ລິ້ງ ສຳຫລັບເຂົ້າຫາ

ວັນຈັນ, 03 ຕຸລາ 2022

ມີການປະກາດ ໃຫ້ທ່ານ Kabila ເປັນຜູ້ຊະນະ ການເລືອກຕັ້ງ ປະທານາທິບໍດີ ຂອງຄອງໂກ


ພວກສະໜັບສະໜຸນປະທານາທິບໍດີ Joseph Kabila ໂຮມຊຸມນຸມກັນ ທີ່ສຳນັກງານພັກການເມືອງຂອງທ່ານ ໃນນະຄອນຫຼວງ Kinshasa (7 ທັນວາ 2011)

ປະທານາທິບໍດີຂອງສາທາລະນະລັດປະຊາທິປະໄຕຄອງໂກທ່ານ Joseph Kabila ໄດ້ຖືກ
ປະກາດຊື່ ໃຫ້ເປັນຜູ້ຊະນະການເລືອກຕັ້ງໃນອາທິດແລ້ວ ແຕ່ຄູ່ແຂ່ງຄົນສຳຄັນຂອງທ່ານໄດ້ ປະຕິເສດບໍ່ຍອມຮັບເອົາຜົນຂອງການເລືອກຕັ້ງແລະປະກາດໂຕເອງວ່າເປັນຜູ້ນຳຂອງປະເທດ.

ຄະນະກຳມາທິການເລືອກຕັ້ງຂອງຄອງໂກໄດ້ນຳອອກເຜີຍແຜ່ຜົນການເລືອກຕັ້ງຂັ້ນສຸດທ້າຍ
ຊົ່ວຄາວໃນມື້ວັນສຸກວານນີ້ ໂດຍເວົ້າວ່າ ທ່ານ Kabila ໄດ້ຊະນະຄູ່ແຂ່ງຂອງທ່ານຄືທ່ານ
Etienne Tshisekedi ດ້ວຍຄະແນນສຽງ 49 ຕໍ່ 32% ແລະຜູ້ສະມັກຄົນອື່ນມີຄະແນນ
ຕິດຕາມລົງໄປ.

ເກືອບວ່າໃນທັນທີໂລດ ທ່ານ Tshisekedi ກ່າວຕໍ່ວີໂອເອພະແນກພາສາຝຣັ່ງໄປຍັງອາ
ຟຣິກາວ່າ ທ່ານຖືວ່າຜົນຂອງການເລືອກຕັ້ງທີ່ວ່ານີ້ ແມ່ນເປັນການກະຕຸກຊຸກຍູ້ ໃຫ້ເກີດ
ຄວາມໂກດແຄ້ນ. ທ່ານເວົ້າວ່ານັບແຕ່ມື້ນີ້ໄປທ່ານມອງເຫັນໂຕທ່ານເອງເປັນປະທານາທິ
ບໍດີທີ່ຖືກເລືອກຂອງສາທາລະນະລັດປະຊາທິປະໄຕຄອງໂກ.

ສ່ວນຜູ້ສະມັກເປັນປະທານາທິບໍດີອີກຄົນນຶ່ງ ຄືທ່ານ Vital Kamhe ກໍກ່າວຕໍ່ວີໂອເອວ່າ
ທ່ານເຊື່ອວ່າທ່ານ Tshisekedi ເປັນປະທານາທິບໍດີຂອງສາທາລະນະລັດປະຊາທິປະໄຕ
ຄອງໂກ.

ລຸນຫຼັງທີ່ໄດ້ມີການປະກາດຜົນການເລືອກຕັ້ງແລ້ວ ມີລາຍງານວ່າປະຊາຊົນໃນນະຄອນຫຼວງ
Kinshasa ໄດ້ຍິນສຽງປືນດັງຂຶ້ນຢ່າງກະຈັດກະຈາຍ. ຜູ້ສື່ຂ່າວຂອງວີໂອເອລາຍງານວ່າໄດ້
ເຫັນມີການຈູດຕີນລົດ ຢູ່ທີ່ຄຸ້ມສະໜັບສະໜຸນທ່ານ Tshisekedi ໃນນະຄອນຫຼວງ Kin-
shasa ແຕ່ເປັນທີ່ປາກົດວ່າບໍ່ໄດ້ມີການປະທ້ວງຂະໜາດໃຫຍ່ໃນຕອນແລງຂອງວັນສຸກວານ
ນີ້.

XS
SM
MD
LG