ທີມສັງເກດການການເລືອກຕັ້ງຂອງນາໆຊາດທີມນຶ່ງກ່າວວ່າ ຜົນການເລືອກເອົາປະ
ທານາທິບໍດີທີ່ເກີດມີຂໍ້ຂັດແຍ້ງເມື່ອເດືອນຜ່ານມາໃນ ສາທາລະນະລັດປະຊາທິປະໄຕ
ຄອງໂກ ແມ່ນເປັນການບໍລິຫານທີ່ບໍ່ຖືກ ບໍ່ຕ້ອງ ແລະຂາດຄວາມເຊື່ອຖື.
ສູນກາງຄາເທີ ທີ່ມີສໍານັກງານໃນສະຫະລັດກ່າວວ່າ ຄະແນນສຽງທີ່ໃຫ້ປະທານາທິບໍດີ
Joseph Kabila ຖືກເລືອກຕັ້ງອີກສະໄໝນຶ່ງນັ້ນ ແມ່ນຖືກເຮັດໃຫ້ເສຍຫາຍໂດຍຄຸນນະ
ພາບຂອງການນັບບັດ.
ໃນຖະແຫລງການສະບັບນຶ່ງທີ່ອອກເມື່ອຕອນບ່າຍວັນເສົາຜ່ານມາ ສູນກາງຄາເທີເວົ້າ
ວ່າ ມີຫລັກຖານວ່າຜົນຄະແນນປ່ອນບັດຈາກບ່ອນປ່ອນບັດເກືອບສອງພັນແຫ່ງໃນເມືອງ
ຫລວງ Kinshasa ຖືກເສຍໄປ ແລະກ່າວອີກວ່າ ມີລາຍງານວ່າ ສະຖານປ່ອນບັດໃນທົ່ວ
ປະເທດ ມີຜູ້ມາປ່ອນບັດ 99 ຫາ 100 ເປີເຊັນ ຊຶ່ງບັດຄະແນນສຽງສ່ວນຫລາຍ ຫລືທັງ
ໝົດ ແມ່ນເປັນຂອງປະທານາທິບໍດີຄາບິລາ.
ຄະນະກໍາມະການເລືອກຕັ້ງຄອງໂກ ໄດ້ປະກາດເມື່ອວັນສຸກຜ່ານມານີ້ວ່າ ທ່ານ ຄາບິລາ
ຊະນະການເລືອກຕັ້ງຄັ້ງວັນທີ່ 28 ເດືອນພະຈິກ ແຕ່ແນວໃດກໍດີຜູ້ທ້າຊິງລະດັບສູງຂອງ
ທ່ານ ແລະຜູ້ນໍາຝ່າຍຄ້ານມາເປັນເວລາດົນນານຄືທ່ານ Etienne Tshisekedi ບໍ່ຍອມ
ຮັບຜົນການເລືອກຕັ້ງ ແລະປະກາດຕົນເອງເປັນປະທານາທິບໍດີ.
ໂຄສົກຂອງທ່ານ Tshisekedi ກ່າວເມື່ອວັນອາທິດວານນີ້ວ່າ ທ່ານຫວັງຢ່າງຍິ່ງວ່າ ປະ
ຊາຄົມໂລກຈະຊ່ວຍໄກ່ເກ່ຍເພື່ອແກ້ໄຂບັນຫາວິກິດການນີ້ ໂດຍກ່າວຍໍ້າວ່າການປະທ້ວງ
ໃດໆນັ້ນຈະປອດການກໍ່ຄວາມຮຸນແຮງ.
