ຫລັງຈາກປະຊຸມກັບປະທານາມທິບໍດີ ດໍໂນລ ທຣໍາ ບັນດາສະມາຊິກສະພາສູງພັກຣີ
ພັບບລິກກັນ ໃນວັນຈັນວານນີ້ ໄດ້ຢືນຢັນເຖິງຄວາມຕັ້ງໃຈຂອງເຂົາເຈົ້າທີ່ຈະລົງຄະ
ແນນສຽງ ໃຫ້ແກ່ແຜນຕັດພາສີີຄັ້ງໃຫຍ່ໃນອາທິດນີ້ ທີ່ຈະຕັດພາສີບໍລິ ສັດຢ່າງເປັນ
ການຖາວອນ ຕັດພາສີລາຍໄດ້ຊົ່ວຄາວແລະເພີ້ມໜີ້ສິນແຫ່ງຊາດ ຂອງສະຫະລັດ
ຫລາຍກວ່າ 1 ພັນຕື້ໂດລາ.
ຮອງຜູ້ນຳສຽງສ່ວນຫຼາຍ ໃນສະພາສູງ ທ່ານຈອນ ຄໍຣ໌ນິນ ຈາກລັດເທັກຊັສ ກ່າວວ່າ
“ແຜນໃນສປັດຈຸບັນ ອາທິດນີ້ກໍຈະມີການລົງຄະແນນສຽງກ່ຽວກັບຮ່າງກົດໝາຍພາ
ສີຂອງສະພາສູງ. ເປົ້າໝາຍກໍຄືເຮັດໃຫ້ເສດຖະກິດເຕີບໂຕອີກ.”
ທ່ານຄໍຣນິນ ແລະສະມາຊິກພັກຣີພັບບລິກັນຄົນອື່ນໆ ຢູ່ໃນຄະນະກໍາມະການການ
ເງິນ ໄດ້ເຮັດວຽກແລະກິນເຂົ້າສວາຍ ກັບປະທານາທິບໍດີທຣໍາ ຢູ່ທີ່ທຳນຽບຂາວ ທ່າມ
ກາງຄວາມພະຍາຍາມທີ່ຂຸ້ນຂ້ຽວ ເພື່ອໃຫ້ໄດ້ຮັບຢ່າງໜ້ອຍ 50 ຄະແນນສຽງ ກ່ຽວກັບ
ແຜນຕັດພາສີໃນສະພາທີ່ມີສະມາຊິກທັງໝົດ 100 ທ່ານ. ພັກຣິພັບບລິກກັນກຳສຽງ
ສ່ວນຫລາຍ 2 ບ່ອນນັ່ງ ແລະບໍ່ມີສະມາຊິກສະພາສູງພັກເດໂມແຄຣັດ ທີ່ໄດ້ອອກມາ
ສະແດງຄວາມເຫັນພ້ອມກັບຮ່າງກົດໝາຍນີ້. ໃນກໍລະນີທີ່ມີຄະແນນ 50-50 ເທົ່າກັນ
ນັ້ນ ຮອງປະທານາທິບໍດີ ໄມຄ໌ ເພັນສ໌ ຈະລົງຄະແນນສຽງຕັດສິນ ເພື່ອໃຫ້ຮ່າງກົດ
ໝາຍຜ່ານ.
ປະທານຄະນະກຳມະການໆເງິນ ທ່ານ ອໍຣ໌ຣິນ ແຮຕສ໌ ຈາກລັດຢູທາ ກ່າວວ່າ “ພວກ
ເຮົາຕັ້ງໃຈທີ່ຈະໃຫ້ໄດ້ 50 ຄະແນນສຽງ.”
ສະມາຊິກສະພາສູງພັກຣີພັບບລິກກັນຄົນນຶ່ງ ທ່ານຣອນ ຈອນສັນ ຈາກລັດວິສຄອນຊິນ
ໄດ້ປະກາດວ່າ ທ່ານບໍ່ເຫັນພ້ອມກັບແຜນຕັດພາສີທີ່ຢູ່ໃນຮູບແບບປັດ ຈຸບັນ. ລາຍງານ
ຂ່າວໄດ້ອ້າງຄຳເວົ້າຂອງຜູ້ຊ່ວຍອີກຄົນນຶ່ງວ່າ ທ່ານສຕີບ ເດນ ຈາກລັດມົງຕານາ ທີ່
ກ່າວວ່າ ຮ່າງກົດໝາຍນີ້ ເນັ້ນໜັກຫຼາຍເກີນໄປ ໃນຄວາມເຫັນພ້ອມກັບບໍລິສັດໃຫຍ່ໆ.
ບັນດາສະມາຊິກສະພາສູງພັກຣີພັບບລິກັນອີກຫລາຍໆທ່ານ ໄດ້ສະແດງຄວາມເສົ້າໃຈ
ເປັນຫ່ວງກ່ຽວກັບການເພີ້ມໜີ້ສິນຂອງປະເທດຕື່ມອີກ ແຕ່ບໍ່ໄດ້ເວົ້າວ່າ ເຂົາເຈົ້າຈະລົງ
ຄະແນນສຽງຢ່າງໃດ.
ປະທານາທິບໍດີທຣໍາ ທ່ານເອງປາກົດວ່າຮັບຮູ້ໃນຄວາມຕ້ອງການຊອກຫາສຽງຂອງ
ແຜນຕັດພາສີ ໂດຍຂຽນລົງທາງ Tweeter ວ່າ "ຊົນຊັ້ນກາງ ແລະຜູ້ຜະ ລິດວຽກງານ"
ທີ່ຈະໄດ້ຮັບຜົນປະໂຫຍດຈາກ "ພຽງແຕ່ປ່ຽນແປງເລັກນ້ອຍໂຕ ເລກຈຳນວນນຶ່ງ."
ສະພາຕໍ່າໄດ້ໃຫ້ການອະນຸມັດຕໍ່ແຜນການປະຕິຮູບພາສີອີກສະບັບນຶ່ງ ທີ່ແຕກຕ່າງໃນ
ຕົ້ນເດືອນນີ້. ຖ້າຫາກສະພາສູງຮັບຜ່ານຮ່າງກົດໝາຍນີ້ ທັງສອງສະບັບຈະຕ້ອງມີ
|ການປະນີປະນອມເຂົ້າເປັນຮ່າງກົດໝາຍດຽວກັນ ແລະໄດ້ມີການຮັບຮອງເອົາຢູ່ໃນ
ທັງສອງສະພາ ກ່ອນປະທານາທິບໍດີສາມາດເຊັນໃຫ້ເປັນກົດໝາຍໄດ້.
ບັນດາສະມາຊິກພັກເດໂມແຄຣັດໃນຂະນະດຽວກັນກຳລັງເຮັດວຽກຢ່າງຂຸ້ນຂ້ຽວ ເພື່ອ
ຄັດຄ້ານຕໍ່ແຜນການຕັດພາສີດັ່ງກ່າວ.
