ໃນວັນຈັນວານນີ້ ບັນດາເຈົ້າໜ້າທີ່ເນເທີແລນ ໄດ້ພາກັນກັບ
ຄືນໄປບ່ອນທີ່ ຖ້ຽວບິນທີ 17 ຂອງສາຍການບິນມາເລເຊຍ
ຕົກ ຢູ່ພາກຕາເວັນອອກຂອງຢູເຄຣນ ເພື່ອພະຍາຍາມອີກ
ເທື່ອໃໝ່ ຊອກຫາຊາກສົບຄົນ ແລະເຄື່ອງຂອງຕ່າງໆຂອງ
ຜູ້ໂດນສານ ເກືອບ 300 ຮ້ອຍຄົນ ທີ່ໄດ້ເສຍຊີວິດນຳເຮືອ
ບິນຕົກນັ້ນ.
ຜູ້ສັງເກດການສີ່ຄົນ ຈາກເນເທີແລນ ໄດ້ໄປສົມທົບກັບບັນ
ດາຜູ້ຕາງໜ້າຈາກ ອົງການຄວາມໝັ້ນຄົງແລະການຮ່ວມມື
ຢູໂຣບ (OSCE) ສັງເກດການເບິ່ງ ບັນດາພະນັກງານສຸກ
ເສີນຢູເຄຣນ ເຮັດວຽກໃນວັນຈັນວານນີ້ ໃນຂະນະທີ່ເຂົາ
ເຈົ້າພາກັນເກັບກູ້ ເອົາໝັງສືຜ່ານແດນ ເຄຶ່ອງນຸ່ງ ເຄື່ອງຫລີ້ນເດັກນ້ອຍ ແລະສິ່ງຂອງ
ອື່ນໆຈາກຊາກເຮືອບິນ.
ບັນດານັກສືບສວນຈາກເນເທີແລນ ໄດ້ຢຸດການຊອກຄົ້ນຫາຂອງເຂົາເຈົ້າຢູ່ໃນບໍລິເວນ
ເມື່ອຕົ້ນເດືອນສິງຫາ ຍ້ອນມີການປະທະກັນຢູ່ໃກ້ໆນັ້ນ ລະຫວ່າງ ພວກກະບົດແບ່ງແຍກ
ດິນແດນນິຍົມຣັດເຊຍ ແລະກຳລັງຂອງຢູເຄຣນ. ໃນວັນຈັນວານນີ້ ເຖິງແມ່ນມີການຢຸດຍິງ
ຢູ່ໃນເຂດນັ້ນກໍຕາມ ແຕ່ກໍຍັງໄດ້ຍິນສຽງປືນຍິງໃສ່ກັນຢູ່ ໃນຂະນະທີ່ບັນດານັກສືບສວນ
ຊອກຄົ້ນຫາຢູ່ບ່ອນເຮືອບິນຕົກ.
ເຮືອບິນໄດ້ຖືກຍິງຕົກໃນວັນທີ່ 17 ເດືອນກໍລະກົດ ໃນຂະນະທີ່ບິນຜ່ານເຂດທີ່ ພວກກະ
ບົດຄອບຄຸມ ຢູ່ໃນຢູເຄຣນໃນລະຫວ່າງເດີນທາງຈາກ ນະຄອນ Armsterdam ໄປຫາ
Kuala Lumpur.
ສອງສ່ວນສາມຂອງຜູ້ໂດຍສານ ແລະຈຸບິນ 298 ຄົນ ຢູ່ໃນຖ້ຽວບິນ MH17 ແມ່ນຄົນສັນ
ຊາດເນເທີແລນ.
ຜົນການສືບສວນຂັ້ນຕົ້ນສະແດງໃຫ້ເຫັນວ່າ ເຮືອບິນໄດ້ຖືກຍິງ ໂດຍລູກສອນໄຟຕໍ່ຕ້ານ
ເຮືອບິນ. ມົສກູ ແລະ Kyiv ໄດ້ຖິ້ມໂທດໃສ່ກັນແລະກັນວ່າ ເປັນຝ່າຍທຳການໂຈມຕີດັ່ງກ່າວ.
