ອົງການແພດບໍ່ມີພົນແດນ ຫລື Doctor Without Borders
ຈະເລີ້ມສັກຢາແບບທົດລອງໃນອາຟຣິກາຕາເວັນຕົກເພື່ອທົດ
ສອບປະສິດທິຜົນຂອງຢາ 3 ຊະນິດ ທີ່ອາດນຳໃຊ້ໃນການປິ່ນ
ປົວອີໂບລາ.
ອົງການດັ່ງກ່າວໄດ້ປະກາດໃນວັນພະຫັດມື້ນີ້ວ່າ ຕົນຫວັງວ່າ
ຈະເລີ້ມທຳການທົດລອງ ໃນເດືອນໜ້ານີ້ ຊຶ່ຈະໄດ້ຜົນສະຫຼຸບ
ຂັ້ນທຳອິດ ໃນເດືອນກຸມພາທີ່ຈະມາເຖິງນີ້.
ອົງການແພດບໍ່ມີພົມແດນ ໄດ້ປະສານງານກັບອີກ 3 ອົງການ
ເພື່ອທຳການທົດລອງຕ່າງ າກ ຊຶ່ງການທົດລອງສອງຢ່າງນັ້ນ
ຈະເປັນພວກຢາຕໍ່ຕ້ານເຊື້ອໄວຣັສ.
ສະຖາບັນຄົ້ນຄວ້າອະນາໄມແລະການແພດແຫ່ງຊາດຝຣັ່ງ ຈະທຳການທົດສອບຢາທີ່ເອີ້ນວ່າ “favipiravir” ທີ່ສູນກາງປິ່ນປົວໂຣກອີໂບລາຢູ່ Guinea. ມະຫາວິທະຍາໄວ Oxford ຂອງອັງກິດຈກໍະທົດລອງຢາອີີກຊະນິດນຶ່ງ ຊຶ່ງເອີ້ນວ່າ “brincidofovir” ຢູ່ ສະຖານທີ່ ທີ່ຍັງບໍ່ທັນມີການກຳນົດເທື່ອ.
ໃນການທົດລອງສຸດທ້າຍນັ້ນ ແມ່ນສະຖາບັນຢາເຂດຮ້ອນ Antwerp ຈະທົດລອງເບິ່ງວ່າ ພວກຄົນປ່ວຍທີ່ເປັນອີໂບລາ ຕອບຮັບແບບໃດໃນຂະນະທີ່ໄດ້ຮັບເລືອດຫຼືພລາສມາ ທີ່ມີ ພູມຕໍ່ຕ້ານພະຍາດຂອງພວກຜູ້ປ່ວຍທີ່ລອດຊີວິດມາຈາກໂຣກອີໂບລານັ້ນ.
ອົງການແພດບໍ່ມີພົມແດນກ່າວວ່າ ພວກຄົນປ່ວຍທັງຫຼາຍ ທີ່ເຂົ້າຮ່ວມການທົດລອງເຫຼົ່ານີ້ ຈະຖືກແຈ້ງໃຫ້ຊາບ ກ່ຽວກັບຄວາມສ່ຽງທີ່ອາດມີຂຶ້ນ ແລະການຍິນຍອມເພື່ອເຂົ້າຮັບການ ປິ່ນປົວ.
ເບິ່ງວີດີໂອ ກ່ຽວຂ້ອງ:
