ນັກການທູດອາວຸໂສຂອງຣັດເຊຍກ່າວວ່າ ກະຊວງການຕ່າງປະເທດ ແລະກະ ຊວງຍຸຕິທຳຂອງຣັດເຊຍ ໄດ້ບອກກັບປະທານາທິບໍດີ ວລາດີເມຍ ປູຕິນ ວ່າ ກຸ່ມຕາລີບານ ທີ່ປົກຄອງປະເທດອັຟການິສຖານ “ສາມາດຖືກລົບລ້າງອອກຈາກບັນຊີລາຍຊື່ອົງການກໍ່ການຮ້າຍທີ່ກຳນົດໂດຍ ມົສກູ ໄດ້.
ທ່ານ ຊາເມຍ ກາບູລັອຟ (Zamir Kabulov) ທູດພິເສດຂອງປະທານາທິບໍດີ ປະຈຳ ອັຟການິສຖານ ກ່າວຕໍ່ອົງການຂ່າວ TASS ຂອງລັດ ໃນວັນຈັນວານ ນີ້ວ່າ ການຍົກເລີກລາຍຊື່ດັ່ງກ່າວຈະເຮັດໃຫ້ມົສກູ ສາມາດຕັດສິນໃຈໄດ້ວ່າ ຈະຮັບຮູ້ລັດຖະບານຕາລີບານຫຼືບໍ່.
ໄດ້ມີການອ້າງເຖິງຄຳເວົ້າຂອງທ່ານທີ່ກ່າວວ່າ "ຖ້າບໍ່ມີສິ່ງນີ້ ກໍຄືການຍົກ ເລີກການຫ້າມກຸ່ມຕາລີບັນ, ມັນກໍຈະໄວກ່ອນເກີນໄປທີ່ຈະເວົ້າເຖິງການຮັບຮູ້." “ດັ່ງນັ້ນ, ການດຳເນີນການກ່ຽວກັບບັນຫານີ້ຈະດຳເນີນຕໍ່ໄປ. ການພິຈາລະນາ ທັງໝົດ ໄດ້ຖືກລາຍງານຕໍ່ຜູ້ນຳສູງສຸດຂອງຣັດເຊຍ. ພວກເຮົາກຳລັງລໍຖ້າ ການຕັດສິນໃຈຢູ່."
ນອກຈາກນີ້, ອົງການຂ່າວ TASS ຍັງໄດ້ອ້າງຄໍາເວົ້າຂອງລັດຖະມົນຕີຕ່າງປະ ເທດຣັດເຊຍທ່ານ ເຊີເກ ລາວຣອຟ (Sergey Lavrov) ໃນວັນຈັນວານນີ້ວ່າ ກຸ່ມຕາລີບານແມ່ນ "ອໍານາດທີ່ແທ້ຈິງ" ໃນອັຟການິສຖານ ແລະວ່າການລົບ ລ້າງກຸ່ມດັ່ງກ່າວອອກຈາກບັນຊີລາຍຊື່ຂອງອົງການຈັດຕັ້ງທີ່ຖືກຫ້າມຂອງມົສກູ ສະທ້ອນໃຫ້ເຫັນເຖິງ "ຄວາມເປັນຈິງຂອງວັດຖຸປະສົງ."
ຣັດເຊຍໄດ້ກຳນົດໃຫ້ກຸ່ມຕາລີບານ ເປັນອົງການກໍ່ການຮ້າຍຢ່າງເປັນທາງການໃນປີ 2003, ເມື່ອກຸ່ມຫົວຮຸນແຮງດັ່ງກ່າວ ໄດ້ສ້າງຄວາມບໍ່ສະຫງົບທີ່ຮ້າຍແຮງຕໍ່ສະຫະລັດ ແລະກອງກຳລັງພັນທະມິດໃນອັຟການີສະຖານ.
ພວກກະບົດນັ້ນໄດ້ກັບຄືນສູ່ການກຳອຳນາດຢ່າງວ່ອງໄວ ໃນວັນທີ 15 ສິງຫາ 2021, ແລະໄດ້ສ້າງຕັ້ງລັດຖະບານຕາລີບານ ທີ່ເປັນຜູ້ຊາຍເທົ່ານັ້ນ ໃນຂະນະ ທີ່ກອງກຳລັງທະຫານຕ່າງປະເທດທີ່ນຳພາໂດຍສະຫະລັດ ໄດ້ຖອນຕົວອອກ ຈາກອັຟການິສຖານ.
ຟໍຣັມສະແດງຄວາມຄິດເຫັນ