ຝຣັ່ງກ່າວວ່າ ທະຫານຂອງຕົນ 2 ຄົນ ໄດ້ຖືກສັງຫານ ຢູ່ໃນ
ສາທາລະນະລັດອາຟຣິກາກາງ ບ່ອນທີ່ພວກເຂົາເຈົ້າໄດ້ປະ
ຕິບັດໜ້າທີ່ ເພື່ອຍຸດຕິຄວາມບໍ່ທຸ່ນທ່ຽງແລະຄວາມຮຸນແຮງ
ທີ່ມີມາໄດ້ຫຼາຍເດືອນ ຢູ່ທີ່ນັ້ນ.
ຫ້ອງການຂອງປະທານາທິບໍດີ Francois Hollande ຖະແຫຼງ
ໃນວັນອັງຄານມື້ນີ້ວ່າ ທະຫານ 2 ຄົນ ໄດ້ຖືກສັງຫານໃນການຕໍ່
ສູ້ກັນເມື່ອຄືນຜ່ານມາ ໃນເມືອງຫຼວງ Bangui. ຄໍາຖະແຫຼງໄດ້
ເນ້ນຍໍ້າ ການສະໜັບສະໜຸນຂອງ ທ່ານ Hollande ຕໍ່ກອງທະ
ຫານ 1.600 ຄົນ ທີ່ຖືກສົ່ງໄປປະຕິບັດງານ ຄຽງຄູ່ກັບກໍາລັງ
ທະຫານອາຟຣິກາ ໃນຖານະເປັນພາກສ່ວນນຶ່ງຂອງຄວາມພະ
ຍາຍາມທີ່ອະນຸມັດໂດຍຂອງອົງການສະຫະປະຊາຊາດ ເພື່ອກູ້ເອົາຄວາມໝັ້ນຄົງກັບຄືນ
ມາ ແລະປົກປ້ອງປະຊາຊົນພົນລະເຮືອນ.
ທ່ານ Hollande ມີກໍານົດຈະເດີນທາງໄປປະເທດດັ່ງກ່າວ ໃນແລງວັນອັງຄານມື້ນີ້.
ໃນຂະນະດຽວກັນນັ້ນ ປະທານາທິບໍດີ Barack Obama ກໍໄດ້ສົ່ງສານທີ່ບັນທຶກໄວ້ລ່ວງ
ກ່ອນອອກເດີນທາງໄປຍັງອາຟຣິກາໃຕ້ ເຖິງປະຊາຊົນສາທາລະນະລັດອາຟຣິກາກາງ
ຮຽກຮ້ອງໃຫ້ພວກເຂົາເຈົ້າ ຈົ່ງຢູ່ໃນຄວາມສະງົບ ໃນທ່າມກາງຄວາມຮຸນແຮງທີ່ຖີບຂຶ້ນ
ນັບມື້ ລະຫວ່າງສາສະໜາແລະຊົນເຜົ່າ ທີ່ຍັງຜົນໃຫ້ມີ ຢ່າງນ້ອຍ 400 ຄົນເສຍຊີວິດ
ໃນ 2 ມື້ຂອງອາທິດແລ້ວນີ້. ແລະທ່ານຮຽກຮ້ອງໃຫ້ພວກເຂົາເຈົ້າເລືອກເອົາທາງອອກ
ຢ່າງອື່ນ ຊຶ່ງທ່ານໂອບາມາກ່າວວ່າ:
“ບັນດາຜູ້ນໍາທີ່ໄດ້ຮັບຄວາມນັບຖືໃນປະຊາຄົມຂອງພວກທ່ານ, ທັງຜູ້ທີ່ນັບຖື
ສາສະໜາອິສລາມແລະຄຣີສ, ຕ່າງກໍພາກັນຮ້ອງຂໍໃຫ້ພວກທ່ານທັງຫຼາຍ ຢູ່ໃນ
ຄວາມສະງົບແລະສັນຕິ. ຂ້າພະເຈົ້າຂໍຮຽກຮ້ອງໄປຍັງລັດຖະບານໄລຍະຂ້າມ
ຜ່ານ ຈົ່ງຮ່ວມກັບສຽງຮຽກຮ້ອງເຫຼົ່ານັ້ນ ແລະຈັບກຸມພວກທີ່ກໍ່ອາຊະຍາກໍາ. ພວກຄົນທີ່ກໍ່ຄວາມຮຸນແຮງ ຈະຕ້ອງຖືກນໍາມາຮັບຜິດຊອບຕໍ່ການກະທໍາຂອງ
ຜູ້ກ່ຽວ ຕາມກົດໝາຍ.”
ສາທາລະນະລັດອາຟຣິກາກາງ ບ່ອນທີ່ພວກເຂົາເຈົ້າໄດ້ປະ
ຕິບັດໜ້າທີ່ ເພື່ອຍຸດຕິຄວາມບໍ່ທຸ່ນທ່ຽງແລະຄວາມຮຸນແຮງ
ທີ່ມີມາໄດ້ຫຼາຍເດືອນ ຢູ່ທີ່ນັ້ນ.
ຫ້ອງການຂອງປະທານາທິບໍດີ Francois Hollande ຖະແຫຼງ
ໃນວັນອັງຄານມື້ນີ້ວ່າ ທະຫານ 2 ຄົນ ໄດ້ຖືກສັງຫານໃນການຕໍ່
ສູ້ກັນເມື່ອຄືນຜ່ານມາ ໃນເມືອງຫຼວງ Bangui. ຄໍາຖະແຫຼງໄດ້
ເນ້ນຍໍ້າ ການສະໜັບສະໜຸນຂອງ ທ່ານ Hollande ຕໍ່ກອງທະ
ຫານ 1.600 ຄົນ ທີ່ຖືກສົ່ງໄປປະຕິບັດງານ ຄຽງຄູ່ກັບກໍາລັງ
ທະຫານອາຟຣິກາ ໃນຖານະເປັນພາກສ່ວນນຶ່ງຂອງຄວາມພະ
ຍາຍາມທີ່ອະນຸມັດໂດຍຂອງອົງການສະຫະປະຊາຊາດ ເພື່ອກູ້ເອົາຄວາມໝັ້ນຄົງກັບຄືນ
ມາ ແລະປົກປ້ອງປະຊາຊົນພົນລະເຮືອນ.
ທ່ານ Hollande ມີກໍານົດຈະເດີນທາງໄປປະເທດດັ່ງກ່າວ ໃນແລງວັນອັງຄານມື້ນີ້.
ໃນຂະນະດຽວກັນນັ້ນ ປະທານາທິບໍດີ Barack Obama ກໍໄດ້ສົ່ງສານທີ່ບັນທຶກໄວ້ລ່ວງ
ກ່ອນອອກເດີນທາງໄປຍັງອາຟຣິກາໃຕ້ ເຖິງປະຊາຊົນສາທາລະນະລັດອາຟຣິກາກາງ
ຮຽກຮ້ອງໃຫ້ພວກເຂົາເຈົ້າ ຈົ່ງຢູ່ໃນຄວາມສະງົບ ໃນທ່າມກາງຄວາມຮຸນແຮງທີ່ຖີບຂຶ້ນ
ນັບມື້ ລະຫວ່າງສາສະໜາແລະຊົນເຜົ່າ ທີ່ຍັງຜົນໃຫ້ມີ ຢ່າງນ້ອຍ 400 ຄົນເສຍຊີວິດ
ໃນ 2 ມື້ຂອງອາທິດແລ້ວນີ້. ແລະທ່ານຮຽກຮ້ອງໃຫ້ພວກເຂົາເຈົ້າເລືອກເອົາທາງອອກ
ຢ່າງອື່ນ ຊຶ່ງທ່ານໂອບາມາກ່າວວ່າ:
“ບັນດາຜູ້ນໍາທີ່ໄດ້ຮັບຄວາມນັບຖືໃນປະຊາຄົມຂອງພວກທ່ານ, ທັງຜູ້ທີ່ນັບຖື
ສາສະໜາອິສລາມແລະຄຣີສ, ຕ່າງກໍພາກັນຮ້ອງຂໍໃຫ້ພວກທ່ານທັງຫຼາຍ ຢູ່ໃນ
ຄວາມສະງົບແລະສັນຕິ. ຂ້າພະເຈົ້າຂໍຮຽກຮ້ອງໄປຍັງລັດຖະບານໄລຍະຂ້າມ
ຜ່ານ ຈົ່ງຮ່ວມກັບສຽງຮຽກຮ້ອງເຫຼົ່ານັ້ນ ແລະຈັບກຸມພວກທີ່ກໍ່ອາຊະຍາກໍາ. ພວກຄົນທີ່ກໍ່ຄວາມຮຸນແຮງ ຈະຕ້ອງຖືກນໍາມາຮັບຜິດຊອບຕໍ່ການກະທໍາຂອງ
ຜູ້ກ່ຽວ ຕາມກົດໝາຍ.”
