ປະທານາທິບໍດີສະຫະລັດ ທ່ານດໍໂນລ ທຣຳ ກ່າວວ່າ ທ່ານຍັງບໍ່ທັນໄດ້ອ່ານລາຍງານ
ທີ່ບໍ່ຄ່ອຍດີ ໂດຍຄະນະກຳມະການສະຫະປະຊາຊາດ ທີ່ໄດ້ເຕືອນເຖິງອັນຕະລາຍ ໃນ
ອະນາຄົດກ່ຽວກັບຄວາມຮ້ອນເອົ້າຂອງໂລກ ທີ່ບໍ່ໄດ້ຮັກສາໄວ້ໃຫ້ຢູ່ໃນລະດັບທີ່ຕ່ຳສຸດ.
ແຕ່ທ່ານກ່າວວ່າ ທ່ານມີແຜນທີ່ຈະເຮັດ ໂດຍເວົ້າວ່າ “ມີຄົນເອົາມາໃຫ້ຂ້າພະເຈົ້າ ແລະ
ຂ້າພະເຈົ້າຕ້ອງການຢາກເບິ່ງວ່າໃຜຮ່າງເລື່ອງນີ້ ທ່ານຮູ້ບໍ່ ແມ່ນກຸ່ມໃດຮ່າງເລື່ອງນີ້
ເພາະຂ້າພະເຈົ້າສາມາດບອກໃຫ້ທ່ານຮູ້ວ່າ ລາຍງານນີ້ຍອດຢ້ຽມ ແລະຂ້າພະເຈົ້າສາ
ມາດບອກໄດ້ວ່າ ລາຍງານນີ້ບໍ່ດີພໍ” ນັ້ນຄືຄວາມເຫັນ ຂອງທ່ານທຣຳ ທີ່ໄດ້ກ່າວ ໃນ
ວັນອັງຄານວານນີ້ ຢູ່ທີ່ທຳນຽບຂາວ ແລະທ່ານກ່າວຕື່ມວ່າ “ແຕ່ຂ້າພະເຈົ້າຈະອ່ານ
ແນ່ນອນ.”
ນັ້ນແມ່ນຄວາມເຫັນຂອງທ່ານເທື່ອທຳອິດ ກ່ຽວກັບລາຍງານ ທີ່ໄດ້ນຳອອກເຜີຍແຜ່
ໃນວັນຈັນທີ່ຜ່ານມາ ໂດຍຄະນະກຳມະການລັດຖະບານ ຂອງອົງການສະຫະປະຊາ
ຊາດ ກ່ຽວກັບການປ່ຽນແປງ ຂອງດິນຟ້າອາກາດ.
ລາຍງານໄດ້ບອກລາຍຊື່ວ່າ ອາກາດຂອງໂລກມະນຸດ ສຸຂະພາບ ແລະລະບົບນິເວດ
ຈະດີຂື້ນແບບໃດ ຖ້າຫາກບັນດາຜູ້ນຳຂອງໂລກ ສາມາດຕັດສິນໃຈຈຳກັດຄວາມຮ້ອນ
ເອົ້າ ທີ່ມີສາເຫດຈາກມະນຸດເຖິງໃຫ້ຢູ່ຕ່ຳກວ່າ 0.5 ອົງສາແຊລຊຽສ ຫຼື 0.9 ອົງສາຟາ
ເຣັນໄຮຕ໌ ລະຫວ່າງ ປີ 2030 ຫາ 2052 ແທນທີ່ຈະແມ່ນ 1 ອົງສາ ແຊລຊຽສ ຫຼື 1.8
ອົງສາຟາເຣັນໄຮຕ໌ ຕາທີ່ໂລກໄດ້ຕົກລົງໄວ້ນັ້ນ.
ໃນເດືອນກໍລະກົດປີ 2017 ປະທານາທິບໍດີທຣຳ ໄດ້ຖອນສະຫະລັດອອກຈາກຂໍ້ຕົກ
ລົງດິນຟ້າອາກາດປາຣີ ເພື່ອຫລຸດຜ່ອນການປ່ອຍແກັສເຮືອນແກ້ວ ຢູ່ໃນທົ່ວໂລກ. ລັດ
ຖະບານຂອງທ່ານຍັງໄດ້ທັບມ້າງນະໂຍບາຍການຫລຸດຜ່ອນໃນ ອາຍແກັສພິດ ຢູ່ພາຍ
ໃນປະເທດນຳດ້ວຍ.
ອີງຕາມລາຍງານອົງການສະຫະປະຊາຊາດແລ້ວ ຜົນປະໂຫຍດຈຳນວນນຶ່ງ ທີ່ຈຳກັດ
ຄວາມຮ້ອນເອົ້າຢູ່ໃນທົ່ວໂລກ ໃຫ້ຢູ່ໃນລະດັບຕ່ຳສຸດແມ່ນຮວມທັງ.
ຈະເຮັດໃຫ້ມີຜູ້ຂາດແຄນນ້ຳ ໜ້ອຍລົງເຄິ່ງນຶ່ງ.
ຈະມີການເສຍຊີວິດ ແລະລົມປ່ອຍຍ້ອນພະຍາດຕ່າງໆໜ້ອຍລົງ ຈາກຄວາມຮ້ອນເອົ້າ
ຄວັນພິດ ແລະພະຍາດຕິດແປດ.
ຈະເຮັດໃຫ້ແຜ່ນນ້ຳກ້ອນ ຢູ່ທາງພາກຕາເວັນຕົກຂອງຂວັ້ນໂລກໃຕ້ບໍ່ເປື່ອຍແບບທີ່ບໍ່
ມີການຕ່າວປີ້ນໄດ້.
ມັນອາດຈະເປັນການພຽງພໍ ໃນການທີ່ຈະຊ່ວຍໃຫ້ພວກຫີນປະກາລັງ ລອດພົ້ນຈາກ
ການຕາຍໄປ.
ຄະນະກຳມະການດັ່ງກ່າວ ໄດ້ພົບປະກັນຢູ່ເກົາຫຼີໃຕ້ ຫວ່າງມໍ່ໆມານີ້ເພື່ອເຮັດລາຍງານຂັ້ນສຸດທ້າຍ.
