ລິ້ງ ສຳຫລັບເຂົ້າຫາ

ວັນອັງຄານ, ໒໘ ພຶດສະພາ ໒໐໒໔

ບັນດາຜູ້ນໍາ ECOWAS ຫາລືກັນດ່ວນ ເລື່ອງສະຖານະການໃນມາລີ (ເບິ່ງສະໄລດ໌ກັບວີດີໂອ)


ຜູ້ຊາຍຄົນນຶ່ງຖືປ້າຍອ່ານວ່າ "ຈົ່ງນໍາເອົາລັດຖະທໍາມະນູນຄືນມາປະຕິບັດ" ໃນການປະທ້ວງ ຕໍ່ຕ້ານການເຮັດລັດ ຖະປະຫານຂອງທະຫານ ທີ່ນະຄອນ Bamako ປະເທດ Mali ໃນວັນຈັນທີ 26 ເດືອນມີນາ 2012.
ຜູ້ຊາຍຄົນນຶ່ງຖືປ້າຍອ່ານວ່າ "ຈົ່ງນໍາເອົາລັດຖະທໍາມະນູນຄືນມາປະຕິບັດ" ໃນການປະທ້ວງ ຕໍ່ຕ້ານການເຮັດລັດ ຖະປະຫານຂອງທະຫານ ທີ່ນະຄອນ Bamako ປະເທດ Mali ໃນວັນຈັນທີ 26 ເດືອນມີນາ 2012.

ບັນດາ​ຜູ້​ນໍາ​ແລະ​ປະມຸກ​ຂອງ​ອາ​ຟຣິກາ​ຕາ​ເວັນ​ຕົກ ​ກໍາລັງ​ປະ​ຊຸ​ມກັນ​ທີ່ Ivory Coast ​
ໃນ​ວັນ​ອັງຄານ​ມື້​ນີ້​ ເພື່ອສົນທະ​ນາ​ຫາລື​ກັນກ່ຽວ​ກັບ​ວິ​ກິດ​ດ້ານການ​ເມືອງໃນ​ປະ​ເທດ
Mali ລຸນ​ຫຼັງທີ່​ໄດ້​ມີການ​ກໍ່ລັດ​ຖະ​ປະ ຫານ​ຂອງພວກທະຫານ​ ​ໃນອາທິດ​ແລ້ວ​ນີ້.

ເປັນ​ທີ່​ຄາດ​ກັນ​ວ່າ ການ​ປະຊຸມສຸກ​ເສີນ​ຂອງປະຊາ​ຄົມ​ເສດຖະກິດ​ຂອງ​ບັນດາ​ລັດ​ອາ​ຟຣິກາ​
ຕາ​ເວັນ​ຕົກ (ECOWAS) ຈະ​ພິຈາລະນາ​ກ່ຽວ​ກັບ​ຊ່ອງ​ທາງທີ່​ຈະ​ໂຈະ​ການ​ເປັນ​ສະມາຊິກ
ຂອງ​ມາລີ​ຢູ່​ໃນ​ອົງການ​ພູມີພາກ​ດັ່ງກ່າວ​ຊຶ່ງ​ມີ​ສະມາຊິກ 15 ປະ​ເທດ​.

ຮອງ​ປະທານາ​ທິບໍດີ Toga Gayewea McIntosh ກ່າວ​ຕໍ່ VOA ວ່າ ກຸ່​ມຂອງ​ທ່ານ​ມີ​
ຄວາມ​ເປັນ​ຫ່ວງ​ໃນ​ການ​ຮັກສາ​ສັນ​ຕິ​ພາບ ສະຖຽນ​ລະ​ພາບ ​ແລະ​ປະຊາທິປະໄຕ ຢູ່​ໃນ​
ປະ​ເທດ ​ຫລັງ​ຈາກ​ມີ​ການ​ລັດ​ຖະ​ປະຫານ.

ປະຊາ​ຄົມ​ເສດຖະກິດ​ຂອງ​ບັນດາ​ລັດ​ອາ​ຟຣິກາ​ຕາ​ເວັນ​ຕົກ ​ໄດ້​ຮ່ວມ​ກັບ​ອົງການຕ່າງໆ​ຢູ່​ໃນ
ຂົງ​ເຂດ​ ແລະ​ອົງການ​ນາໆ​ຊາດ ​ໃນ​ການ​ປະນາມ​ລັດ​ຖະ​ປະຫານ ​ແລະເຕືອນ​ວ່າ ​ຈະ​ບໍ່​ຜ່ອນ
ຜັນ​ໃດໆ​ກັບ “ການ​ຜະຈົນ​ໄພ​ຂອງ​ພວກທະຫານ” ນັບ​ແຕ່ການ​ກໍ່​ຈະລາຈົນ​ຂອງ​ພວກ​ທະຫານ
ທີ່ໄດ້​ເຂົ້າຢຶດ​ອໍານາດ​ໃນ​ວັນ​ພະຫັດ​ແລ້ວ​ຈາກປະທານາທິບໍດີ Amadou Toumani Toure.

ໃນ​ວັນ​ຈັນ​ຜ່ານ​ມາ​ນີ້ ສະຫະລັດ​ອາ​ເມ​ຣິ​ກາ ກ່າວ​ວ່າ​ຈະໂຈະ​ການ​ຊ່ວຍ​ເຫລືອ​ແກ່​ລັດ​ຖະ​ບານ
Mali ​ເພື່ອ​ເປັນ​ການ​ປະ​ທ້ວງ. ກະ​ຊວງ​ການ​ຕ່າງປະ​ເທດສະຫະລັດ ກ່າວ​ວ່າ ການ​ຊ່ວຍ​
ເຫຼືອທີ່​ບໍ່​ແມ່ນ​ດ້ານ​ມະນຸດ ສະ​ທໍາຫຼາຍ​ເຖິງ 70 ລ້ານ​ໂດ​ລາ ອາດ​ຈະ​ໄດ້​ຮັບ​ຜົນສະທ້ອນ.

XS
SM
MD
LG