລືອກຕັ້ງຕັດສິນຊີ້ຂາດເມື່ອວັນຈັນວານນີ້ ໂດຍທີ່ພວກສະໜັບສະ
ໜຸນພັກ Nour ໄດ້ສັ່ງໃຫ້ພວກພະນັກງານຫາສຽງຂອງກຸ່ມພະລາດອນພາບອີສລາມໃຫ້
ໜີອອກຈາກເຂດອ້ອມແອ້ມສະຖານປ່ອນບັດ ພວກປົກຄອງປະເທດຝ່າຍທະຫານຂອງ
ອີຈິບ ໄດ້ກຳນົດໃຫ້ສະຖານປ່ອນບັດເປັນເຂດທີ່ພວກໂຄສະນາຫາສຽງເຂົ້າໄປບໍ່ໄດ້ ຈາກ
ໝົດທຸກພັກ ເພື່ອພະຍາຍາມຄໍ້າປະກັນໃຫ້ມີການປ່ອນບັດທີ່ຍຸ ຕິທໍາ.
ຂະນະນີ້ພັກອີສລາມສອງພັກ ກໍາລັງຊອກຫາຊ່ອງທາງເພື່ອໃຫ້ໄດ້ຜົນການ ລົງຄະແນນທີ່
ເຂັ້ມແຂງຈາກການປ່ອນບັດສຳລັບພັກໃນອາທິດຜ່ານມາ ທີ່ຈັດຂຶ້ນໃນເວລາດຽວກັນກັບ
ຮອບທໍາອິດຂອງການລົງຄະແນນສຽງ ສໍາລັບຜູ້ສະມັກເລືອກຕັ້ງແຕ່ລະຄົນ ຜົນການ
ເລືອກຕັ້ງສຳລັບພັກການເມືອງໄດ້ ມີການເປີດເຜີຍເມື່ອວັນອາທິດຜ່ານມາທີ່ສະແດງໃຫ້
ເຫັນວ່າພັກອິດສະຫຼະ ພາບແລະຄວາມຍຸຕິທຳມີຄະແນນນໍາໜ້າ ຄື 37 ເປີເຊັນ ສ່ວນພັກ
Nour ມີຄະແນນເປັນທີສອງ ຄື 24 ເປີເຊັນ ແລະພັກຫົວເສລີອີຈິບ ມີຄະແນນ ເປັນອັນ
ດັບສາມ ຄື 13 ເປີເຊັນ.
ຈໍານວນພວກມາປ່ອນບັດຂັ້ນຕັດສິນຊີ້ຂາດເບົາບາງລົງເມື່ອວັນຈັນ ຄືໜ້ອຍກວ່າການປ່ອນ
ບັດຮອບທໍາອິດ ເມື່ອວັນທີ່ 28-29 ເດືອນພະຈິກ ຜ່ານມາ ຄະນະກໍາມະການເລືອກຕັ້ງ
ຂອງອີຈິບ ຍັງລົດລະດັບການປະ ເມີນຂອງຜົນການເລືອກຕັ້ງຮອບທໍາອິດ ຈາກ 62 ເປີ
ເຊັນ ມາເປັນ 52 ເປີເຊັນ.
ພວກປະຊາຊົນທີ່ຍັງເຫລືອຂອງ 18 ແຂວງຂອງອີຈິບ ຈະຮ່ວມການລົງ ຄະແນນສຽງເອົາ
ສະມາຊິກສະພາຕໍ່າ ໃນສອງຂັ້ນ ໃນບໍ່ເທົ່າໃດອາທິດ ຕໍ່ໜ້ານີ້ ການເລືອກຕັ້ງເອົາສະມາ
ຊິກສະພາສູງທີ່ມີອໍານາດໜ້ອຍກວ່ານັ້ນ ຈະເລີ່ມຕົ້ນໃນທ້າຍເດືອນມັງກອນ ແລະຈະສິ້ນສຸດ
ລົງໃນເດືອນມີນາ ປີ ໜ້ານີ້.