ເປັນທີ່ຄາດກັນວ່າພວກເຈົ້າໜ້າທີ່ເລືອກຕັ້ງໃນສາທາລະນະລັດປະຊາທິປະໄຕຄອງໂກຈະນຳ
ອອກເຜີຍແຜ່ຜົນການເລືອກຕັ້ງປະທານາທິບໍດີຂັ້ນຕົ້ນໃນວັນສຸກມື້ນີ້ ສາມມື້ຊ້າກວ່າທີ່ໄດ້ມີ
ການກຳນົດໄວ້.
ຜູ້ສື່ຂ່າວຂອງວີໂອເອປະຈຳເຂດອາຟຣິກາຕາເວັນຕົກລາຍງານມາໃນຕອນແລງຂອງວັນພະ
ຫັດວານນີ້ວ່າ ພວກສະໜັບສະໜຸນປະທານາທິບໍດີ Joseph Kabila ແລະຜູ້ສະມັກຂອງ
ພັກຝ່າຍຄ້ານ ທ່ານ Etienne Tshisekedi ເລີ້ມພາກັນສະເຫຼີມສະຫຼອງ ກ່ຽວກັບການ ປະກາດທີ່ຄາດວ່າຜູ້ສະມັກຂອງຕົນເປັນຜູ້ຊະນະການເລືອກຕັ້ງໃນວັນທີ 28 ພະຈິກຜ່ານມາ.
ຜົນການນັບຄະແນນສຽງໃນຂັ້ນຕົ້ນຈາກປະມານ 90% ຂອງໜ່ວຍປ່ອນບັດຕ່າງໆສະແດງ
ໃຫ້ເຫັນວ່າປະທານາທິບໍດີ Kabila ໄດ້ຮັບເກືອບ 50% ຂອງຄະແນນສຽງທັງໝົດສົມທຽບ
ໃສ່ທ່ານ Tshisekedi ທີ່ໄດ້ຮັບ 33%.
ແຕ່ເລຂາທິການຂອງພັກທ່ານ Tshisekedi ກ່າວຕໍ່ພວກນັກຂ່າວໃນວັນພະຫັດວານນີ້ວ່າ ໂຕເລກທີ່ວ່ານັ້ນບໍ່ໄດ້ສະທ້ອນໃຫ້ເຫັນເຖິງການປ່ອນບັດຂອງປະຊາຊົນ.
ນອກນັ້ນແລ້ວ ໃນມື້ວານນີ້ ພວກທີ່ເຫັນເຫດການກ່າວວ່າ ໄດ້ມີການປະທະກັນເກີດຂຶ້ນລະ ຫວ່າງພວກປະທ້ວງແລະຕຳຫຼວດທີ່ນະຄອນຫຼວງ Kinshasa. ໃນລາຍງານສະບັບນຶ່ງນັ້ນ ພວກທີ່ເຫັນເຫດການເວົ້າວ່າ ຕຳຫຼວດໄດ້ໃຊ້ລະເບີດນໍ້າຕາແລະຍິງປືນຂຶ້ນຟ້າ ເພື່ອຂັບໄລ່
ພວກປະທ້ວງສະໜັບສະໜຸນທ່ານ Tshise kedi ຢູ່ຄຸ້ມ Limete ໃນນະຄອນຫຼວງ Kin-
shasa.
ສ່ວນໃຫຍ່ແລ້ວ ນະຄອນຫຼວງຍັງຢູ່ໃນຄວາມສະຫງົບ ແຕ່ພວກສະໜັບສະໜຸນຜູ້ສະມັກທັງ ສອງສະແດງຮ່ອງຮອຍໃຫ້ເຫັນວ່າ ຄວາມຮຸນແຮງສາມາດລະເບີດຂຶ້ນໄດ້ ຖ້າຜູ້ສະມັກຂອງ ພວກເຂົາເຈົ້າບໍ່ໄດ້ຖືກປະກາດໃຫ້ເປັນຜູ້ຊະນະ.
