ຄົນສັນຊາດ ຝຣັ່ງ ທີ່ຖືກສົງວ່າ “ມີສ່ວນຮ່ວມໃນການວາງແຜນ ໂຈມຕີກໍ່ການຮ້າຍ” ໄດ້ຖືກຈັບກຸມໃນປະເທດ Netherlands.
ຜູ້ຊາຍອາຍຸ 32 ປີ, ເຊິ່ງຮູບປະພັນຂອງລາວຍັງບໍ່ໄດ້ຖືກເປີດເຜີຍ ເທື່ອ, ໄດ້ຖືກຈັບໃນວັນອາທິດວານນີ້ ທີ່ເມື່ອງທ່າເຮືອ Rotterdam ຕາມການຂໍຮ້ອງຂອງເຈົ້າໜ້າທີ່ ຝຣັ່ງ. ຄາດວ່າຜູ້ຊາຍຄົນດັ່ງກ່າວ ຈະຖືກສົ່ງກັບໄປປະເທດ ຝຣັ່ງ ໃນໄວໆນີ້.
ຄົນອື່ນໆອີກ 3 ຄົນກໍໄດ້ຖືກຄວບຄຸມຕົວໄວ້ໃນການບຸກກວດຄົ້ນ. 2 ຄົນໃນນັ້ນໄດ້ຖືກລະບຸວ່າມີອາຍຸ 43 ປີ ແລະ 47 ປີ ແລະ “ມີປະ ຫວັດເປັນຄົນ Algeria.” ໃນຂະນະທີ່ຄົນທີ 3 ແມ່ນຍັງບໍ່ສາມາດ ລະບຸໄດ້ເທື່ອ.
ເຈົ້າໜ້າທີ່ ໂຮນລັງ ກ່າວວ່າ ຝຣັ່ງ ໄດ້ຂໍຮ້ອງໃຫ້ທຳການຈັບກຸມໃນວັນສຸກທີ່ຜ່ານມາ ຫຼັງຈາກ ຜູ້ຕ້ອງສົງໄສດັ່ງກ່າວໄດ້ຖືກລະບຸຊື່ໃນການສືບສວນສອບສວນກ່ຽວກັບລັດທິ ກໍ່ການຮ້າຍ.
ພວກເຂົາເຈົ້າບໍ່ໄດ້ເປີດເຜີຍຂໍ້ມູນເພີ່ມເຕີມ ກ່ຽວກັບ ຜູ້ຕ້ອງສົງໄສ ຫຼື ການສືບສວນສອບ ສວນແຕ່ຢ່າງໃດ.
