ປະທານາທິບໍດີຟີລິບປິນ ທ່ານ Rodrigo Duterte ກ່າວວ່າ ປະທານາທິບໍດີ ທີ່ໄດ້ຮັບເລືອກໃໝ່ຂອງສະຫະລັດ ທ່ານ Donald Trump ໄດ້ອວຍພອນໃຫ້ທ່ານ ປະສົບກັບຄວາມສຳເລັດ ໃນການປາບປາມພວກຄ້າຢາເສບຕິດ ຊຶ່ງເປັນການປຸກລະດົມ ທີ່ເຮັດ ໃຫ້ມີຜູ້ເສຍຊີວິດແລ້ວຫລາຍກວ່າ 4,000 ຄົນ ນັບແຕ່ເດືອນກໍລະກົດເປັນຕົ້ນມາ.
ທ່ານ Duterte ກ່າວວ່າ ຜູ້ນຳຄົນໃໝ່ຂອງສະຫະລັດ ບອກທ່ານວ່າ ທ່ານໄດ້ທຳການ ປາບປາມພວກຄ້າຢາເສບຕິດ ໃນຖານະທີ່ເປັນປະເທດອະທິປະໄຕ ແມ່ນເປັນວິທີທີ່ຖືກຕ້ອງ.
ທ່ານ Duterte ໄດ້ຊະນະຕຳແໜ່ງປະທານາທິບໍດີໃນຕົ້ນປີນີ້ ສ່ວນໃຫຍ່ແລ້ວ ແມ່ນ ເປັນຍ້ອນການໃຫ້ຄຳໝັ້ນສັນຍາວ່າຈະສືບຕໍ່ປາບປາມແບບເດັດຂາດຕໍ່ພວກຄ້າຢາ ເສບຕິດ ພວກໃຊ້ ແລະພວກກະທຳຄວາມຜິດອື່ນໆ.
ທ່ານ Duterte ກ່າວໃນຖະແຫຼງການວ່າ ທ່ານໄດ້ໂທລະສັບມາຫາທ່ານ Trump ໃນ ຕອນແລງວັນສຸກວານນີ້ເພື່ອສະແດງຄວາມຍິນດີທີ່ທ່ານໄດ້ຊະນະຕຳແໜ່ງປະທານາ ທິບໍດີສະຫະລັດ. ປະທານາທິບໍດີຟີລິບປິນກ່າວວ່າ ທ່ານມີຄວາມຮູ້ສຶກວ່າ ມີຄວາມສຳ ພັນທີ່ດີກັບທ່ານ Trump.
