ບັນດາເຈົ້າໜ້າທີ່ ໃນອິນໂດເນເຊຍ ກ່າວວ່າ ພວກນັກດຳນ້ຳ
ໄດ້ນຳເອົາເຄື່ອງບັນທຶກຂໍ້ມູນການບິນ ຂຶ້ນມາໄດ້ ຈາກເຮືອບິນ
ໂດຍສານ AirAsia ຖ້ຽວບິນ 8501 ທີ່ຕົກນັ້ນ ແລະ ໄດ້ກວດພົບ
ສະຖານທີ່ ຂອງເຄື່ອງບັນທຶກສຽງຫ້ອງຄວບຄຸມເຮືອບິນອີກດ້ວຍ.
ຫຼາຍໆຊົ່ວໂມງຕໍ່ມາ ພວກນັກດຳນ້ຳ ໄດ້ພົບເຫັນສະຖານທີ່ຂອງ
ເຄືອງບັນທຶກສຽງຫ້ອງຄວບຄຸມເຮືອບິນ ແຕ່ບໍ່ສາມາດນຳເອົາມັນ
ຂຶ້ນມາໄດ້ ໃນທັນທີເທື່ອ ຍ້ອນວ່າມັນຄາຢູ່ພາຍໃຕ້ຊາກຫັກພັງ
ຂອງເຮືອບິນທີ່ໜັກຫຼາຍ.
ການນຳຂຶ້ນມາໄດ້ເຄື່ອງບັນທຶກຕ່າງໆ ແມ່ນແນ່ນອນວ່າມີຄວາມ
ສຳຄັນ ໃນການຮຽນຮູ້ ເຖິງສາເຫດທີ່ເຮືອບິນຕົກ ເມື່ອວັນທີ 28 ທັນວາ ທີ່ເຮັດໃຫ້ຜູ້
ໂດຍສານ ພ້ອມດ້ວຍພະນັກງານການບິນທັງໝົດ 162 ຄົນຢູ່ໃນເຮືອບິນເສຍຊີວິດ.
ເອົາເຄື່ອງບັນທຶກຂໍ້ມູນ ຂອງເຮືອບິນ AirAsia ຂຶ້ນມາໄດ້
ເຮືອບິນໂດຍສານລຸ່ນ Airbus 320 ໄດ້ຫາຍສາບສູນໄປຈາກຈໍເຣດ້າ ເທິງນານຟ້າ ທາງ
ພາກເໜືອຂອງທະເລຈາວາ ຫຼັງຈາກທີ່ບິນຂຶ້ນໄປໄດ້ພຽງຕ່ຳກວ່າເຄິ່ງທາງ ຂອງຖ້ຽວບິນ
ທີ່ໃຊ້ເວລາສອງຊົ່ວໂມງ ຈາກເມືອງສຸຣາບາຢາ ຊຶ່ງເປັນຫົວເມືອງໃຫຍ່ອັນດັບສອງ ຂອງ
ອິນໂດເນເຊຍ ໄປຫາສິງກະໂປ.
Authorities in Indonesia say divers have retrieved the flight data recorder from downed AirAsia Flight 8501 and have located the cockpit voice recorder.
Hours later, divers located the cockpit voice recorder, but it could not be immediately recovered because it was wedged under heavy wreckage.
The recovery of the flight recorders is likely to be critical in learning why the aircraft went down on December 28, killing all 162 people onboard.
The Airbus 320 vanished from radar screens over the northern Java Sea less than halfway into a two-hour flight from Indonesia's second-biggest city of Surabaya to Singapore.
