ໃນສອງອາທິດທີ່ແລ້ວນີ້ທາງລາຍການຊີວິດຊາວລາວໃນຕ່າງແດນຂອງ VOA ໄດ້ນຳການສຳພາດກັບສອງໜຸ່ມ ວອງ ວາງແລະ ໄຊສະຫວາດ ຊຶ່ງເປັຍຜູ້ນຳພາຂອງທີມເຕະບານຂອງໂຮງຮຽນສອນພາສາອັງກິດທີ່ຊຽງຂວາງ ປະເທດ
ລາວໄປແລ້ວ ແລະຄ່ຳຄືນນີ້ ຜູ້ອຸບປະຖຳລາຍໃຫ່ຽທ່ານ Gareth Carter ຊາວອັງກິດທີ່ອາໄສຢູ່ສະວີເດັນໄດ້ມາໂອລົມກັບ VOA ກ່ຽວກັບການປະກອບສ່ວນຂອງຜຸ້ກ່ຽວທີ່ເຮັດໃຫ້ກຸ່ມເຍົາວະຊົນເຕະບານຂອງໂຮງຮຽນ English Development School ແຂວງຊຽງຂວາງຂອງລາວ ໄດ້ມີໂອກາດເຂົ້າແຂ່ງຂັນໃນງານມະຫະກຳການເຕະບານເຍົາວະຊົນ (Gothia Cup) ທີ່ໃຫ່ຽທີ່ສຸດຂອງໂລກ ທີ່ສະວີເດັນ ເຊີນທ່ານອ່ານບົດຄວາມບາງສ່ວນຂອງການສຳພາດໄດ້ເລີຍ
ແລພກະລຸນາຫາທາງຮັບຟັງການສຳພາດທັງໝົດໄດ້ດ້ວຍການກົດຮູບໂທລະໂຄ່ງໄດ້ໃນຂ້າງເທິງຂວາມືນີ້:
“ລາວເປັນປະເທດທີ່ຂ້ອຍມັກທີ່ສຸດປະເທດນຶ່ງໃນໂລກ. ໃນສິ່ງທີ່ເລັກໆນ້ອຍໆ
ທີ່ຂ້ອຍກະທຳມານີ້ມັນໄດ້ມີຜົນກະທົບທີ່ດີຕໍ່ຄົນຢູ່ໃນລາວລຫຼືແມ່ນແຕ່ຄົນລາວ
ໃນທົ່ວໂລກທີ່ຂຽນເຖິງຂ້ອຍນັ້ນ. ສຳລັບຂ້ອຍດລ້ວໃນການທີ່ໄດ້ເຮັດສິ່ງທີ່ດີ
ໃຫ້ລາວແລ້ວນັ້ນແມ່ນວ່າຖືເປັນກຽດຢ່າງສູງສຸດໃນຊີວິດ. ເຫດຜົນທີ່ຂ້ອຍ
ເວົ້ວ່າ ລາວເປັນປະເທດທີ່ຂ້ອຍມັກທີ່ສຸດປະເທດນຶ່ງໃນໂລກນັ້ນ ອາດຈະເປັນເພາະວ່າ ຂ້ອຍມີຄວາມຮູ້ສຶກວ່າມັນປອດໄພ ສາມາດເວົ້າໄດ້ວ່າ
ຂ້ອຍຮູ້ສຶກປອດໄພທີ່ການເດີນຖະນົນໃນລາວກວ່າການເດີນຖະນົນໃນ ລອນດອນອີກຊ້ຳ. ແນ່ນອນໃນຄື ຜູ້ຄົນອຸບປະນິໄສແລະນ້ຳໃສໃຈຈິງແລະ
ບໍ່ແອບແຝງຂອງຜູ້ຄົນແລະການທີ່ພວກເຂົາເຫຼົ່ານີ້ເຮັດໃຫ້ຂ້ອຍມີຄວາມຮູ້ສຶກ
ເປັນກັນເອງແລະໃຫ້ການຕ້ອນຮັບສັນພີ່ນ້ອງພວກເຂົາເຈົ້າສົນໃຈແລະເອົາໃຈໃສ່ຢາກຮູ້ຢາກເຫັນວ່າຂ້ອຍເປັນໃຜ ມາຈາກໃສ ແລະນັ້ນລະຄືຈິດໃຈອັນ
ອ່ອນນ້ອມຂອງຊາວລາວທີ່ເກືອບວ່າທຸກຄົນແມ່ນມີພ້ອມ. ສະລຸບແລ້ວກໍຄືວ່າ ຂ້ອຍຮູ້ສຶກປອດໄພແລະມີຄວາມຮູ້ສຶກມີໃຈແລະເບີກບານທີ່ໄດ້ສຳພັດຜູ້ຄົນ
ພວກນີ້ ແລະນັ້ນລະຄືສິ່ງທີ່ວິເສດຂອງປະເທດລາວຄືຜູ້ຄົນ.”
ຄວາມຫວັງອັນແຮງກ້າທີ່ Gareth ມີຕໍ່ປະເທດລາວແມ່ນວ່າຢາກ
ຈະດຳເນີນເຮັດສາລະຄະດີກ່ຽວກັບປະເທດລາວ ແລະວ່າ ພໍຜູ້ຄົນໄດ້ເບິ່ງສາລະຄະດີເລື່ອງນີ້ຈົບແລ້ວຜູ້ຄົນກໍຈະຮູ້ວ່າ ປະເທດລາວຢູ່ໃສແລະເປັນປະເທດທີ່ຮັ່ງມີອຸດົມສົມບູນແລະມີອະລິຍະທຳທີ່ສູງສົ່ງ ຊຶ່ງລາວກ່າວຊີ້ແຈງແລະສະລຸບວ່າ:
“ມັນຈະເປັນຮູບເງົາທີ່ສວຍງາມທີ່ສຸດເລື່ອງນຶ່ງທີ່ໄດ້ຖ່າຍທຳຂຶ້ນກຽ່ວກັບປະເທດລາວ. ສຸດທ້າຍນີ້ ຂ້ອຍຢາກຂໍຂອບໃຈນໍາປະຊາຊົນລາວ ທີ່ມີຈິດໃຈສວຍງາມ ຮວມທັງປະເທດລາວນຳ ທີ່ເຮັດໃຫ້ຂ້ອຍໄດ້ມີປະສົບການອັນດີທີ່ສຸດແລະລ້ຳຄ່າທີ່ສຸດໃນຊີວິດ ແລະຂ້ອຍດີໃຈ ຫລາຍ ທີ່ໄດ້ມີເພື່ອນຄົນລາວຢູ່ໃນປະເທດລາວນີ້.“
ພວກເຮົາຂໍອວຍພອນໃຫ້ຄວາມຫວັງຂອງ Gareth ເປັນຈິງແລະສາມາດຊ່ອຍເສີມຂະຫຍາຍໂຄງການຂອງໂຮງຮຽນພັດທະນາພາສາອັງກິດຢ່າງຕໍ່ເນື່ອງ ແລະທາງລາຍການຊີວິດຊາວລາວໃຂຕ່າງແດນຈະນຳເລື່ອງລາວທີ່ໜ້າສົນໃຈອື່ນໆມາສະເນີທ່ານອີກ ກະລຸນາຄອຍຕິດຕາມ.
