ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ແຜ່ນດິນໄຫວ ຄວາມແຮງ 6.9 ກະທົບ ນອກຝັ່ງຂອງປະເທດເກາະ ວານູອາຕູ


ແຜນທີ່ ປະເທດເກາະ ວານູອາຕູ
ແຜນທີ່ ປະເທດເກາະ ວານູອາຕູ

ແຜ່ນດິນໄຫວຢ່າງແຮງ ໄດ້ເກີດຂຶ້ນຢູ່ນອກຝັ່ງມະຫາສະມຸດ ປາຊີຟິກຕອນໃຕ້ ຂອງ ປະເທດເກາະ Vanuatu ແຕ່ບໍ່ໄດ້ມີລາຍງານກ່ຽວກັບຄື້ນຟອງຊູນາມິ ຫຼື ຄວາມເສຍ ຫາຍທີ່ຮ້າຍແຮງແຕ່ຢ່າງໃດ.

ກົມສຳຫຼວດທໍລະນີສາດ ສະຫະລັດ ຫຼື USGS ກ່າວວ່າ ແຜ່ນດິນໄຫວນີ້ມີ ຄວາມແຮງ 6.9 ໄດ້ກະທົບ ໃນວັນອາທິດມື້ນີ້ ທາງທິດເໜືອ 80 ກິໂລແມັດ ຫ່າງໄປຈາກ ເມືອງທ່າ Port-Olry ຂອງເກາະ Vanuatu ໃນລະດັບຄວາມເລີກ 35 ກິໂລແມັດ.

ກົມ USGS ໄດ້ທົບທວນເບິ່ງຄວາມແຮງຂອງແຜ່ນດິນໄຫວ 7.2 ທີ່ໄດ້ລາຍງານໄປ ໃນເມື່ອກ່ອນ.

ປະເທດເກາະ ວານູອາຕູ ຕັ້ງຢູ່ ອັນທີ່ຮູ້ຈັກກັນວ່າ ວົງອ້ອມຂອງໄຟ ທີ່ປະກອບດ້ວຍ ເສັ້ນໂຄ້ງຂອງເສັ້ນທາງພູເຂົາໄຟຂອງໂລກ ທີ່ກໍ່ໃຫ້ເກີດແຜ່ນດິນໄຫວຢູ່ເປັນປະຈຳ ຢູ່ອ້ອມແອ້ມ ມະຫາສະມຸດປາຊີຟິກນັ້ນ.

XS
SM
MD
LG