ລິ້ງ ສຳຫລັບເຂົ້າຫາ

ວັນສຸກ, ໑໔ ມິຖຸນາ ໒໐໒໔

ທຳນຽບຂາວ ຄາດວ່າ ການພົບປະສົນທະນາກັນ ລະຫວ່າງ ປ.ທຣໍາ ກັບ ທ່ານອາເບ ຈະເປັນໄປ ແຕ່ໃນທາງບວກ ທີ່ສຸດ.


ປະທານາທິບໍດີດໍໂນລ ທຣໍາ ໂບກມືຈາກເຮືອບິນປະຈຳຕຳແໜ່ງ Air Force One ເວລາໄປເຖິງສະໜາມບິນສາກົນ ທີ່ນະຄອນ
ໄມອາມີ ລັດຟລໍຣິດາ ວັນທີ 16 ເມສາ.
ປະທານາທິບໍດີດໍໂນລ ທຣໍາ ໂບກມືຈາກເຮືອບິນປະຈຳຕຳແໜ່ງ Air Force One ເວລາໄປເຖິງສະໜາມບິນສາກົນ ທີ່ນະຄອນ ໄມອາມີ ລັດຟລໍຣິດາ ວັນທີ 16 ເມສາ.

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ​ຈະເປັນ​ເຈົ້າ​ພາບ​ຕ້ອນຮັບ​ນາຍົກລັດ
ຖະມົນຕີຍີ່ປຸ່ນ​ທ່ານ ຊິນໂຊະ ອາ​ເບ ​ເລີ້ມ​ແຕ່​ວັນ​ອັງ​ຄານມື້​ນີ້​ເປັນ​ເວລາ​ສອງ​ວັນ ຂອງ​
ການ​ສົນທະນາ ທີ່​ທຳນຽບຂາວ​ ຊຶ່ງຄາດວ່າຈະ ເປັນ“​ໄປແຕ່​ໃນ​ທາງ​ບວກທີ່ສຸດ.”

ໃນການກ່າວ​ຕໍ່​ບັນດາ​ນັກຂ່າວ​ຢູ່​ເທິງ​ເຮືອບິນ​ປະ​ຈຳ​ຕຳ​ແໜ່​ງ Air Force One ທີ່​ບິນ
​ໄປ​ລັດ​ຟລໍຣິດາ ​ໃນ​ວັນ​ຈັນ​ວານ​ນີ້ ​ໂຄສົກ​ທຳນຽບຂາວ​ທ່ານ​ນາງຊາຣາ ຮັກ​ກາ​ບີ ​ແຊນ​
ເດີຣສ໌ ກ່າວ​ວ່າ ການ​ສົນທະນາ​ລະຫວ່າງ​ຜູ້ນຳ​ທັງ​ສອງ “ຈະ​ແນ​ໃສ່​ການ​ກະກຽມ ​ການ​
ເຈລະຈາ​ກັບ​ເກົາຫຼີ​ເໜືອ ພ້ອມທັງ​ການ​ສົນທະນາແລກປ່ຽນ​ການ​ຄ້າ.”

ປະທານາທິບໍດີທຣໍາ ​ກັບ​ທ່ານ​ອາ​ເບ​ບໍ່​ໄດ້ເປັນ​ຄົນ​ແປກ​ໜ້າກັນ. ນາຍົກລັດຖະມົນ​ຕີ​ຍີ່
ປຸ່ນ ​ເປັນ​ຜູ້ນຳ​ຕ່າງ​ປະ​ເທດ ທີ່ປະທານາທິບໍດີ​ສະຫະລັດ ​ໄດ້ເຄີຍ​ພົບ​ປະມາ ​ແລະ​ສົນ
ທະນາ​ນຳ​ຢູ່​ເລື້ອຍໆ​ລະຫວ່າງ​ການເປັນ​ປະທາ​ນາ​ທິບໍດີ​ຂອງ​ທ່ານ.

ທ່ານ​ນາງ​ແຊນ​ເດີຣ ກ່າວ​ວ່າ “ຄວາມ​ຈິງ​ແລ້ວ ປະທານາທິບໍດີ​ໄດ້​ມີ​ຄວາມ​ສຳພັນ​ອັນ
​ຍິງໃຫຍ່​ກັບທ່ານ.”

ປະທານາທິບໍດີ​ທຣໍາ ​ແລະ​ທ່ານອາ​ເບ ​ແບ່ງປັນ​ຄວາມກົດ​ດັນທີ່​ເປັນ​ຫ່ວງກ່ຽວ​ກັບ ​ເກົາ
ຫຼີ​ເໜືອ ທີ່​ມີ​ລູກ​ສອນ​ໄຟ​ຂີ​ປະ​ນາ​ວຸດ ​ແລະໂຄງການ​ອາວຸດນິວ​ເຄລຍ ຕ່າງໆ​ທີ່​ທ້າ​ທາຍ
​ຕໍ່​ການ​ລົງ​ໂທດ​ສາກົນ.

ພ້ອມໆ​ກັບ​ການ​ກະກຽມ​ກອງ​ປະຊຸມ​ສຸດ​ຍອດ​ທີ່​ບໍ່ເຄີຍມີ​ມາ​ກ່ອນລະຫວ່າງ ທ່ານ​ທຣໍາ
​ກັບ​ທ່ານ​ກິມ ຈົງ​ອຶນ ຜູ້ນຳ​ຍີ່ປຸ່ນຈຶ່ງຕ້ອງການ​ພໍ້​ໜ້າ​ ປະທານ​າທິບໍດີ​ສະຫະລັດ​ກ່ອນ​
ການ​ພົບ​ປະ​ອັນ​ສຳຄັນ​ສຸດນີ້.

ນາຍົກລັດ ຖະມົນຕີຍີ່ປຸ່ນ​ທ່ານ ຊິນໂຊະ ອາ​ເບ ກ່າວຢູ່ພິທີ ລະຫວ່າງການຮຽນຈົບຂອງ ນັກຮຽນ ຢູ່ສະຖາບັນປ້ອງກັນແຫ່ງຊາດ ຢູ່ເມືອງ ໂຍໂກຊູກາ ການາກາວະ ປະເທດຍີ່ປຸ່ນ ວັນທີ 18 ມີນາ 2018.
ນາຍົກລັດ ຖະມົນຕີຍີ່ປຸ່ນ​ທ່ານ ຊິນໂຊະ ອາ​ເບ ກ່າວຢູ່ພິທີ ລະຫວ່າງການຮຽນຈົບຂອງ ນັກຮຽນ ຢູ່ສະຖາບັນປ້ອງກັນແຫ່ງຊາດ ຢູ່ເມືອງ ໂຍໂກຊູກາ ການາກາວະ ປະເທດຍີ່ປຸ່ນ ວັນທີ 18 ມີນາ 2018.

ທ່ານ​ອາ​ເບ​ກ່າວ​ກ່ອນ​ການ​ເດີນທາງ​ມາ​ຍັງ​ສະຫະລັດວ່າ ທ່ານ​ຕ້ອງການ​ການ​ຢືນຢັນ
​ທ່າ​ທີ​ຂອງ​ສະຫະລັດ ກ່ຽວກັບ​ການ​ກົດ​ດັນ​ໃຫ້​ເກົາຫຼີ​ເໜືອ ຮັບ​ຮູ້​ເພື່ອ​ຫັນປ່ຽນ​ທິດທາງ
ກ່ຽວກັບລູກ​ສອນ​ໄຟ ​ແລະ​ອາວຸດ​ນິວ​ເຄລຍຂອງ​ຕົນ.

ບັນດາ​ນັກວິ​ເຄາະ​ກ່າວ​ວ່າ ທ່ານ​ອາ​ເບ ຫວັງ​ວ່າຈະ​ຊັກ​ຊວນ​ໃຫ້​ປະທານາທິບໍດີ​ທຣໍາ
ເວລາ​ທ່ານ​ພົບ​ປະ​ກັບ​ທ່ານ​ກິມ ທ່ານຈະ​ບໍ່​ເຮັດ​ຂໍ້​ຕົກລົງ​ກັບ​ຜູ້ນຳ​ເກົາຫຼີ​ເໜືອ ໂດຍ​ຈະ​
ເຮັດ​ໃຫ້​ຄວາມ​ໝັ້ນຄົງ​ຍີ່ປຸ່ນ​ອ່ອນ​ແອ​ລົງ ຊຶ່ງ​ຢູ່​ພາຍ​ໃຕ້​ຄັນຮົ່​ມນິວ​ເຄລຍຂອງອາ​ເມຣິ
ກາ ​ແລະເປັນ​ຜູ້ຄຸ້ມຄອງທະຫານ​ສະຫະລັດ​ຫຼາຍໆ​ພັນ​ຄົນນັ້ນ.

ອ່ານຂ່າວນີ້ເພີ້ມເປັນພາສາອັງກິດ

Trump Abe
please wait
Embed

No media source currently available

0:00 0:00:56 0:00

XS
SM
MD
LG