ອົງການຂາຍອາວຸດລັດຂອງລັດຖະບານຣັດເຊຍ ກ່າວວ່າພວກປະເທດຂົງເຂດເອເຊຍໄດ້
ກາຍເປັນຜູ້ຊື້ເທກໂນໂລຈີ່ດ້ານການທະຫານອັນດັບສູງສຸດຂອງຣັດເຊຍ ຊຶ່ງເປັນການ
ເຄື່ອນໄຫວທີ່ພວກຊ່ຽວຊານອາວຸດບາງຄົນຖິ້ມໂທດໃສ່ຈີນນັ້ນ.
ບໍລິສັດ Rosoboronexport ເປັນພາກສ່ວນຕົວແທນບໍລິສັດນຶ່ງຂອງຣັດເຊຍ ທີ່ສົ່ງໄປ
ຮ່ວມໃນການສະແດງອາວຸດນາໆຊາດທີ່ມາເລເຊຍ ກ່າວວ່າການສົ່ງອອກອາວຸດ 43 ເປີ
ເຊັນຂອງຣັດເຊຍເມື່ອປີຜ່ານມານີ້ ແມ່ນສົ່ງໄປຍັງປະເທດຂົງເຂດເອເຊຍ.
ສະຖາບັນການຄົ້ນຄວ້າສັນຕິພາບນາໆຊາດທີ່ນະຄອນ Stockholm ກ່າວເມື່ອເດືອນ
ຜ່ານມາວ່າ ຂົງເຂດເອເຊຍປາຊິຟິກ ປະກອບເປັນ 44 ເປີເຊັນ ໃນການນຳເຂົ້າອາວຸດ
ຂອງໂລກ. ຫ້າປະເທດທີ່ນໍາເຂົ້າອາວຸດຫຼາຍທີ່ສຸດແຕ່ປີ 2007 ຫາ ປີ 2011 ນັ້ນແມ່ນ
ປະກອບດ້ວຍອິນເດຍ ເກົາຫລີໃຕ້ ປາກີສຖານ ຈີນ ແລະສິງຄະໂປ.
ທ່ານ Maksim Pyatushkin ນັກວິເຄາະກິດຈະການທະຫານຂອງຣັດເຊຍ ບອກວີໂອ
ເອອາທິດນີ້ວ່າ ການເຕີບໂຕເສດຖະກິດ ແລະອໍານາດທາງທະຫານທີ່ມີເພີ່ມຂຶ້ນຂອງຈີນ
ແມ່ນພາໃຫ້ພວກປະເທດເພື່ອນບ້ານ ຕ້ອງພາກັນປັບປຸງຄຸນນະພາບອາວຸດຍຸດໂທປະ
ກອນຂອງພວກເຂົາເຈົ້າໃຫ້ດີຂຶ້ນ ຊຶ່ງປົກກະຕິແລ້ວພວກເຂົາເຈົ້າແມ່ນເພິ່ງພາອາວຸດຂອງ
ຣັດເຊຍເພື່ອການປັບປຸງດັ່ງກ່າວນັ້ນ.
