ເຈົ້າໜ້າທີ່ໄທກ່າວວ່າ ຊາວໂຣຮິງຢາຫລາຍສິບຄົນ ທີ່ອົບພະ
ຍົບມາ ຈາກມຽນມາ ໄດ້ພາກັນໂຕນໜີອອກຈາກສູນກັກກັນ
ແຫ່ງນຶ່ງ ບ່ອນທີ່ເຂົາເຈົ້າຖືກກັກໂຕໄວ້ ໃນຂໍ້ຫາເຂົ້າປະເທດ
ຢ່າງຜິດກົດໝາຍ.
ຕໍາຫລວດກ່າວໃນວັນອັງຄານມື້ນີ້ວ່າ ຊາວໂຣຮິງຢາ ຢ່າງນ້ອຍ
86 ຄົນໄດ້ພາກັນໂຕນໜີຈາກສູນກັກກັນ ຢູ່ໃນເຂດເມືອງສະເດົາ
ທາງພາກໃຕ້ຂອງໄທ. ລາຍງານຂອງສື່ມວນຊົນເວົ້າວ່າ ພວກ
ເຂົາເຈົ້າໄດ້ເຈາະປ່ອງໃຫຍ່ໆຢູ່ເທິງເພດານ ແລ້ວພາກັນປີນອອກມາທາງຫລັງຄາ ໂດຍໃຊ້ເຊືອກທີ່ເອົາເສື້ອຜ້າມາມັດຕໍ່ກັນ. ເຈົ້າໜ້າທີ່ກ່າວວ່າ ຢ່າງນ້ອຍ ສອງຄົນຖືກຈັບໄດ້ຄືນ.
ມີຊາວອົບພະຍົບທາງເຮືອເຜົ່າໂຣຮິງຢາ ປະມານ 2 ພັນຄົນ ຖືກກັກຂັງໄວ້ຢູ່ໃນສູນກັກກັນ
ຂອງພະແນກກວດຄົນເຂົ້າເມືອງໃນທົ່ວປະເທດໄທ ຊຶ່ງພວກເຂົາເຈົ້າໄດ້ຫລົບໜີຄວາມ
ຮຸນແຮງລະຫວ່າງຊົນເຜົ່າ ແລະການຈໍາແນກກີດກັນຂອງລັດຖະບານ ຢູ່ໃນມຽນມາ.
ເບິ່ງວີດິໂອກ່ຽວກັບ ໂສກນາດຕະກໍາຂອງຊາວອົບພະຍົບໂຣຮິງຢາ:
ລັດຖະບານໄທໄດ້ກ່າວໃນເບື້ອງຕົ້ນວ່າ ຕົນກໍາລັງຊອກຫາປະເທດອື່ນໆ ທີ່ເຕັມໃຈຈະ
ຮັບເອົາຊາວໂຣຮິງຢາເຫລົ່ານັ້ນເຂົ້າໄປຕັ້ງຖິ່ນຖານ. ແຕ່ເມື່ອບໍ່ນານມານີ້ ໄດ້ກ່າວວ່າ
ຕົນກໍາລັງພິຈາລະນາແຜນການທີ່ຈະ ຍ້າຍເຂົາເຈົ້າ ໄປຢູ່ສູນອົບພະຍົບຢູ່ເລາະຕາມ
ຊາຍແດນຕິດກັບມຽນມາ ນັ້ນ.
ກຸ່ມປົກປ້ອງສິດທິມະນຸດ Human Rights Watch ໄດ້ກ່າວໂຈມຕີແຜນການດັ່ງກ່າວ
ໃນວັນອັງຄານມື້ນີ້ ແລະຮຽກຮ້ອງໃຫ້ລັດຖະບານໄທ ປ່ອຍຊາວໂຣຮິງຢາເຫລົ່ານັ້ນ
ອອກຈາກອັນທີ່ຕົນເອີ້ນວ່າ ບ່ອນກັກຂັງທີ່ໄຮ້ມະນຸດສະທໍາ ແລະປ່ອຍໃຫ້ເຂົາເຈົ້າໄດ້
ຮ້ອງຂໍເອົາຖານະຂອງພວກຄົນງານທີ່ໄປຊອກວຽກເຮັດ.
ເບິ່ງວີດິໂອ ກ່ຽວກັບຊາວໂຣຮິງຢາ ຢູ່ໃນໄທ:
ຍົບມາ ຈາກມຽນມາ ໄດ້ພາກັນໂຕນໜີອອກຈາກສູນກັກກັນ
ແຫ່ງນຶ່ງ ບ່ອນທີ່ເຂົາເຈົ້າຖືກກັກໂຕໄວ້ ໃນຂໍ້ຫາເຂົ້າປະເທດ
ຢ່າງຜິດກົດໝາຍ.
ຕໍາຫລວດກ່າວໃນວັນອັງຄານມື້ນີ້ວ່າ ຊາວໂຣຮິງຢາ ຢ່າງນ້ອຍ
86 ຄົນໄດ້ພາກັນໂຕນໜີຈາກສູນກັກກັນ ຢູ່ໃນເຂດເມືອງສະເດົາ
ທາງພາກໃຕ້ຂອງໄທ. ລາຍງານຂອງສື່ມວນຊົນເວົ້າວ່າ ພວກ
ເຂົາເຈົ້າໄດ້ເຈາະປ່ອງໃຫຍ່ໆຢູ່ເທິງເພດານ ແລ້ວພາກັນປີນອອກມາທາງຫລັງຄາ ໂດຍໃຊ້ເຊືອກທີ່ເອົາເສື້ອຜ້າມາມັດຕໍ່ກັນ. ເຈົ້າໜ້າທີ່ກ່າວວ່າ ຢ່າງນ້ອຍ ສອງຄົນຖືກຈັບໄດ້ຄືນ.
ມີຊາວອົບພະຍົບທາງເຮືອເຜົ່າໂຣຮິງຢາ ປະມານ 2 ພັນຄົນ ຖືກກັກຂັງໄວ້ຢູ່ໃນສູນກັກກັນ
ຂອງພະແນກກວດຄົນເຂົ້າເມືອງໃນທົ່ວປະເທດໄທ ຊຶ່ງພວກເຂົາເຈົ້າໄດ້ຫລົບໜີຄວາມ
ຮຸນແຮງລະຫວ່າງຊົນເຜົ່າ ແລະການຈໍາແນກກີດກັນຂອງລັດຖະບານ ຢູ່ໃນມຽນມາ.
ເບິ່ງວີດິໂອກ່ຽວກັບ ໂສກນາດຕະກໍາຂອງຊາວອົບພະຍົບໂຣຮິງຢາ:
ລັດຖະບານໄທໄດ້ກ່າວໃນເບື້ອງຕົ້ນວ່າ ຕົນກໍາລັງຊອກຫາປະເທດອື່ນໆ ທີ່ເຕັມໃຈຈະ
ຮັບເອົາຊາວໂຣຮິງຢາເຫລົ່ານັ້ນເຂົ້າໄປຕັ້ງຖິ່ນຖານ. ແຕ່ເມື່ອບໍ່ນານມານີ້ ໄດ້ກ່າວວ່າ
ຕົນກໍາລັງພິຈາລະນາແຜນການທີ່ຈະ ຍ້າຍເຂົາເຈົ້າ ໄປຢູ່ສູນອົບພະຍົບຢູ່ເລາະຕາມ
ຊາຍແດນຕິດກັບມຽນມາ ນັ້ນ.
ກຸ່ມປົກປ້ອງສິດທິມະນຸດ Human Rights Watch ໄດ້ກ່າວໂຈມຕີແຜນການດັ່ງກ່າວ
ໃນວັນອັງຄານມື້ນີ້ ແລະຮຽກຮ້ອງໃຫ້ລັດຖະບານໄທ ປ່ອຍຊາວໂຣຮິງຢາເຫລົ່ານັ້ນ
ອອກຈາກອັນທີ່ຕົນເອີ້ນວ່າ ບ່ອນກັກຂັງທີ່ໄຮ້ມະນຸດສະທໍາ ແລະປ່ອຍໃຫ້ເຂົາເຈົ້າໄດ້
ຮ້ອງຂໍເອົາຖານະຂອງພວກຄົນງານທີ່ໄປຊອກວຽກເຮັດ.
ເບິ່ງວີດິໂອ ກ່ຽວກັບຊາວໂຣຮິງຢາ ຢູ່ໃນໄທ:
