ລິ້ງ ສຳຫລັບເຂົ້າຫາ

ວັນອາທິດ, ໑໔ ເມສາ ໒໐໒໔

ປະທານາທິບໍດີ ຕີມໍຕາເວັນອອກ ຍອມປາໄຊ ໃນການເລືອກຕັ້ງ (ເບິ່ງສະໄລດ໌)


ປະທານາທິບໍດີ ໂຮເຊ ຣາໂມສ ອອກຕາ ກໍາລັງປ່ອນບັດ ໃນການ
ເລືອກຕັ້ງປະທານາທິບໍດີ ຕີມໍຕາເວັນອອກ ທີ່ນະຄອນຫລວງ ດີລີ,
ວັນທີ 17 ມີນາ 2012.
ປະທານາທິບໍດີ ໂຮເຊ ຣາໂມສ ອອກຕາ ກໍາລັງປ່ອນບັດ ໃນການ ເລືອກຕັ້ງປະທານາທິບໍດີ ຕີມໍຕາເວັນອອກ ທີ່ນະຄອນຫລວງ ດີລີ, ວັນທີ 17 ມີນາ 2012.

ປະທານາທິບໍດີ Jose Ramos-Horta ​ໄດ້ຍອມຮັບ​ເອົາ​ຄວາມ​ປາ​ໄຊ​ໃນ​ວັນ​ຈັນ​ມື້​ນີ້ໃນ
ຄວາມ​ພະຍາຍາມ​ຂອງ​ທ່ານ​ເພື່ອ​ໃຫ້​ໄດ້​ເປັນປະທານາທິບໍດີຕື່ມ​ອີກເປັນ​ສະໄໝ​ທີ​ສອງ​
ນັ້ນ.

ຫລັງ​ຈາກ​ມີ​ການ​ນັບ​ບັດ​ຄະ​ແນນ​ສຽງ​ເລືອກ​ຕັ້ງໄປແລ້ວຫລາຍ​ກວ່າ 70 ​ເປີ​ເຊັນ ​ຜົນ​ການ
ນັບ​ບັດ​ສະ​ແດງ​ໃຫ້​ເຫັນ​ວ່າ​ທ່ານ Francisco Guterres ຈາກ​ພັກຝ່າຍ​ຄ້ານໃຫຍ່​ Freti
lin ມີ​ຄະ​ແນນນໍາ​ໜ້າ ໂດຍ​ໄດ້​ຮັບ​ປະມານ 28 ​ເປີ​ເຊັນ. ຮອງ​ລົງ​ມາ​ແມ່ນ​ອະດີດ​ຫົວໜ້າ​
ກອງທັບ​ທ່ານ Jose Maria de Vasconselos ຊຶ່ງ​ໄດ້​ຮັບ 25 ເປີ​ເຊັນ. ທັງ 2
ທ່ານ​ນີ້​ ຈະ​ປະ​ເຊີນ​ໜ້າ​ກັນ​ໃນ​ການ​ເລືອກ​ຕັ້ງ​ຮອບຕັດສິນ​ຊີ້​ຂາດ​ ຊຶ່ງ​ກໍາ​ນົດ​ຈະ​ມີ​ຂຶ້ນ​ໃນ
ກາງ​ເດືອນເມສາ​ຕໍ່ໜ້າ​ນີ້.

ປະທານາທິບໍດີ Ramos Horta ຊຶ່ງ​ໄດ້​ຮັບ​ລາງວັນ​ໂນ​ແບນ​ຂະ​ແໜງ​ສັນຕິພາບ​ໄດ້​ຮັບ​
ສຽງສະໜັບສະໜຸນອັນ​ດັບ3 ຄື​ປະມານ 18 ​ເປີ​ເຊັນ.

ໃນ​ການ​ຖະ​ແຫລ​ງຕໍ່​ນັກ​ຂ່າວ​ໃນ​ວັນ​ຈັນ​ມື້​ນີ້ ທ່ານ Ramos Horta ​ໄດ້​ກ່າວ​ຊົມ​ເຊີຍ​ຄູ່​ແຂ່ງ
ທັງ 2 ຂອງທ່ານ​ ​ແລະ​ກ່າວ​ວ່າ ທ່ານ​ຕຽມ​ພ້ອມ​ແລ້ວ ທີ່​ຈະ​ລົງ​ຈາກ​ຕໍາ​ແໜ່​ງ.

ຄາດ​ວ່າ​ຜົນ​ຂອງ​ການ​ເລືອກ​ຕັ້ງຢ່າງ​ເປັນ​ທາງ​ການຈະ​ບໍ່ອອກ​ມາ ​ຈົນ​ກວ່າວັນ​ອັງຄານ​ມື້​ອື່ນ.

ໃນ​ຖະ​ແຫລ​ງການ​ສະບັບ​ນຶ່ງ​ທີ່​ເປີດ​ເຜີຍ​ໃຫ້​ຮູ້​ໃນ​ວັນ​ອາທິດ​ວານ​ນີ້ ທ່ານພັນ​ກີ​ມູນ ​ເລຂາທິ
ການ​ໃຫຍ່​ສະຫະ​ປະຊາ​ຊາດ​ໄດ້​ກາວ​ຊົມ​ເຊີຍ​ຕີ​ມໍ​ຕາ​ເວັນ​ອອກ​ ທີ່​ໄດ້ດໍາ​ເນີນ​ການ​ເລືອກ​ຕັ້ງ​
ໃນ​ບັນຍາກາດ​ທີ່​ເປັນ​ລະບຽບຮຽບຮ້ອຍ​ແລະ​ງຽບ​ສະຫງົບ.

ປະຊາຊົນ​ຜູ້​ມີ​ສິດ​ປ່ອນ​ບັດ​ພາກັນ​ອອກ​ໄປ​ໃຊ້​ສິດ​ຂອງ​ເຂົາ​ເຈົ້າ​ໃນ​ວັນ​ເສົາ​ມື້ກ່ອນ​ນີ້ ​ໃນ​ການ​
ເລືອກຕັ້ງປະທານາທິບໍດີ​ຄັ້ງ​ທີ​ສອງ ນັບ​ແຕ່​ຕີ​ມໍ​ຕາ​ເວັນ​ອອກ ຊຶ່ງ​ເປັນ​ນຶ່ງ​ໃນ​ບັນດາ​ປະ​ເທດ
ທີ່​ໃໝ່​ທ່ີ​ສຸດ​ແລະ​ທຸກ​ຍາກ​ທີ່​ສຸດ​ຂອງ​ໂລກນັ້ນ ​ໄດ້​ຮັບ​ເອກະລາດ​ຈາກ​ອິນ​ໂດ​ເນ​ເຊຍ​ໃນ​ປີ
2002 ເປັນ​ຕົ້ນ​ມາ.

XS
SM
MD
LG