ນັບເປັນເທື່ອທີສອງ ໃນອາທິດນີ້ ທີ່ກຸ່ມບຸກຄົນສຳຄັນຂອງພັກຣີພັບບລີກັນ ກ່າວວ່າ ຕົນ ຈະບໍ່ໃຫ້ການສະໜັບສະໜຸນແກ່ທ່ານ Donald Trump ເປັນປະທານາທິບໍດີສະຫະລັດ.
ສະມາຊິກພັກຣີພັບບລີກັນຫລາຍກວ່າ 70 ຄົນ ຮວມທັງອະດີດສະມາຊິກລັດຖະສະພາ ແລະພວກເຈົ້າໜ້າທີ່ອະວຸໂສຂອງລັດຖະບານທ່ານ Ronald Reagan ແລະລັດຖະບານຂອງປະທານາທິບໍດີ Bush ທັງຜູ້ເປັນພໍ່ແລະລູກ ໄດ້ຮ່າງຈົດໝາຍສະບັບນຶ່ງ ສົ່ງໄປຍັງ ປະທານຄະນະກຳມະການແຫ່ງຊາດ ຂອງພັກຣີພັບບລີກັນ ທ່ານ Reince Priebus.
ພວກເຂົາເຈົ້າຕ້ອງການຢາກໃຫ້ຄະນະກຳມະການແຫ່ງຊາດຂອງພັກຣີພັບບລີກັນຢຸດເຊົາການໃຊ້ເງິນ ເວລາ ພະນັກງານ ແລະການໂຄສະນາ ຂອງພັກ ເພື່ອສະໜັບສະໜຸນທ່ານ Trump ແລະໃຊ້ປັດໄຈ ຕະຫລອດທັງພະນັກງານແລະສິ່ງຂອງເຫຼົ່ານີ້ໄປສະໜັບສະໜຸນບັນດາຜູ້ສະໝັກ ເປັນສະມາຊິກສະມາຕ່ຳ ແລະສະພາສູງ ຂອງພັກແທນ. ພວກເຂົາເຈົ້າ ກ່າວວ່າ ໂອກາດທີ່ທ່ານ Trump ຈະຊະນະການເລືອກຕັ້ງ ໃນເດືອນພະຈິກ ກຳລັງເຫີຍ ຫາຍໄປໃນແຕ່ລະມື້.
ຮວມຢູ່ໃນບັນດາເຫດຜົນອື່ນໆນັ້ນ ພວກເຂົາເຈົ້າໄດ້ອ້າງການປະທະຄາລົມຂອງທ່ານກັບພໍ່ແມ່ຂອງທະຫານອາເມຣິກັນທີ່ນັບຖືສາສະໜາອິສລາມ ທີ່ໄດ້ເສຍຊີວິດຢູ່ອີຣັກ ການໃຫ້ຊ່ອງທາງວ່າ ພວກສະໜັບສະໜຸນສິດທິ ໃນການຄອບຄອງປືນ ຄວນຈະຍິງ ທ່ານນາງ Hillary Clinton ແລະຕົວະລ່າຍກ່ຽວກັບເລື້ອງອື່ນໆອີກທັງໃຫຍ່ແລະນ້ອຍ.
ຮວມຢູ່ໃນບັນດາເຫດຜົນອື່ນໆນັ້ນ ພວກເຂົາເຈົ້າໄດ້ອ້າງການປະທະຄາລົມຂອງທ່ານກັບພໍ່ແມ່ຂອງທະຫານອາເມຣິກັນທີ່ນັບຖືສາສະໜາອິສລາມ ທີ່ໄດ້ເສຍຊີວິດຢູ່ອີຣັກ ການໃຫ້ຊ່ອງທາງວ່າ ພວກສະໜັບສະໜຸນສິດທິ ໃນການຄອບຄອງປືນ ຄວນຈະຍິງ ທ່ານນາງ Hillary Clinton ແລະຕົວະລ່າຍກ່ຽວກັບເລື້ອງອື່ນໆອີກທັງໃຫຍ່ແລະນ້ອຍ.
ຫົວໜ້າປະຊາສຳພັນຂອງພັກຣີພັບບລີກັນ ທ່ານ Andrew Weinstein ກ່າວຕໍ່ວີໂອເອ ວ່າ ຖ້າຄະນະກຳມະການແຫ່ງຊາດຂອງພັກຣີພັບບລີກັນບໍ່ໄດ້ປ່ຽນຈຸດເພັ່ງເລັງຂອງຕົນໃນທັນທີແລ້ວ ການພັງພິນາດລົງ ຂອງຂະບວນລົດໄຟ ທ່ານ Trump ໃນເດືອນພະຈິກ ອາດທຳລາຍການກຳສຽງສ່ວນຫຼາຍຂອງພວກເຮົາ ຢູ່ໃນລັດຖະສະພາໄປພ້ອມ. ພວກເຮົາບໍ່ສາມາດລໍຖ້າໃຫ້ມັນເກີດຂຶ້ນໄດ້ອີກຕໍ່ໄປ ທີ່ຈະເພັ່ງເລັງຊັບພະຍາກອນຂອງພວກເຮົາ ໄປໃສ່ການແຂ່ງຂັນຕ່າງໆ ທີ່ພວກເຮົາຈະຊະນະ ແທນທີ່ຈະຈູດເງິນຖິ້ມຕື່ມ ນຳຜູ້ສະໝັກປະທານາທິບໍດີ ທີ່ຈະບໍ່ສາມາດຖືກຮັບເລືອກໄດ້.
ຍັງບໍ່ມີຄຳຕອບໃດໆຈາກການໂຄສະນາຫາສຽງຂອງທ່ານ Trump ເທື່ອກ່ຽວກັບເລື້ອງນີ້.
