ຖ້ຽວບິນຂອງສາຍການບິນມາເລເຊຍ ໄປຍັງນະຄອນກົວລາລຳເປີ ໄດ້ລົງຈອດ ຢ່າງ
ປອດໄພທີ່ນະຄອນ Melbourne ບ່ອນທີ່ເຮືອບິນລຳດັ່ງກ່າວໄດ້ບິນຂຶ້ນ ຫລັງຈາກຜູ້
ໂດຍສານໄດ້ພະຍາຍາມທີ່ຈະເຂົ້າໄປໃນບ່ອນຄົນຂັບໃນຕອນແລງຂອງວັນພຸດວານ
ນີ້.
ສຽງບັນທຶກທີ່ຫໍຄວບຄຸມການບິນ ນຳອອກເຜີຍແຜ່ ທາງອິນເຕີແນັດ ສາມາດໄດ້ຍິນ
ສຽງຜູ້ຊາຍທີ່ກ່າວວ່າ ຜູ້ໂດຍສານຄົນນຶ່ງ “ທີ່ອ້າງວ່າມີລະເບີດໄດ້ພະຍາຍາມຈະເຂົ້າ
ໄປໃນຫ້ອງຄົນຂັບ ໄດ້ຖືກສະກັດກັ້ນໄວ້ໂດຍຜູ້ໂດຍສານຄົນອື່ນໆ.”
ຜູ້ໂດຍສານທີ່ສ້າງຄວາມວຸ້ນວາຍ ຊຶ່ງເປັນຄົນສຣີລັງກາເປັນທີ່ປາກົດວ່າໄດ້ເມົາເຫຼົ້າ
ແລະກ່າວອ້າງວ່າ ລາວມີລະເບີດ ແຕ່ມັນແມ່ນເຄື່ອງສາກ ຖ່ານໄຟສາຍ ອີງຕາມຄຳ
ເວົ້າຂອງຮອງລັດຖະມົນຕີຂົນສົ່ງມາເລເຊຍທ່ານ Abdul Kaprawi ທີ່ກ່າວຕໍ່ອົງການ
ຂ່າວຝຣັ່ງ.
ຜູ້ໂດຍສານຄົນນັ້ນໄດ້ຖືກຄວບຄຸມຕົວໄວ້ທີ່ສະໜາມບິນ ແລະເຫດການດັ່ງກ່າວຈະ
ຖືກສືບສວນໂດຍເຈົ້າໜ້າທີ່ອອສເຕຣເລຍ ພ້ອມກັບສາຍການບິນມາເລເຊຍ ນັ້ນຄື
ຄຳເວົ້າຂອງບໍລິສັດສາຍການບິນມາເລເຊຍ ຊຶ່ງໄດ້ກ່າວຂໍໂທດໃນຄວາມບໍ່ສະດວກ.
ຖະແຫຼງການທີ່ນຳອອກເຜີຍແຜ່ໂດຍສານການບິນເວົ້າວ່າ “ສາຍການບິນມາເລເຊຍ
ຂໍກ່າວຢ້ຳວ່າ ບໍ່ມີເວລາໃດທີ່ເຮືອບິນລຳດັ່ງກ່າວໄດ້ຖືກຈີ້.” ແຕ່ທາງສາຍການບິນກໍບໍ່
ໄດ້ໃຫ້ລາຍລະອຽດຫຍັງຕື່ມ ກ່ຽວກັບເຫດການດັ່ງກ່າວ.
ທັງຖ້ຽວບິນຂາເຂົ້າແລະຂາອອກ ຢູ່ທີ່ສະໜາມບິນ ນະຄອນ Melbourne ຕ່າງກໍໄດ້
ຖືກລົບກວນໄປຕາມໆກັນ.
