ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການພົບເຫັນ ກຳປັ່ນຈີນ ຫຼາຍຂຶ້ນ ຈະເພີ້ມ ຄວາມກົດດັນ ຕໍ່ລັດຖະບານ ມາເລເຊຍ


ນາຍົກລັດຖະມົນຕີມາເລເຊຍ ທ່ານ Najib Razak ຖືພວງດອກ ໄມ້ ໃນຂະນະທີ່ເດີນທາງໄປເຖິງ ນະຄອນນິວແດນລີ ປະເທດ ອິນເດຍ.
ນາຍົກລັດຖະມົນຕີມາເລເຊຍ ທ່ານ Najib Razak ຖືພວງດອກ ໄມ້ ໃນຂະນະທີ່ເດີນທາງໄປເຖິງ ນະຄອນນິວແດນລີ ປະເທດ ອິນເດຍ.

ການ​ພົບ​ເຫັນ ​ກິດຈະກຳ​ໃໝ່ທີ່​ມີ​ຂຶ້ນຊ້ຳ​ແລ້ວ​ຊ້ຳ​ອີກ ຂອງໜ່ວຍ​ຍາມ​ຝັ່ງ​ຈີນ ​ໃນເຂດ
ທ​ະ​ເລ ທີ່ອ້າງ​ເອົາກຳມະສິດໂດຍ​ມາ​ເລ​ເຊຍ ໄດ້​ພາ​ໃຫມີຄວາມ​ກົດ​ດັນເພີ່ມ ຂຶ້ນຂອງ​
ປະ​ຊາຊົນຕໍ່ລັດຖະບານ​ມາ​ເລ​ເຊຍທີ່​ຕັ້ງຢູ່​ໃນ​ເຂດ​ເອ​ເຊຍ​ອາຄະ​ເນ ​ເພື່ອໃຫ້ຕ້ານຢັນ​
ຈີນ ​ແຕ່​ວ່າ​ຈະ​ບໍ່ສ້າງ​ບັນຫາຮ້າ​ຍ​ແຮງ​ຕຕໍ່ຄວາມ​ສຳພັນ.

ກຳ​ປັ່ນ​ຍາ​ມຝັ່ງ​ສາມ​ລຳຂອງ​ຈີນ ​ໄດ້​ລາດຕະ​ເວນ​ຢູ່ໃນ​ເຂດນ່ານນໍ້າ​ນອກ​ຊາຍ​ຝັ່ງ​ຂອງ
​ເກາະ Borneo ປະ​ເທດມ​າ​ເລ​ເຊຍ ​ເປັນ​ເວລາ 60 ມື້ ແຕ່ເດືອນ​ທັນວາ ຫາ​ທ້າຍ​ເດືອນ​
ກຸມພາອີງ​ຕາມອົງການລິ​ເລີ່​ມວ່າ​ດ້ວຍ​ຄວາມ​ໂປ່​ງ​ໃສ​ໃນ​ການ​ເດີນ ​ເຮືອ​ເຂດເອ​ເຊຍ
ພາຍໃຕ້ສະ​ຖາ​ບັນ​ວິໄຈ​ສະຫະລັດ ທີ່​ສູ​ນກາງຍຸດ​ທະ​ສາດແລະ ການ​ສຶກສາ​ສາກົນ
ກ່າວ​ໃນ​ເດືອນ​ນີ້.

ການ​ຄົ້ນ​ພົບ​ດັ່ງກ່າວ ​ຈະ​ເພີ້​ມຄວາມ​ກົດ​ດັນ​ຂອງ​ປະຊາຊົນ​ຕໍ່​ລັດຖະບານ​ມາ​ເລ​ເຊຍ
ຂອງ​ນາຍົກລັດຖະມົນຕີ Najib Razak ໃຫ້​ຕໍ່ຕ້ານ​ຈີນ​ເພີ່ມ​ຂຶ້ນ ນັ້ນຄື ການ​ຄາດໝາຍ​
ຂອງພວກ​ນັກວິ​ເຄາະ.

ນະຄອນກົວລາລຳເປີ ປະເທດມາເລເຊຍ.
ນະຄອນກົວລາລຳເປີ ປະເທດມາເລເຊຍ.

ທ່ານ Collin Koh ນັກ​ຄົ້ນຄວ້າດ້ານຄວາມ​ໝັ້ນຄົງ​ເລື່ອງ​ນ່ານນໍ້າ ທີ່​ມະຫາວິ ທະຍາ
​ໄລ​ເທັກ​ໂນໂລ​ຈີ Nayang ​ໃນ​ສິງກະ​ໂປ ກ່າວ​ວ່າ “ຂ້າພ​ະ​ເຈົ້າ​ຄິດວ່າ​ແນ່ນອນ​ ນີ້​ເປັນ
​ບັນຫາ​ທີ່​ຈະ​ກາຍ​ມາເຮັດ​ໃຫ້​ປະຊາຊົນ​ບໍ່ພໍ​ໃຈ​ກັບ ທ່ານ Najib.”

ທ່ານ Koh ກ່າວ​ອີກ​ວ່າ “ທ່ານ​ບໍ່​ຕ້ອງການ​ຢາກ​ເອົາ​ນະ​ໂຍບາຍ​ຕ່າງປະ​ເທດ ຢູ່​ກາງ​ເວ
ທີ ​ເພາະວ່າ​ນີ້​ຈະ​ກາຍ​ມາ​ເປັນ​ບັນຫາ ​ໂດຍ​ສະ​ເພາະ ທີ່​ທ່ານ​ຈະ​ເຫັນ​ວ່າ​ຍາກ​ທີ່​ຈະ​ແກ້
​ໄຂ​ໄດ້.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG