ນາງແອນເຈີລາ ທາວໂຣ (Angela Tauro) ໄດ້ໄປເຮັດ ຊີທີ ສະແກນ ຫລື ແຄັຕ ສະ
ແກນ (CT Scan) ເພື່ອກວດເບິ່ງປອດຂອງນາງ ທີ່ໂຮງໝໍຂອງມະຫາວິທະຍາໄລ ເຢລ
(Yale) ແລະຜົນກໍຄື ນາຍແພດໄດ້ຜ່າຕັດເອົາເນື້ອງອກທີ່ມີເຊື້ອມະເຮັງອອກຈາກປອດ
ເບື້ອງນຶ່ງຂອງນາງ. ນາງກ່າວວ່າ:
“ຂ້ອຍມີຊີວິດຢູ່ໄດ້ທຸກວັນນີ້ ກໍຍ້ອນຂ້ອຍໄປກວດ ໂດຍການໃຊ້ CT scan ບໍ່ແມ່ນ
ການສ່ອງໄຟຟ້າແບບທໍາດາ ຫລື X-ray ນັ້ນ."
ແຕ່ປີ 2002 ຫາ 2004, ມີພວກສູບຢາຢູ່ໃນໄວກາງຄົນຫລາຍກວ່າ 53,000 ຄົນ ທີ່
ຕິດນິໄສສູບຢາມື້ລະຊອງ ມາເປັນເວລາ 30 ປີ ຫລືດົນກວ່ານັ້ນ ໄດ້ເຂົ້າຮ່ວມໃນການ
ທົດລອງກວດປອດແຫ່ງຊາດ. ຜູ້ທີ່ເຄີຍສູບຢາມາກ່ອນ ແລະເຊົາແລ້ວ ກໍສາມາດເຂົ້າ
ຮ່ວມໄດ້ເຊ່ນກັນ ຖ້າຫາກເຂົາເຈົ້າເຊົາສູບຢາມາໄດ້ບໍ່ເກີນ 15 ປີ.
ຄລິກບ່ອນນີ້ ເພື່ອເບິ່ງວີດີໂອ ພາສາລາວ
ກຸ່ມນຶ່ງໄດ້ໄປກວດໂດຍໃຊ້ວິທີ CT scan ປີນຶ່ງ 3 ເທື່ອ. ສ່ວນອີກກຸ່ມນຶ່ງ ແມ່ນສ່ອງ
ໄຟຟ້າ ຫລື X-rays ໜ້າເອິກແບບທໍາມະດາ.
ພວກນັກຄົ້ນຄວ້າພົບວ່າ ການສ່ອງໄຟຟ້າແບບທຳມະດາ ຫລື X-rays ນັ້ນ ບໍ່ສາມາດ
ພົບເຫັນຮ່ອງຮອບທີ່ບອກເຕືອນແຕ່ຫົວທີ ກ່ຽວກັບໂຣກມະເຮັງປອດ. ແຕ່ວ່າການສ່ອງ
ໄຟຟ້າໂດຍໃຊ້ຄອມພີວເຕີກວດເບິ່ງ ທີ່ເອີ້ນກັນວ່າ ການກວດ CT scan ທີ່ໝູນອ້ອມ
ໂຕນັ້ນ ຊ່ວຍໃຫ້ທ່ານໝໍໄດ້ເຫັນຮູບພາບທີ່ລະອຽດຫລາຍກວ່າ.
ດຣ. ຄຣິສຕິນ ເບີກ (Dr. Christine
Berg) ແຫ່ງສະຖາບັນໂຣກມະເຮັງ
ແຫ່ງຊາດຂອງສະຫະລັດ ຊຶ່ງເປັນຜູ້
ອໍານວຍການຄົນນຶ່ງຂອງໂຄງການຄົ້ນ
ຄ້ວາກວດກາຫາມະເຮັງປອດນີ້ ເວົ້າວ່າ:
"ໃນໄລຍະເວລາກັ້ນໃຈ ພຽງອຶດໃຈ
ໃນລະຫວ່າງທີ່ກວດນັ້ນ ເຮົາກໍສາ
ມາດຖ່າຍເອົາຮູບບາງໆ ທົ່ວໝົດ
ປອດໄດ້ ແລະສາມາດເຫັນສິ່ງຜິດປົກກະຕິທີ່ນ້ອຍໆນັ້ນໄດ້."
ອັດຕາການມີຊີວິດຢູ່ລອດຍ້ອນເປັນໂຣກມະເຮັງປອດແມ່ນຕໍ່າ. ໃນໝູ່ຜູ້ຄົນທີ່ຖືກວິນິດໄສວ່າ
ເປັນພະຍາດນີ້ ບໍ່ຮອດ 15% ມີຊີວິດຍືນຕໍ່ໄປໄດ້ ບໍ່ເກີນ 5 ປີ. ແຕ່ ດຣ. ຄຣິສຕິນ ເບີກ
ເວົ້າວ່າ ການກວດຫາໂຣກມະເຮັງໂດຍໃຊ້ການສ່ອງໄຟຟ້າແບບ CT scans ໃນລະດັບລັງ
ສີຕໍ່າ ແມ່ນສາມາດປັບປຸງໂອກາດໄດ້ຢ່າງຫລວງຫລາຍ. ທ່ານນາງອະທິບາຍເພີ້ມເຕີມວ່າ:
"ຖ້າຫາກທ່ານຖືກວິນິດໄສວ່າ
ເປັນພະຍາດນີ້ໃນຂັ້ນ 1 ຊຶ່ງ
ດຽວນີ້ ພວກເຮົາສາມາດ
ກວດພົບໄດ້ໂດຍການໃຊ້
CT scan ທີ່ໝູນອ້ອມໂຕ
ໃນລະດັບລັງສີຕໍ່ານັ້ນ, ໂອ
ກາດການຢູ່ລອດຮອດຫ້າປີ
ຂອງທ່ານອາດມີສູງເຖິງ 60%.
ມັນກໍຍັງບໍ່ຮອດ 100% ແຕ່
ວ່າພວກເຮົາກໍາລັງທໍາຄວາມ ກ້າວໜ້າໃນດ້ານນີ້."
ຜົນຂອງການສຶກສາຄົ້ນຄວ້າສະແດງວ່າ ອັດຕາການຕາຍຍ້ອນມະເຮັງປອດ ໄດ້ຫລຸດລົງ
20% ໃນຈໍານວນພວກໄດ້ຮັບການກວດ ໂດຍໃຊ້ການສ່ອງໄຟຟ້າ CT scans ເມື່ອທຽບ
ໃສ່ພວກທີ່ໄດ້ຮັບການກວດ ໂດຍການສ່ອງໄຟຟ້າ ແບບທໍາມະດາ ຫລື X-rays ນັ້ນ.
ຍັງມີຈຸດອ່ອນໃນການກວດທີ່ໃຊ້ CT scan ນັ້ນຢູ່. ມີຫລາຍກວ່າ 1 ສ່ວນ 5 ຂອງຜົນ
ການກວດ CT scan ທີ່ບອກວ່າ ເປັນມະໂຣກເຮັງ ທັ້ງໆທີ່ຜູ້ກວດບໍ່ໄດ້ເປັນ.
ຢູ່ໃນສະຫະລັດ ບໍລິສັດປະກັນໄພສຸຂະພາບມັກຈະບໍ່ຈ່າຍຄ່າກວດໂດຍໃຊ້ CT scan ນັ້ນ
ເພາະວ່າມັນແພງຫລາຍ. ແຕ່ວ່າໂຮງໝໍບາງແຫ່ງ ໄດ້ເລີ້ມຫລຸດລາຄາຄ່າກວດ CT scan
ລົງແລ້ວ ເພື່ອຊຸກຍູ້ໃຫ້ພວກຄົນສູບຢາທັງຫລາຍເຂົ້າໄປກວດ. ເຊ່ນນາງ ແລສລີ ກຣາຍຊິງ
(Leslie Greissing) ທີ່ເວົ້າວ່າລາວດີໃຈຫລາຍ ທີ່ລາວໄດ້ໄປເຮັດ CT scan. ນາງກ່າວ ວ່າ:
"ການກວດແບບນີ້ ມັນຈະບອກໃຫ້ເຮົາຮູ້ທຸກສິ່ງທຸກຢ່າງ ທີ່ອາດກໍາລັງກໍ່ຕົວຂຶ້ນ
ຊຶ່ງຖ້າບໍ່ດັ່ງນັ້ນແລ້ວ ກໍຈະບໍ່ອາດສາມາດກວດພົບ."
ຍ້ອນວ່າອຸປະກອນການກວດ CT scan ບໍ່ມີໄວ້ຮັບໃຊ້ຢ່າງກວ້າງ ຂວາງ ຢູ່ໃນຫລາຍຂົງ
ເຂດຂອງໂລກ ດຣ. ເບີກຈຶ່ງແນະນໍາວ່າ ວິທີ ທີ່ດີທີ່ສຸດເພື່ອປ້ອງກັນໂຣກມະເຮັງປອດ ທີ່
ເຮັດໄດ້ງ່າຍໆນັ້ນກໍຄືວ່າ ບໍ່ຕ້ອງສູບຢາ. ແຕ່ຖ້າຫາກວ່າທ່ານສູບຢາຢູ່ແລ້ວ ກໍໃຫ້ເຊົາສາ.
