ຫຼາຍປະເທດຕື່ມອີກກໍາລັງຈັດສົ່ງເຮຶອບິນ ໄປຍົກຍ້າຍ
ປະຊາຊົນຂອງພວກເຂົາ ເຈົ້າອອກຈາກປະເທດອີຢິບ
ທີ່ກໍາລັງວຸ້ນວາຍຢູ່ນີ້ ໃນຂະນະທີ່ພວກຜູ້ນໍາຈາກທົ່ວ
ໂລກໄດ້ຮຽກຮ້ອງໄປຍັງປະທານາທິບໍດີ Hosni
Mubarak ໃຫ້ຊອກຫາຊ່ອງແກ້ໄຂວິກິດການຢ່າງສັນຕິ
ເພື່ອຍຸຕິການປະທ້ວງຕໍ່ຕ້ານລັດຖະບານທີ່ໄດ້ດໍາເນີນ
ມາເປັນເວລານຶ່ງອາທິດນັ້ນ.
ລັດຖະມົນຕີຊ່ອຍວ່າການຕ່າງປະເທດສະຫະລັດ ຮັບຜິດ
ຊອບເລື້ອງກົງສູນ ທ່ານນາງ Janice Jacobs ໄດ້ຖະ
ແຫລງຕໍ່ພວກນັກຂ່າວວ່າ ເຄື່ອງບິນຖ້ຽວທໍາອິດຂອງ
ສະຫະລັດນັ້ນ ແມ່ນມີໝາຍກໍານົດທີ່ຈະອອກຈາກນະ ຄອນຫລວງໄຄໂຣ ໃນວັນຈັນວັນນີ້.
ໃນຂະນະດຽວກັນ ໂທລະພາບຂອງລັດຖະບານຈີນກໍ
ປະກາດວ່າ ເຮືອບິນຂອງຕົນ ກໍກໍາລັງເດີນທາງໄປຍັງ
ອີຈິບເພື່ອເລີ້ມອົບພະຍົບຊາວຈີນຈໍານວນ 500 ຄົນອອກຈາກເດີນບິນຂອງໄຄໂຣ. Azer-
baijan, India, Iraq, ຍີ່ປຸ່ນ, ແລະ ເທີກີ ກໍລວມຢູ່ໃນພວກປະເທດທີ່ໄດ້ສົ່ງເຮືອບິນໄປຮັ
ເອົາປະຊາຊົນຂອງຕົນອອກຈາກອີຈິບໃນວັນອາທິດວານນີ້.
ໃນຖະແຫລງການໃນວັນອາທິດວານນີ້ ກະຊວງການຕ່າງປະເທດຂອງຈີນກ່າວວ່າ ປັກກິງ
ຫວັງວ່າອີຈິບຈະກັບຄືນສູ່ສະພາບປົກກະຕິແລະທຸ່ນທ່ຽງໃນໄວໆນີ້.
ກ່ອນໜ້ານັ້ນ ປະທານາທິບໍດີສະຫະລັດທ່ານ Barack Obama ກໍໄດ້ຮຽກຮ້ອງໃຫ້ມີ
ການຫັນປ່ຽນຢ່າງເປັນລະບຽບໄປສູ່ການປົກຄອງທີ່ຕອບສະໜອງແກ່ປະຊາຊົນຫລາຍຂຶ້ນ
ໃນອີຈິບນັ້ນ ໃນຂະນະທີ່ພວກຜູ້ນໍາເອີຣົບຮຽກຮ້ອງໃຫ້ມີການເລືອກຕັ້ງທີ່ເສລີແລະຍຸຕິທໍາ
ໃນປະເທດທີ່ມີພົນລະເມືອງເປັນຄົນອາຣັບຫຼາຍທີ່ສຸດໃນໂລກນັ້ນ.
