ລິ້ງ ສຳຫລັບເຂົ້າຫາ

ພະສັນຕະປາປາຮຽກຣ້ອງ ໃຫ້ມີສັນຕິພາບ ໃນຊີເຣຍ ໃນສານວັນອີສເຕີ (ເບິ່ງສະໄລດ໌)

  • ທອງປານ ເທບວົງສາ

ວັນ​ອາທິດ​ມື້​ນີ້ ພະ​ສັນຕະປາປາ Benedict ​ໄດ້​ຊົງຮຽກຮ້ອງ​ໃຫ້ຍຸຕິເຫດການ​ນອງ​ເລືອດ
ຢູ່​ໃນ​ຊີ​ເຣຍ ​ແລະ​ໃຫ້​ມຸ້ງ​ໝັ້ນ​ຕໍ່​ການ​ເຈລະຈາໂອ້​ລົມ​ກັນ ​ເພື່ອ​ຍຸຕິ​ການ​ກໍ່ຄວາມ​ຮຸນ​ແຮງ​ຢູ່
ທີ່​ນັ້ນ.

ໃນສານ​ປະ​ຈໍາປີຂອງ​ພະ​ອົງເນື່ອງ​ໃນ​ເທດສະການ​ບຸນ​ອີສ​ເຕີ​ ວັນ​ອາທິດ​ມື້​ນີ້ ພະ​ສັນຕະປາ
ປາ​ຊົງກ່າວ​ຕໍ່​ຝຸງ​ຊົນ​ປະມານ 100,000 ຄົນ​ທີ່​ໄປ​ອັ່ງ​ອໍ​ກັນ​ຢູ່​ຈະຕຸ​ລັດ St. Peter ທີ່​ກຸງ
Rome ນັ້ນວ່າ ​ໂດຍ​ສະ​ເພາະ​ຢູ່​ໃນ​ປະ​ເທດ​ຊີ​ເຣຍນັ້ນ ຄວນ​ຈະ​ມີ​ຄວາມ​ມຸ້ງ​ໝັ້ນ​ໃນ​ທັນທີ​
ຕໍ່​ການ​ກ້າວ​ເດີ​ນ​ໄປ​ບົນ​ເສ້ນ​ທາງ​ແຫ່ງ​ຄວາມ​ເຄົາລົບ​ນັບຖືການ​ໂອ້​ລົມ​ສົນ​ທະນາ​ແລະການ
ປອງດອງ​ກັນ. ພະ​ສັນຕະປາປາຍັງ​ຊົງ​ໄດ້​ປະນາມ ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ຢູ່
ໃນ​ປະ​ເທດໄນ​ຈີ​ເຣຍ ​ແລະ​ພາວະ​ນາ​ໃຫ້​ມີ​ສັນຕິພາບ​ຢູ່​ໃນ​ປະ​ເທດ​ມາລີ ທີ່ໄດ້​ປະສົບ​ກັບ
ການກໍ່​ລັດຖະປະຫານ​ນັ້ນ.

ຫລັງ​ຈາກປະກອບ​ພິທີ​ທາງ​ສາ​ສະໜາ​ເນື່ອງ​ໃນ​ວັນອີສ​ເຕີ ​ວັນ​ອາທິດມື້​ນີ້​ແລ້ວ ພະ​ສັນຕະ
ປາປາກໍຊົງ​ກ່າວ​ຄໍາ​ອວຍພອນ urbi e orbi ​ຕາມ​ປະ​ເພີ​ນີ ​ເປັນ 65 ພາສາ.

ບໍ່​ເທົ່າ​ໃດ​ຊົ່ວ​ໂມງ​ກ່ອນ​ໜ້ານັ້ນ ພະ​ອົງ​ໄດ້​ຊົງ​ນໍາພາໃນ​ການປະກອບ​ພິທີ​ອີສ​ເຕີ ຕອນ​ຄໍ່າ
ຄືນ ​ເປັນ​ເວລາ 3 ຊົ່ວ​ໂມງ ຢູ່ພາຍໃນໂບດ Saint Peter ນັ້ນ

ວັນ​ອີສ​ເຕີ ອັນ​ເປັນ​ວັນພັກ​ທີ່​ເປັນ​ຂີດ​ໝາຍຄວາມເຊື່ອ​ຖືຂອງຊາວ​ຄຣີສຕຽນ​ ທີ່​ວ່າ ພະ​ເຍຊູ
ໄດ້ຟື້ນ​ຊີບກັບຄືນມາຢ່າງ​ມີ​ໄຊຊະນະ ​ໃນ​ມື້​ທີສາມ​ຫລັງຈາກ​ຖືກ​ຂຶງ​ຢູ່ກັບໄມ້​ກາງ​ເຂນ​ຈົນ
ຕາຍນັ້ນ ​ແມ່ນ​ເປັນ​ພິທີ​ທີ່​ສໍາຄັນ​ທີ່​ສຸດ​ຢູ່ໃນປະຕິທິນ​ຂອງຊາວ​ຄຣີສຕຽນ.

ຊາວ​ຄຣີສຕຽນ​ນິກາຍ Eastern Orthodox ຈະ​ສະ​ຫ​ລອງ​ບຸນ​ອີສ​ເຕີ ​ໃນ​ວັນ​ທີ່ 15 ​ເມສາ
ເດືອນ​ດຽວ​ກັນ​ນີ້.

XS
SM
MD
LG