ແຜ່ນດິນໄຫວຮ້າຍແຮງ ໄດ້ສັ່ນສະເທືອນຂົງເຂດພູຜາ ທາງ
ພາກຕາເວັນຕົກ ສຽງໃຕ້ຂອງຈີນ ເຮັດໃຫ້ຢ່າງໜ້ອຍນຶ່ງຄົນ
ເສຍຊີວິດ ແລະອີກ 300 ກວ່າຄົນໄດ້ຮັບບາດເຈັບ.
ສື່ລັດຖະບານຈີນກ່າວວ່າ ຢ່າງໜ້ອຍ 50,000 ຄົນ ບໍ່ມີທີ່ພັກ
ພາອາໄສ ຍ້ອນ ແຜ່ນດິນໄຫວຕອນເດິກຂອງຄືນວັນອັງຄານ
ທີ່ມີຈຸດໃຈກາງບໍ່ເລິກປານໃດ ຢູ່ໃນເຂດເມືອງ Jinggu ຂອງ
ແຂວງ Yunnan.
ຫ້ອງການສຳຫລວດທໍລະນີວິທະຍາ ສະຫະລັດ ໄດ້ວັດແທກ
ແຜ່ນດິນໄຫວໃນຄັ້ງນີ້ວ່າ ມີຄວາມແຮງ 6 ຈຸດ ຣິກເຕີ້ ແລະມີ
ຄວາມເລິກ 10 ກິໂລແມັດປາຍເທົ່ານັ້ນ.
ແຕ່ບັນດາເຈົ້າໜ້າທີ່ຈີນ ເວົ້າວ່າ ແຜ່ນດິນໄຫວມີຄວາມແຮງສູງກ່ວານັ້ນ ຄື 6.6 ຣິກເຕີ້
ແລະວ່າ ມັນເກີດຂື້ນຢູ່ໃຕ້ໜ້າດິນ ເລິກລົງໄປພຽງ ຫ້າກິໂລແມັດ.
ອົງການຂ່າວຊິນຫົວຂອງທາງການຈີນ ກ່າວວ່າ ຕຶກອາຄານເກືອບ 7,000 ຫລັງໄດ້ພັງລົງ
ມາ ແລະອີກ 14,000 ຫລັງ ໄດ້ຮັບຄວາມເສຍຫາຍ.
ເຈົ້າໜ້າທີ່ໂຮງໝໍເຂດເມືອງ Jinggu ທ່ານ Tao Shinkun ກ່າວວ່າ ພວກນາຍແພດ ພາ
ກັນແລ່ນຢ່າງວຸ້ນວາຍ ເພື່ອປິ່ນປົວຜູ້ໄດ້ຮັບບາດເຈັບ.
ພວກຊາວບ້ານຫລາຍໆຄົນ ໄດ້ພາກັນອອກມານອນຢູ່ເຕ້ນທີ່ປຸກຂຶ້ນຊົ່ວຄາວ ໃນຂະນະ
ທີ່ມີແຜ່ນດິນໄຫວຂະໜາດຄ່ອຍໆ ຕິດຕາມມາຢູ່ໃນຂົງເຂດ.
ທະຫານ ແລະພະນັກງານກູ້ໄພ ຫລາຍຮ້ອຍຄົນ ໄດ້ຖືກສົ່ງອອກໄປຍັງຂົງເຂດນັ້ນ ແລະ
ນາຍົກລັດຖະມົນຕີ Li Keqiang ອອກຄໍາສັ່ງວ່າ “ໃຫ້ພະຍາຍາມຈົນສຸດຄວາມສາມາດ”
ເພື່ອຊ່ວຍຊີວິດຜູ້ໄດ້ຮັບເຄາະ.
ເມືອງ Jinggu ຂອງຈີນຕັ້ງຢູ່ໃກ້ກັບຊາຍແດນມຽນມາ ແລະລາວ ມີພົນລະເມືອງຢູ່
290,000 ຄົນ ແລະສ່ວນຫລາຍແມ່ນບັນດາຊົນເຜົ່າຕ່າງໆ.
n.
