ລິ້ງ ສຳຫລັບເຂົ້າຫາ

ວັນພຸດ, ໒໙ ພະຈິກ ໒໐໒໓

ກຸ່ມ ECOWAS ຈະສົ່ງທະຫານ ໄປ Mali ແລະ Guinea Bissau


ປະຊາຄົມເສດຖະກິດໃນເຂດອາຟຣິກາຕາເວນຕົກຫລື ECOWAS ຈະສົ່ງທະຫານ ໄປ Mali ແລະ Guinea Bissau.
ປະຊາຄົມເສດຖະກິດໃນເຂດອາຟຣິກາຕາເວນຕົກຫລື ECOWAS ຈະສົ່ງທະຫານ ໄປ Mali ແລະ Guinea Bissau.

ປະຊາ​ຄົມເສດຖະກິດ​ໃນ​ເຂດອາຟຣິກາຕາ​ເວັນ​ຕົກ ຫລື ECOWAS ກ່າວ​ວ່າ ​
ເຂົາ​ເຈົ້າ​ຈະ​ສົ່ງ​ກອງ​ທະຫານ​ໄປ​ຍັງ Mali ​ແລະ Guinea Bissau ​ເພື່ອ​ສັງ​ເກ​ດການ ​
ເບິ່ງ​ການ​ຟື້ນຟູການ​ປົກຄອງ​ຂອງພົນລະ​ເຮືອນລຸນ​ຫຼັງທີ່​ໄດ້​ມີ​ການ​ກໍ່ລັດ​ຖະ​ປະຫານ
ຂອງພວກ​ທະຫານ​ເມື່ອ​ມໍ່ໆ​ມາ​ນີ້.

ຢູ່ໃນ​ກອງ​ປະ​ຊຸມສຸດ​ຍອດ​ພິ​ເສດ​ ທີ່ Ivory Coast ​ໃນ​ວັນ​ພະຫັດວານ ນີ້ກຸ່ມ
ECOWAS ​ກ່າວ​ວ່າ ທັງ​ສອງປະ​ເທດຄວນ​ຕຽມ​ຈັດການເລືອກ ຕັ້ງສະພາ​ແຫ່ງ​ຊາດ ​
ແລະ​ເລືອກ​ຕັ້ງປະທານາທິບໍດີ​ພາຍ​ໃນ​ເວລາ​ນຶ່ງ​ປີ. ​ກຸ່ມ ECOWAS ໄດ້​ຂູ່​ວ່າ ຈະ​ທຳ​
ການລົງ​ໂທດ ຖ້າ​ຫາກ​ບັນດາ​ຜູ້​ນໍາໃນ​ການ​ກໍ່ລັດຖະປະຫານ ​ຫາກຍັງ​ດື້​ດຶງທີ່​ຈະ​ກຳ
ອໍານາດ​ຕໍ່​ໄປ.

ລາຍ​ງານ​ຂ່າວ​ຂອງ​ສື່​ມວນ​ຊົນ ​ໄດ້​ອ້າງ​ຄຳ​ເວົ້າຂອງເຈົ້າ​ໜ້າ​ທີ່ໆ​ຂໍ​ສະ ຫງວນ​ຊື່​ກ່າວ​ວ່າ
ຈະ​ມີ​ການ​ສົ່ງ​ທະຫານ​ຈາກ​ກຸ່ມ ECOWAS ຢ່າ​ງ ໜ້ອຍ 3000 ຄົນ​ ໄປ​ຍັງ Mali ຊຶ່ງ
ເປັນ​ບ່ອນ​ທີ່ພວກ​ທະຫານ​ກໍ່​ກະ ບົດ ພາກັນ​ໂຄ່ນ​ລົ້ມ​ປະທານາທິບໍດີຂອງ​ປະ​ເທດ ທີ່​
ໄດ້ຖືກ​ເລືອກ​ແບບ​ປະຊາທິປະໄຕ ໃນເດືອນແລ້ວນີ້.

ເປັນ​ທີ່​ຄາດ​ກັນ​ວ່າ ທະຫານປະມານ 600 ຄົນຈະຖືກສົ່ງໄປ Guinea Bissau ບ່ອນ
ທີ່ພວກທະຫານໄດ້ເຂົ້າກຳ​ອຳນາດໃນວັນທີ 12 ​ເດືອນ ​ເມສາຊຶ່ງບໍ່ພຽງເທົ່າໃດອາທິດ
ກ່ອນໜ້າການເລືອກຕັ້ງປະທານາທິບໍດີ ຮອບສຸດທ້າຍນັ້ນ.

XS
SM
MD
LG