ລິ້ງ ສຳຫລັບເຂົ້າຫາ

ປ. ສະຫະລັດ ກ່າວຕໍ່ ປ. ເກົາຫຼີໃຕ້ວ່າ ຕົນເປີດ ກວ້າງ ສຳລັບການເຈລະຈາ ກັບເກົາຫຼີເໜືອ ໃນເວລາອັນຄວນ


ພວກຜູ້ຄົນພາກັນເບິ່ງໂທລະພາບ ທີ່ສະແດງໃຫ້ເຫັນປ. ສະຫະລັດ ທ່ານດໍໂນລ ທຣຳ ກັບ ຜູ້ນຳ ຄິມ ຈົງ ອຶນ ໃນສະຖານີລົດໄຟໃຕ້ດິນ ໃນນະຄອນຫຼວງ ໂຊລ, ເກົາຫຼີ, 29 ກັນຍາ 2017.

​ປະທາ​ນາ​ທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ​ກ່າວ​ວ່າ ທ່ານ​ແມ່ນ​ເປີດ​ກ້ວາງ​ຕໍ່​ການ​ເຈລະ
ຈາ​ກັບ​ເກົາຫຼີ​ເໜືອ “​ໃນ​ເວລາ​ອັນ​ຄວນ.”

​ໃນ​ການ​ໂອ້​ລົ​ມສົນທະນາທາງ​ໂທລະສັບ ​ກັບ​ປະທານາ​ທິບໍດີເກົາຫຼີ​ໃຕ້ ທ່ານ ມູນ ​ແຈ-​ອິນ
​ໃນ​ວັນ​ພຸດ​ວານ​ນີ້, ທ່ານ​ທຣຳ ​ໄດ້ “ສະ​ແດງ​ອອກ​ເຖິງ​ຄວາມ​ເປີດ​ໃຈ ​ທີ່​ຈະ​ຈັດ​ໃຫ້​ມີ
​ການເຈລະຈາ​ລະຫວ່າງ​ສະຫະລັດ ກັບເກົາຫຼີ​ເໜືອ ​ໃນ​ເວລາ​ອັນ​ເໝາະ​ສົມ ພາ​ຍໃຕ້
ສະພາບ​ການທີ່​ເຫັນ​ສົມຄວນ,”
ອີງ​ຕາມລາຍ​ງານ​ກ່ຽວກັບການໂອ້ລົມຂອງ​ທຳນຽບຂາວ.

ລາຍງານກ່າວຕື່ມວ່າ “ພວກ​ສອງຜູ້​ນຳ ​ໄດ້ກ່າວ​ເນັ້ນ​ເຖິງຄວາມ​ສຳຄັນ ​ຂອງ​ການ​ສືບ
​ຕໍ່ກົດ​ດັນ​ສູງ​ສຸດໃນການປຸກລະດົມຕ້ານ​ເກົາ​ຫຼີເໜືອ.” ​

ທຳນຽບຂອງປະທານາ​ທິບໍດີ ມູນ ຂັ້ນຕົ້ນ ​ໄດ້​ລາຍ​ງານກ່ຽວກັບ​ການ​ສົນທະນາ ທີ່​ມີ​ຂຶ້ນ​
ນຶ່ງ​ມື້ຫຼັງ​ຈາກ​ເກົາ​ຫຼີເໜືອ​ແລະ​ເກົາ​ຫຼີ​ໃຕ້​ໄດ້ເຈລະຈາ​ກັນ​ຄັ້ງ​ທຳ​ອິດ ​ໃນ​ຮອບ 2 ປີ. ​
ຖະ​ແຫຼງການ​ຂອງເກົາ​ຫຼີ​ໃຕ້​ໄດ້​ກ່າວ ທ່ານ​ທຣຳ​ໄດ້​ຕົກລົງ​ວ່າ ຈະ​ບໍ່​ມີ​ການ​ເອົາ​ບາດ
ກ້າວ​ທາງ​ທະຫານໃດ​ໆ ໃນ​ຂະນະທີ່​ມີ​ການ​ເຈລະຈາ​ກັນຢູ່ນັ້ນ.

ປະທານາທິບໍດີສະຫະລັດ ທ່ານດໍໂນລ ທຣຳ ກ່າວຖະແຫຼງການໃນກອງປະຊຸມຖະແຫຼງຂ່າວ ທີ່ຫ້ອງກ້ຳຕາເວັນອອກໃນທຳນຽບຂາວ, 10 ມັງກອນ 2018, ທີ່ວໍຊີງຕັນ.
ປະທານາທິບໍດີສະຫະລັດ ທ່ານດໍໂນລ ທຣຳ ກ່າວຖະແຫຼງການໃນກອງປະຊຸມຖະແຫຼງຂ່າວ ທີ່ຫ້ອງກ້ຳຕາເວັນອອກໃນທຳນຽບຂາວ, 10 ມັງກອນ 2018, ທີ່ວໍຊີງຕັນ.


ທ່ານທຣຳ ​ແລະ​ທ່ານ​ມູນ ​ຕ່າງກໍໄດ້​ຈັດ​ກອງ​ປະຊຸມ​ຖະ​ແຫຼ​ງຂ່າວ ​ໃນ​ວັນ​ພຸດວານນີ້
​ໃນ​ອັນ​ທີ່ພວກ​ທ່ານໄດ້ກ່າວເຖິງໂອກາດ ທີ່ຈະ​ມີ​ສະຖຽນລະ​ພາບ​ຕື່ມຂຶ້ນ​ໃນ​ແຫຼມ​ເກົາ​ຫຼີ,
ບ່ອນ​ທີ່​ຄວາມ​ເຄັ່ງ​ຕຶງ​ໄດ້ເພີ້ມທະວີຂຶ້​ນສູ່ລະດັບສູງສຸດ ໄດ້ຫຼາຍ​ເດືອນ​ແລ້ວ.

ທ່ານ​ທຣຳ ທີ່ຢືນ​ຄຽງ​ຂ້າງ​ກັບ​ນາຍົກລັດຖະມົນຕີນໍຣ​ເວ ທ່ານ ອີມາ ​ໂຊ​ລ​ເບີກ ທີ່ຫ້ອງ
​ກ້ຳຕາເວັນອອກໃນ​ທຳນຽບຂາວ ​ໄດ້​ກ່າວ​ວ່າ ທ່ານ​ມີຄວາມຫວັງ ​ໃນ​ຍຸກສະໄໝ​ຂອງ​
“ສັນຕິ ພາບຜ່ານ​ຄວາມ​ເຂັ້ມ​ແຂງ” ​ໃນ​ຂະນະ​ທີ່​ທ່ານ​ເປັນຜູ້ກຳກັບນຳການເສີມ​ຄວາມ
ເຂັ້ມແຂງ​ໃຫ້ແກ່ກອງ​ກຳລັງ​ທະຫານ​ສະຫະລັດ.

“ຂ້າພະ​ເຈົ້າ ຄິດ​ວ່າ ພວກ​ເຮົາ​ຈະ​ມີ​ສັນຕິພາບ ​ເປັນ​ເວລາ​ຍາວ​ນານ. ຂ້າພະ​ເຈົ້າ​
ຫວັງ​ວ່າພວກ​ເຮົາ​ຈະ​ມີ​,”
ທ່ານ​ທຣຳ ​ໄດ້​ກ່າວ​ເຊັ່ນ​ນັ້ນ ​ແລະ​ກ່າວ​ເພີ່ມ​ຕື່ມ​ວ່າ “​ແນ່ນອນ
ພວກ​ເຮົາມີ​ບັນຫາ ກັບ​ເກົາຫຼີ​ເໜືອ, ​ແຕ່​ວ່າ ການ​ເຈ​ລະຈາ​ທີ່​ດີ ​ແມ່ນ​ກຳລັງ​ດຳ​ເນີນ​
ໄປ​ຢູ່​ໃນ​ຂະນະ​ນີ້...ຂ້າພະ​ເຈົ້າແນມເຫັນພະລັງງານທີ່​ດີ. ຂ້າພະ​ເຈົ້າ​ມັກຫຼາຍ​ໃນ
​ສີ່​ງທີ່​ຂ້າພະ​ເຈົ້າ​ເຫັນ.”

​ໃນ​ກອງ​ປະຊຸມ​ຖະ​ແຫຼ​ງຂ່າວ ​ທີ່ນະຄອນຫຼວງ​ໂຊ​ລ ນຶ່ງ​ມື້ກ່ອນ​ໜ້າ​ນີ້, ທ່ານ​ມູນ ​ໄດ້​ກ່າວ​
ຂອບ​ໃຈ​ຕໍ່​ທ່ານ​ທຣຳ ທີ່​ໄດ້ຊ່ອຍ​ຈັດ​ແຈ​ງ​ກ່ຽວກັບ​ການ​ເຈລະຈາ​ໃນ​ວັນ​ອັງຄານ​ຜ່ານ​ມາ
​ນີ້​ລະຫວ່າງ​ສອງ​ເກົາຫຼີ ​ໂດຍ​ການ​ກົດ​ດັນໃຫ້​ມີ​ການ​ລົງ​ໂທດ​ເພີ່ມ​ຂຶ້ນ ຕໍ່​ຜູ້ນຳ​ເກົາຫຼີ​ເໜືອ.​

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ປະທານາທິບໍດີເກົາຫຼີໃຕ້ ທ່ານ ມູນ ແຈ-ອິນ ຕອບຄຳຖາມພວກນັກຂ່າວ ໃນກອງປະຊຸມຖະແຫຼງຂ່າວທີ່ທຳນຽບປະທານາທິບໍດີສີຟ້າ ໃນໂຊລ, ເກົາຫຼີໃຕ້, 10 ມັງກອນ 2018.
ປະທານາທິບໍດີເກົາຫຼີໃຕ້ ທ່ານ ມູນ ແຈ-ອິນ ຕອບຄຳຖາມພວກນັກຂ່າວ ໃນກອງປະຊຸມຖະແຫຼງຂ່າວທີ່ທຳນຽບປະທານາທິບໍດີສີຟ້າ ໃນໂຊລ, ເກົາຫຼີໃຕ້, 10 ມັງກອນ 2018.

XS
SM
MD
LG