ພາຍຸເຂດຮ້ອນລູກນຶ່ງທີ່ໄດ້ເຮັດໃຫ້ຜູ້ຄົນເສຍຊີວິດ ແລະສ້າງຄວາມພິ ນາດໃນຟີລິບປິນ ກໍາລັງພັດຜ່ານປະເທດຈີນ ຫວຽດນາມແລະໄທ ສົ່ງຜົນກະຕຸ້ນໃຫ້ມີການອົບພະຍົບປະຊາຊົນຢ່າງຂະໜານໃຫຍ່.
ອົງການຂ່າວຊິນຫົວຂອງທາງການຈີນກ່າວວ່າ ພາຍຸນົກເຕັນ ໄດ້ເຮັດນໍ້າຖ້ວມໃນຫລາຍເຂດໃນເກາະ Hainan ແຂວງພາກໃຕ້ຂອງຈີນໃນເຊົ້າວັນເສົາວານນີ້. ບັນດາເຈົ້າໜ້າທີ່ກ່າວວ່າ ປະຊາຊົນຈໍານວນເກືອບ 190 ພັນຄົນໄດ້ຖືກອົບພະຍົບອອກຈາກບ້ານເຮືອນຂອງເຂົາເຈົ້າ ໄປຢູ່ບ່ອນປອດໄພ.
ບັນດາເຈົ້າໜ້າທີ່ຫວຽດນາມກໍໄດ້ຍົກຍ້າຍປະຊາຊົນຢູ່ໃນບາງແຂວງເລາະຕາມແຄມທະເລ
ເຊ່ນກັນ ໃນຂະນະພາຍຸນົກເຕັນພັດຂຶ້ນຝັ່ງໃນວັນເສົາວານນີ້ ພ້ອມກັບຝົນຕົກໜັກແລະ
ລົມພັດແຮງເຖິງ 102 ຫລັກ ກິໂລແມັດຕໍ່ຊົ່ວໂມງນັ້ນ. ທາງການຫວຽດນາມກ່າວວ່າ ຊາຍ
ຄົນໜຶ່ງ ໄດ້ຖືກໄຟຟ້າຊອ໊ດຕາຍໃນແລງວັນເສົາວານນີ້ ເວລາສາຍໄຟຟ້າຂາດ ຕົກລົງມາ
ໃສ່ຜູ້ກ່ຽວ.
ພາຍຸນົກເຕັນໄດ້ລົດຄວາມແຮງລົງມາເປັນພາຍຸເຂດຮ້ອນທໍາມະດາ ຫລັງຈາກປະທະຫວຽດ
ນາມແລ້ວ ແຕ່ພວກນັກພະຍາກອນອາກາດ ເຕືອນວ່າ ພາຍຸລູກນີ້ສາມາດນໍາລົມແຮງຕະ
ຫຼອດທັງຝົນຕົກໜັກແລະ ນໍ້າຖ້ວມ ມາໃຫ້ຕື່ມອີກ ຮອດວັນອາທິດມື້ນີ້ກໍໄດ້ ແລະຄາດວ່າ
ຈະປະທະລາວໃນຕອນບ່າຍວັນອາທິດມື້ນີ້.
ພາຍຸເຂດຮ້ອນລູກນີ້ໄດ້ປະທະເກາະໃຫຍ່ Luzon ຂອງຟີລິບປິນ ໃນວັນພຸດຜ່ານມານີ້
ພ້ອມກັບຝົນຕົກໜັກ ແລະລົມພັດແຮງປະມານ 95 ຫລັກກິໂລແມັດຕໍ່ຊົ່ວໂມງ.
ບັນດາເຈົ້າໜ້າທີ່ຟີລິບປິນກ່າວວ່າ ຢ່າງໜ້ອຍປະຊາຊົນ 41 ຄົນເສຍຊີວິດຍ້ອນລົມພາ
ຍຸລູກນີ້ແລະປະຊາຊົນອີກຫລາຍຄົນຍັງຫາຍສາບສູນໄປຢູ່.
ນົກເຕັນ ຊຶ່ງເປັນຊື່ນົກຊະນິດໜຶ່ງຂອງລາວ ນັບວ່າເປັນລົມພາຍຸລູກທີ 10 ທີ່ປະທະຟີ
ລິບປິນໃນປີນີ້. ຟີລິບປິນຖືກລົມພາຍຸປະທະ ຄິດສະເລ່ຍ ແລ້ວ ປີໜຶ່ງ 20 ເທື່ອ.
