ການປ່ອນບັດເລືອກຕັ້ງເອົາສະມາຊິກສະພາຄັ້ງທໍາອິດຂອງອີຈິບ ນັບຕັ້ງ ແຕ່ການໂຄ່ນ
ລົ້ມອະດີດປະທານາທິບໍດີ Hosni Mubarak ໄດ້ດໍາເນີນຕໍ່ໄປ ຫລັງຈາກພວກພວກນັກ
ສັງເກດການໆເລືອກຕັ້ງລາຍງານວ່າ ມີຜູ້ໄປປ່ອນບັດເກີນຄາດໝາຍ ແລະບັນຍາກາດ
ເປັນໄປຢ່າງສັນຕິ ໃນມື້ຜ່ານມາ.
ວັນອັງຄານມື້ນີ້ເປັນຂີດໝາຍຂອງວັນທີ່ສອງໃນຂັ້ນຕອນການລົງຄະແນນສຽງແບບຍືດ
ຍາວ ໃນຫົກອາທິດຕໍ່ໜ້ານີ້ ຢູ່ໃນ 27 ແຂວງຂອງອີຈິບນັ້ນ.
ຄາດກັນວ່າ ກຸ່ມພະລາດອນພາບມູສລິມທີ່ມີອິດທິພົນ ຊຶ່ງເປັນກຸ່ມການເຄຶ່ອນໄຫວອິສ
ລາມນິຍົມແນວທາງປານກາງ ທີ່ໄດ້ຖືກສັ່ງຫ້າມມາຕັ້ງແຕ່ຊຸມປີ 1950 ນັ້ນ ຈະໂຜ່ໂຕຂຶ້ນ
ມາເປັນກຸ່ມມີອໍານາດໃຫຍ່ທີ່ສຸດ ແຕ່ກໍປາດສະຈາກການກຳສຽງສ່ວນຫຼາຍແບບເດັດຂາດ
ເວລາຜົນການເລືອກໄດ້ພິມເຜີຍແຜ່ໃນເດືອນມັງກອນປີໜ້ານີ້.
ການເລືອກຕັ້ງຄັ້ງປະວັດສາດນີ້ ຈະຕັດສິນໃຫ້ເຫັນວ່າ ພັກເສລີພາບ ແລະຍຸຕິທໍາ ຫລື
Freedom and Justice Party ຂອງກຸ່ມດັ່ງກ່າວຕຽມການທີ່ຈະນໍາພາອີຈິບໄປສູ່
ແນວທາງອີສລາມຫລາຍຂຶ້ນ ຫລັງຈາກການປົກຄອງແບບຜະເດັດການ ໂດຍຝ່າຍທະ
ຫານທີ່ບໍ່ຫຍຸ້ງກ່ຽວກັບສາສະໜາມາໄດ້ເກືອບຫົກສິບປີນັ້ນໄດ້ຫລືບໍ່.
ຕະຫລອດມື້ຂອງວັນຈັນວານນີ້ ຝູງຊົນທີ່ໜາແໜ້ນ ໄດ້ພາກັນອອກໄປ ຍັງບ່ອນປ່ອນ
ບັດເລືອກຕັ້ງ ເຖິງແມ່ນທ່າມກາງຄວາມເປັນຫ່ວງດ້ານ ຄວາມປອດໄພ ແລະຄວາມວຸ້ນ
ວາຍ ຈາກການກໍ່ຄວາມຮຸນແຮງໃນອາທິດ ກ່ອນໜ້າການປ່ອນບັດມີຂຶ້ນກໍຕາມ ພວກ
ປ່ອນບັດຫລາຍຄົນ ກ່າວວ່າ ພວກເຂົາເຈົ້າມີໂອກາດໄດ້ປ່ອນບັດເປັນເທື່ອທໍາອິດ ໃນຂະນະ
ທີ່ບາງຄົນ ຫວັງວ່າການເລືອກຕັ້ງຄັ້ງນີ້ຈະມີໝາກຜົນດີ ຊຶ່ງບໍ່ເໝືອນກັບການເລືອກຕັ້ງຄັ້ງ ກ່ອນໆໃນຮອບທົດສະວັດຜ່ານມາ.
ການປ່ອນບັດເລືອກຕັ້ງມື້ທໍາອິດນັ້ນ ໄດ້ຕໍ່ເວລາອອກໄປອີກສອງຊົ່ວໂມງ ໃນບາງເຂດ.
