ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນະຄອນຫຼວງ ໂດຮາ ຖືກຢືນຢັນ ເປັນສະຖານທີ່ ສຳລັບການເຈລະຈາ ສັນຕິພາບ ອັຟການິສຖານ ຮອບທີສອງ


ພາບທົ່ວໄປ ສະແດງໃຫ້ເຫັນການເຈລະຈາລະຫວ່າງ ລັດຖະບານ ອັຟການິສຖານ ແລະ ກຸ່ມກະບົດ ຕາລິບານ, ນະຄອນຫຼວງ ໂດຮາ, ປະເທດ ກາຕ້າ. 12 ກັນຍາ, 2020.
ພາບທົ່ວໄປ ສະແດງໃຫ້ເຫັນການເຈລະຈາລະຫວ່າງ ລັດຖະບານ ອັຟການິສຖານ ແລະ ກຸ່ມກະບົດ ຕາລິບານ, ນະຄອນຫຼວງ ໂດຮາ, ປະເທດ ກາຕ້າ. 12 ກັນຍາ, 2020.

ບັນດາເຈົ້າໜ້າທີ່ ອັຟການິສຖານ ເວົ້າວ່າລັດຖະບານໄດ້ຕັດສິນໃຈທີ່ຈະຈັດການເຈລະຈາສັນຕິ ພາບຮອບທີສອງກັບກຸ່ມຕາລິບານໃນນະຄອນຫຼວງ ໂດຮາ, ເປັນບ່ອນດຽວກັນທີ່ໄດ້ຈັດການເຈລະ ຈາຮອບທຳອິດ.

ທ່ານ ຟາຣີດູນ ຄໍຊູນ (Faridoon Khawzoon) ໂຄສົກສຳລັບສະພາສູງເພື່ອ ການປ້ອງດອງຊາດຂອງ ອັຟການິສຖານ, ເຊິ່ງແມ່ນອົງການທີ່ຮັບຜິດຊອບສຳລັບການຄວບຄຸມການເຈລະຈາໄດ້ກ່າວວ່າ ການຕັດສິນໃຈໄດ້ມີຂຶ້ນຍ້ອນການຫ້າມເດີນທາງທີ່ກ່ຽວຂ້ອງກັບ COVID-19.

ຫຼາຍປະເທດໄດ້ຍາດແຍ່ງກັນຈັດການເຈລະຈາສັນຕິພາບດັ່ງກ່າວລວມມີ ປະເທດ ນໍເວ ແລະ ເຢຍ ຣະມັນ.

ນະຄອນຫຼວງ ໂດຮາ ຍັງເປັນສະຖານທີ່ສຳລັບການເຈລະຈາລະຫວ່າງ ສະຫະລັດ ກັບ ກຸ່ມຕາລິບານ ທີ່ໄດ້ນຳໄປສູ່ການເຊັນຂໍ້ຕົກລົງລະຫວ່າງສອງປະເທດດັ່ງກ່າວໃນ ອັຟການິສຖານ ໃນປີ 2020​ ນີ້. ກຸ່ມ ຕາລິບານ ໄດ້ຮັກສາຫ້ອງການທາງການເມືອງທີ່ບໍ່ເປັນທາງການໃນນະຄອນຫຼວງ ໂດຮາ ເປັນເວລາຫຼາຍປີແລ້ວ.

ທ່ານ ຄໍຊູນ ໄດ້ກ່າວວ່າ ຄະນະກຳມະການນຳພາຂອງອົງການ AHCNR ໄດ້ອະນຸຍາດໃຫ້ທີມຂອງລັດຖະບານ ອັຟການິສຖານ ທຳການເຈລະຈາ ກ່ຽວກັບ ວາລະແຜນການຂອງການເຈລະຈາຕ່າງໆກັບກຸ່ມຕາລິບານ.

ໃນຮອບທຳອິດ, ທັງສອງຝ່າຍໄດ້ຕົກລົງກັນ ກ່ຽວກັບ ຂໍ້ປະຕິບັດເພື່ອນຳພາການເຈລະຈາຕ່າງໆ. ກ່ອນຈະພັກສາມອາທິດນັ້ນ, ທັງສອງຝ່າຍໄດ້ແລກປ່ຽນແຜນກອງປະຊຸມຕ່າງໆ. ການເຈລະຈາແມ່ນຄາດວ່າຈະສືບຕໍ່ໃນວັນທີ 5 ມັງກອນປີ 2021.

ຫ້ອງການຂອງປະທານາທິບໍດີ ອາສຣັຟ ການີ ຍັງໄດ້ຢືນຢັນວ່ານະຄອນຫຼວງ ໂດຮາ ເປັນສະຖານ ທີ່ສຳລັບຮອບທີສອງເພື່ອອະນຸຍາດໃຫ້ການເຈລະຈາຕ່າງໆເລີ່ມຄືນຕົງເວລາ. ທ່ານ ການີ ໄດ້ສະເໜີວ່າຮອບທີສອງ ແລະ ການເຈລະຈາຕາມມາຄວນຖືກຈັດຂຶ້ນໃນ ອັຟການິສຖານ.

ກຸ່ມຕາລິບານ ບໍ່ໄດ້ຮັບຮູ້ລັດຖະບານ ການີ ວ່າຖືກຕ້ອງຕາມກົດໝາຍ ແລະ ໄດ້ປະຕິເສດການສະເໜີທີ່ວ່ານັ້ນ.

ອ່ານຂ່າວນີ້ເປັນພາສາອັງກິດ

XS
SM
MD
LG