ລິ້ງ ສຳຫລັບເຂົ້າຫາ

site logo
ວັນອັງຄານ, 24 ພຶດສະພາ 2022

ການຢ້ຽມຢາມ ເອເຊຍ ຂອງທ່ານນາງ Clinton ເນັ້ນໜັກໃສ່ ດ້ານເສດຖະກິດ


ລັດຖະມົນຕີການຕ່າງປະເທດຫວຽດນາມ ທ່ານ Pham Binh Minh (ຂວາ) ແລະລັດຖະມົນຕີການຕ່າງປະເທດສະຫະ ລັດ ທ່ານນາງ Hillary Clinton ພວມພາກັນຍ່າງໄປຫ້ອງປະຊຸມ ທີ່ບ້ານພັກຂອງລັດຖະບານ ໃນນະຄອນຫຼວງຮ່າໂນ່ຍ (10 ກໍລະກົດ 2012)

ລັດຖະມົນຕີ​ການ​ຕ່າງປະ​ເທດສະຫະລັດ ທ່ານ​ນາງ Hillary Clinton ຄາດ​ວ່່າ​ ຈະ​ເນັ້ນ
ໜັກ​ໃສ່​ດ້ານ​ເສດຖະກິດ ​ຫລາຍ​ກວ່າຄວາມ​ເປັນ​ຫ່ວງ​ ທາງດ້ານທະ​ຫານ

ທ່ານ​ນາງ Clinton ​ທີ່​ເດີນ​ທາງ​ໄປ​ເຖິງຫວຽດນາມ ​ໃນ​ວັນ​ອັງຄານ ມື້ນີ້ ມີ​ກຳນົດທີ່​ຈະ
​ປະກາດ​ກ່ຽວ​ກັບ​ຂໍ້​ສະ​ເໜີ​ຈຳນວນ​ນຶ່ງ ​ແນ​ໃສ່​ທີ່​ແນໃສ່ເພື່ອຂະຫຍາຍການ ລົງ​ທຶນຂອງ
ສະຫະລັດ ແລະ​ການ​ສົ່ງ​ອອກຢູ່​ໃນ​ຂົງ​ເຂດ ທີ່​ສາມາດ​ເວົ້າ​ໄດ້ວ່າ ​ເປັນ​ເຂດ​ທີ່​ມີເສດຖະກິດ
​ຂະຫຍາຍ​ໂຕໄວທີ່​ສຸດ​ຂອງ​ໂລກ.

​ແຕ່​ການ​ດຳ​ເນີນ​ການ​ເພີ່ມ​ຂຶ້ນທາງດ້ານເສດຖະກິດຂອງສະຫະລັດ ຢູ່​ໃນ​ເອ​ເຊຍ​ອາຄະ​ເນ ​
ແມ່ນ​ມີ​ທ່າ​ທາງ​ວ່າ ຈະມີ​ການມອງ​ເຫັນ​ເປັນການ​ທ້າ​ທາຍຈາກຈີນ ຊຶ່ງ​ການ​ຄັດຄ້ານ​ຢ່າງ
​ແຂງ​ຂັນ​ຕໍ່​ຍຸດ​ທະ​ສາດ​ໃໝ່​ຂອງ​ລັດຖະບານ​ທ່ານ Obama ​ທີ່ ​ໄດ້​ເພັ່ງ​ເລັງ​ໃສ່ເຂດປາຊິ​ຟິກ.

ນັບ​ຕັ້ງ​ແຕ່​ໄດ້​ມີ​ການ​ປະກາດຂອງ​ວໍ​ຊິງ​ຕັນ ກ່ຽວ​ກັບ​ການ​ຫັນປ່ຽນ​ໄປ​ໃສ່​ເຂດ​ເອ​ເຊຍ ໃນ​
ປີ​ກາຍ​ນີ້ ສະຫະລັດ​ໄດ້ຟື້ນຟູ​ຄວາມ​ສໍາ​ພັນທາງ​ທະ​ຫານຄືນໃໝ່​ ກັບ ຫລາຍ​ປະ​ເທດ ຮ່ວມ
​ທັງ​ຟິລິບ​ປີນ ​ແລະ​ຫວຽດນາມ ຊຶ່ງ​ຕ່າງ​ກໍ​ມີ​ຄວາມ​ເປັນ​ຫ່ວງ​ກັງວົນ​ແບບ​ດຽວກັບສະຫະລັດ
ກ່ຽວ​ກັບ​ພະລັງ​ເສດຖະກິດທີ່ພວມ​ເຕີບ​ໃຫຍ່​ຂະ ຫຍາ​ຍ​ໂຕ​ ​ແລະ​ທ່າ​ທີ​ແບບ​ກ້າຫານ​ຫຼາຍ
ຂຶ້ນທາງ​ທະຫານຂອງ​ຈີນ.

ບັນດານັກວິເຄາະ​ຄາດ​ຄະ​ເນ​ວ່າ ທ່ານ​ນາງ Clinton ຈະ​ບໍ່​ກ່າວ​ເຖິງຄວາມ​ບໍ່​ລົງ​ລອຍ​ກັນ
ລະຫວ່າງສະຫະລັດ ​ແລະຈີນ ​ເວລາທ່ານ​ນາງ​ເຂົ້າຮ່ວມ​ກອງ​ປະ​ຊຸ​ມ ​ລັດຖະມົນ​ຕີ​ການ​ຕ່າງ
ປະ​ເທດຂອງ​ສະມາຄົມ​ອາ​ຊ່ຽນ ຢູ່ທີ່​ກໍາ​ປູ​ເຈຍ ​ໃນ​ວັນ​ພຸດ​ນີ້ ໂດຍ​ກ່າວ​ວ່າ ທ່ານ​ນາງ​ຈະເນັ້ນ
​ໜັກ​ເຖິງຄວາມ​ປາດ​ຖະໜາ​ຂອງວໍ​ຊິງ​ຕັນ​ທີ່​ຢາກ ຮ່ວມ​ມື​ກັນກັບປັກ​ກິ່ງ.

ໃນ​ທ້າຍອາທິດ​ນີ້ ທ່ານນາງ Clinton ຈະ​ເປັນ​ເຈົ້າພາບຈັດການ​ພົບ​ປະບັນດາ​ຜູ້​ບໍລິຫານ​
ທຸລະກິດຂອງສ​ະຫະລັດ ໃນກໍາ​ປູ​ເຈຍ ​ເພື່ອ​ສົນທະນາ​ຫາ​ທາງ​ເພີ້​ມການ​ສົ່ງ​ອອກຂອງສະຫະ
ລັດຢູ່​ໃນ​ຂົງ​ເຂດ. ທ່ານ​ນາງຍັງ​ຄາດ​ວ່າ​ ຈະເປີດ​ເຜີຍ​ໃນອັນ​ທີ່ເຈົ້າໜ້າ​ທີ່ເອີ້ນ​ວ່າ “​ເປັນ​ຊັບພະ​ຍາ
ກ​ອນ​ໃໝ່ທີ່​ສໍາຄັນ” ສຳ​ຫຼັບບັນດາ​ປະ​ເທດ ທີ່ຢູ່​ເລາະ​ຕາ​ມລໍາ​ແມ່​ນໍ້າຂອງ.

ແຕ່​ເຖິງ​ແມ່ນ​ວ່າ ທ່ານ​ນາງ Clinton ​ເນັ້ນ​ໜັກໃສ່​ການເສີມ​ຂະຫຍາຍ​ຄວາມ​ສຳ ພັນ​ເພີ່ມ​ຕື່ມ
ທາງ​ດ້ານ​ເສດຖະກິດກໍ​ຈິງ ແຕ່​ແນ່ນອນ ​ເບິ່ງ​ຊົງ​ວ່າຄວາມບໍ່​ລົງ​ລອຍ ກັບຈີນ ​ກໍ​ຈະປະກົດ​ຂື້ນ​
ມາ​ໃຫ້​ເຫັນ. ຢູ່​ທີ່ Mongolia ​ໃນ​ວັນ​ຈັນ​ຜ່ານ​ມາ​ນີ້ທ່ານ​ ນາງ Clinton ​ໄດ້​ກ່າວ​ເຖິງ​ຄວາມ
ສຳພັນ ​ໃນ​ການ​ເຕີບ​ໂຕດ້ານ​ເສດຖະກິດ ກັບ ປະຊາທິປະໄຕ ຊຶ່ງ​ຫລາຍ​ຄົນມອງ​ເຫັນ​ວ່າ ​
ເປັນສາກ​ໃນ​ກາ​ນຕິຕຽນຕໍ່ຈີນນັ້ນ.

ທ່າ​ນນາງ ​ໄດ້​ກ່າວ​ຢູ່​ເມືອງ​ຫລວງ​ຂອງມົງ​ໂກ​ເລຍ ນະຄອນ Ulaanbaatar ​ວ່າ ​ການ​ສະໜັບ
ສະ​ໜຸນ​ຕໍ່ປະຊາທິປະໄຕ ​ແລະສິດທິ​ມະນຸດ​ ​ເປັນ “ໝາກ​ຫົວ​ໃຈ” ຂອງ​ຍຸດ​ທະ​ສາດ​ສະຫະລັດ​ຢູ່​
ໃນ​ເຂດ​ເອ​ເຊຍ.

ສ່ວນຈີນ ​ໄດ້​ກ່າວ​ໂຈມ​ຕີໃນ​ວັນ​ອັງຄານມື້ນີ້ ຕໍ່​ການ​ມີໜ້າຂອງສະຫະ​ລັດຢູ່​ໃນ​ຂົງ​ເຂດ. ​ບົດ​
ຄວາມ​ບົດ​ນຶ່ງ​ໃນ​ໜ້າໜັງ​ສື​ພິມ Global Times ​ທີ່​ຄວບ​ຄຸມ​ໂດຍ​ພັກ ຄອມ​ມູນິນນັ້ນ ຢືນ​ຢັດ​ວ່າ
ເປົ້າ​ໝາຍໃນ​ການ​ຫັນປ່ຽນຂອງວໍ​ຊິງ​ຕັນ​ໄປ​ຍັງ​ເຂດ​ເອ​ເຊຍນັ້ນ ​ກໍແມ່ນ​ເພື່ອ​ຄວບ​ຄຸມຈີນຊຶ່ງ​ເປັນ​
ການ​ກ່າວ​ຫາ​ທີ່ສະຫະລັດໄດ້​ປະຕິ​ເສ​ດ ຊໍ້າ​ແລ້ວ​ຊໍ້າ​ອີກ.

XS
SM
MD
LG