ເສືອ ແລະ ສິງ ຫຼາຍສິບໂຕທີ່ຖືກລ້ຽງໃນສອງແຂວງຂອງ ຫວຽດນາມ ຕາຍໃນ ໄລຍະເດືອນທີ່ຜ່ານມາ ໂດຍພວກມັນຕິດເຊື້ອໄຂ້ຫວັດນົກ ຕາມລາຍງານຂອງ ກະຊວງສາທາລະນະສຸກ ແລະ ສື່ມວນຊົນທາງການ ຫວຽດນາມ ເມື່ອວັນພະ ຫັດວານນີ້.
ກະຊວງກ່າວໃນຖະແຫຼງການວ່າ ຕົວຢ່າງທີ່ໄດ້ຈາກເສືອທີ່ຕາຍຢູ່ທີ່ Mango Garden resort ໃນແຂວງ ດອງນາຍ ຖືກກວດພົບວ່າມີເຊື້ອໄຂ້ຫວັດນົກສາຍ ພັນ H5N1.
ຕັ້ງແຕ່ເມື່ອຕົ້ນເດືອນທີ່ຜ່ານມາ ມີເສືອຕາຍ 20 ຕົວຢູ່ທີ່ຣີສອດແຫ່ງນີ້.
ເກີດຄວາມກັງວົນເພີ່ມຫຼາຍຂຶ້ນ ເມື່ອພົບການລະບາດຂອງໄຂ້ຫວັດນົກໄປສູ່ ສັດລ້ຽງລູກດ້ວຍນົມເຊັ່ນ ງົວ, ໝາ, ແມວ ຫຼືແມ່ນກະທັ້ງປາໂລມາໃນປະເທດ ຕ່າງໆ.
ແລະໃນອີກແຂວງນຶ່ງຂອງ ຫວຽດນາມ ພົບເສືອ 27 ໂຕ ແລະ ສິງ 3 ໂຕຕາຍຍ້ອນເຊື້ອໄຂ້ຫວັດນົກ.
ເຫດການດັ່ງກ່າວເກີດຂຶ້ນທີ່ແຂວງ ລອງອານ ທີ່ຢູ່ຕິດກັບແຂວງ ດອງນາຍ ໃນສວນສັດຊາຟາຣີ ໝາຍຫງວຽນ ລະຫວ່າງວັນທີ 6 ເຖິງ 18 ກັນຍາທີ່ ຜານມາ ອີງຕາຍລາຍງານຂອງເຈົ້າໜ້າທີ່ດ້ານການກະເສດທ້ອງຖິ່ນ.
ທັງນີ້ຖະແຫຼງການຂອງກະຊວງສາທາລະນະສຸກລະບຸວ່າ ກ່ອນໜ້າເສືອຢູ່ທີ່ Mango Garden resort ຈະຕາຍ ພວກມັນກິນໄກ່ເປັນອາຫານ.
ຖະແຫຼງການລະບຸວ່າ ເສືອຄົງຈະຕິດເຊື້ອຈາກໄກ່ທີ່ບໍ່ສະບາຍ ແລະ ເຈົ້າໜ້າ ທີ່ກຳລັງກວດສອບໄກ່ທີ່ຣີສອດໃຊ້ເປັນອາຫານຂອງເສືອມາຈາກທີ່ໃດ.
ເວັບໄຊ້ຂອງອົງການອະນາໄມໂລກເຕືອນເຖິງການກິນເນື້ອໄກ່ທີ່ບໍ່ສຸກຢ່າງເຕັມທີ່ ຈາກພື້ນທີ່ຊຶ່ງມີການລະບາດຂອງໄຂ້ຫວັດນົກ ເນື່ອງຈາກມີຄວາມສ່ຽງຕໍ່ ການຕິດເຊື້ອ.
ຟໍຣັມສະແດງຄວາມຄິດເຫັນ