ລິ້ງ ສຳຫລັບເຂົ້າຫາ

site logo
ວັນອັງຄານ, 17 ພຶດສະພາ 2022

ເຕ້ນເອໂຣບິກກັບຍົກນໍ້າໜັກ ຊ່ວຍຫລຸດຜ່ອນ ໂຣກເບົາຫວານໄດ້


Harold Osife, ອາຍຸ 37 ປີ, ເປັນຜູ້ມີນໍ້າໜັກໄດ້ 384 ປອນ ຍ່າງອອກກໍາລັງກາຍໂດຍໃຊ້ເຄື່ອງຈັກຍ່າງ ຢູ່ສະຖານອອກກໍາລັງກາຍ Gila River ຂອງຊົນເຜົ່າອິນເດຍຂອງໂຮງໝໍເພື່ອການຮັກສາສຸຂະພາບ ໃນເມືອງ Sacaton, ລັດອາຣີໂຊນາ ແລະຖືກວິນິໃສວ່າເປັນພະຍາດເບົາຫວານ ໃນ 10 ປີກ່ອນ. ແຕ່ພາຍຫລັງມ

ອົງການ​ອະນາ​ໄມ​ໂລກ​ ຫລື WHO ກ່າວ​ວ່າ​ໂຣກ​ເບົາຫວານ ​ເປັນ​ໄພ​ຂົ່ມຂູ່​ຂະໜານ​ໃຫຍ່ ຕໍ່ສາທາລະນະ​ສຸກຂອງ​ໂລກ ​ແລະ​ກໍ​ກໍາລັງ​ຮ້າຍ ແຮງຂຶ້ນ​ນັບ​ມື້. ​ແຕ່​​ເຖິງ​ຢ່າງ​ໃດ​ກໍ​ຕາມ ​ໂຣກ​ເບົາຫວານ​ປະ​ເພດ 2 ທີ່ຜູ້ຄົນມັກ​ເປັນກັນ​ຢ່າງ​ຫລວງຫລາຍ​ນັ້ນ ສາມາດ​ຄວບ​ຄຸມ​ໄດ້ ​ໂດຍ ການ​ກິນ​ອາຫານທີ່​ພາ​ໃຫ້​ມີ​ສຸຂະພາບ​ດີ ​ແລະກາ​ນອອກກຳລັງ​ກາຍ. ການ​ສຶກສາຄົ້ນ ຄວ້າ​ຫວ່າງໝໍ່ໆມານີ້ ​ໄດ້​ສະ​ແດງ​ໃຫ້​ເຫັນ​ວ່າ ການ​ອອກກຳລັງກາຍປະ​ເພດ​ເຕັ້ນ​ເອ​ໂຣບິ​ກ ປະສົມປະສານ​ກັບການ​ອອກກຳລັງ​ກາຍ ​ແບບ​ເຮັດ​​ໃຫ້​ກ້ອນຊີ້ນ​ເຄັ່ງ​ຂຶ້ນ ​ເຊັ່ນການ​ຍົກ​ນໍ້າ ໜັກນັ້ນ ສາມາດ​ປັບປຸງ​ລະດັບນ້ຳຕານ​ໃນ​ເລືອດ​ ​ແລະເຮັດ​ໃຫ້ນ້ຳໜັກຂອງພວກ​ເປັນ​ ໂຣກ​ເບົາຫວານປະ​ເພດ​ສອງ​ ລຸດ​ລົງ​ໄດ້.

ນາຍ Preston Swanson ​ແມ່ນຖື​ວ່າ ​ມີ​ລັກ​ສະ​ນະ​ຂອງ
ຄົນ​ເປັນໂຣກ ເບົາຫວານປະ​ເພດ 2 ໄດ້ດີ. ​ເມື່ອກ່ອນ
ລາວ​ມີ​ແຕ່​ກາງ​ຕໍ່ອາ​ໃສນໍາການ​ກິນ​ຢາ​ເປັນຫລັກ ເພື່ອ
ຮັກສາລະ​ດັບ​ນ້ຳຕານ​ໃນ​ເລືອດ​ໃຫ້​ຢູ່​ໃນລະດັບ​ທີ່​ສາ
ມາດ​ຄວບ​ຄຸມໄດ້ ​ແລະກໍ​ບໍ່​ໄດ້​ສົນ​ໃຈ​ທີ່ຈະ​ອອກກຳລັງ​
ກາຍ​ແບບ​ປົກ ກະ​ຕິ​ໃຫ້​ເປັນ​ລະບົບປະຈຳ​ເລີຍ. ນາຍ Swanson ​ເວົ້າວ່າ:

ລະດັບ​ຄໍແຣັສເຕີຣອນ, ລະດັບ​ໄຂມັນ​ໃນ​ເລືອດ, ຄວາມດັນ​ເລື​ອດ, ​ແລະລະດັບ​ນໍ້າຕານ ທຸກ​ສິ່ງ​ທຸກ​ຢ່າງ​ຂອງ​ຂ້ອຍຕອນ​ນັ້ນ ​ແມ່ນ​ບໍ່​ເປັນ​ປົກກະຕິ​ຫຍັງໝົດ”.

ມູນ​ນິທິໂຣກເບົາຫວານສາກົນ ຫລື International Diabetes Foundation ​ເວົ້າວ່າ ມີ​ການປະ​ເມີນ​ກັນ​ວ່າ ມີ​ຄົນເປັນໂຣກເບົາ ຫວານ ປະມານ 285 ລ້ານ​ຄົນ​ຢູ່​ໃນທົ່ວ​ໂລກ ໂດຍ​ມີ​ຫລາຍ​ກ່ວາ​ໝູ່ ຢູ່ທີ່ປະ​ເທດອິນ​ເດຍ ​ແລະ ຈີນ​.

ຍິງຄົນນີ້ວັດແທກລະດັບ ນໍ້າຕານໃນເລືອດຂອງລາວ
ຍິງຄົນນີ້ວັດແທກລະດັບ ນໍ້າຕານໃນເລືອດຂອງລາວ

ໂຣກ​ເບົາ​ຫວານ​ມີ 2 ປະ​ເພດ​. ປະ​ເພດ​ທີນຶ່ງ
ຫລື Type One ເກີດ​ຂຶ້ນເມື່ອ​ມ້າ​ມບໍ່ສາມາດ
ຜະຫລິດທາດອິນ​ຊູ​ລິນ​ໄດ້​ພຽງພໍ. ສ່ວນໂຣກ
ເບົາຫວານປະ​ເພດ 2 ຫລື Type Two
ນັ້ນ ​ແມ່ນ​ມັກ​ກວດ​ພົບຢູ່​ນຳ​ພວກຄົນ​ເຈັບ​ທີ່
ຮ່າງກາຍບໍ່ສາມາດ​ນຳ​ໃຊ້ທາດອິນ​ຊູ​ລິນທີ່
ມ້າມ ​ຜະຫລິດອອກ​ມານັ້ນ​ໄດ້ຢ່າງ​ມີ​ປະສິດ
ທິ​ຜົນ​. ອົງການ​ອະນາ​ໄມ​ໂລກ​ ຫລື WHO
ກ່າວ​ວ່າ​ 90 ສ່ວນ​ຮ້ອຍ​ຂອງຄົນ​ເປັນໂຣກ
ເບົາຫວານ ​ແມ່ນ​ຖືກ​ຈັດ​ຢູ່​ໃນ​ປະ​ເພດ 2
ແລະອາການ​ຂອງ​ເຂົາ​ເຈົ້າ​ກໍມັກ​ຈະ​ເພີ້ມ
ຄວາມຮ້າຍ​ແຮງຂຶ້ນ ​ຖ້າເຂົາ​ເຈົ້າ​ອວ້ນພີ
ມີນ້ຳໜັກຫລາຍ​ເກີນ​ຄວນ ​ແລະ ບໍ່ມັກ
ເຄື່ອນ​ໄຫວໄປມາ​ຢູ່​ເລື້ອຍປານໃດ.

ດັ່ງ​ດຽວກັບຄົນອື່ນໆ ທີ່​ເປັນໂຣກ​ເບົາຫວານຫລາຍໆຄົນ, ​ໂຣກ​ເບົາ ຫວານ​ຂອງນາຍ Swanson ​ກໍາລັງ​ກ້າວ​ໄປ​ສູ່ຄວາມ​ຮ້າຍ​ແຮງ ​ເວລາ ລາວ​ໄປ​ຈົດ​ຊື່​ເຂົ້າຮ່ວມ ​ໂຄງການ​ສຶກສາຄົ້ນຄວ້າ​ອັນ​ນຶ່ງ ທີ່​ດຳ​ເນີນ​ການ​ໂດຍ Dr. Timothy Church ຈາກສູນ​ກາງຊີວະ​ການ​ແພດ Pennington. ທ່ານ Dr. Church ​ແລະ ​ເພື່ອນຮ່ວມງານຂອງ​ທ່ານ ​ໄດ້​ທຳ​ການ​ສຶກສາ​ເບິ່ງຄົນ​ເຈັບ ​ຫລາຍ​ກວ່າ 260 ຄົນ ທີ່​ໄດ້​ຖືກ​ວິນິດ​ໄສ​ພະຍາດວ່າເປັນໂຣກ​ເບົາຫວານປະ​ເພດ 2 ທີ່​ທໍາ​ການອອກກຳລັງ​ກາຍໜ້ອຍ ຫລື ບໍ່​ໄດ້​ອອກກຳລັງ​ກາຍ​ເລີຍ ​ແລະກໍເປັນ​ຜູ້​ທີ່ມີລະດັບ​ນ້ຳຕານ​ໃນ​ເລືອດ​ ສູງ​ຜິດ​ປົກກະຕິ.

ທ່ານ Dr. Church ​ແລະບັນດາຜູ້ຮ່ວມຂຽນບົດ​ຄົ້ນຄວ້າ​ຂອງ​ທ່ານ​ໄດ້​ຈັດພວກ​ເຂົ້າຮ່ວມ
ການຄົ້ນຄວ້າ ​ອອກເປັນ 3 ກຸ່ມທີ່​ມີ​ການ​ອອກກຳລັງ​ກາຍ​ໃນ​ 3 ​ແບບດ້ວຍ​ກັນ ຄື​ກຸ່ມ
ພວກ​ທີ່​ມັກຍ່າງ, ກຸ່ມຍົກ​ນ້ຳໜັກ, ​ແລະ ກຸ່ມທີ່​ອອກກຳລັງ​ກາຍ​ແບບ ເຕ້ນເອ​ໂຣບິ​ກ ປະ
ສົມກັບ​ການ​ຍົກນ້ຳໜັກຊຶ່ງ​ທ່ານ​ອະທິບາຍ​ຜົນ​ຂອງ​ການ​ຄົ້ນ​ຄ້ວາ​ວ່າ.

ການຍ່າງອອກກໍາລັງກາຍ ສາມາດມີສ່ວນຊ່ວຍໃຫ້ ພະຍາດເບົາຫວານຫລຸດ ລົງໄດ້.
ການຍ່າງອອກກໍາລັງກາຍ ສາມາດມີສ່ວນຊ່ວຍໃຫ້ ພະຍາດເບົາຫວານຫລຸດ ລົງໄດ້.

“ການຍົກນໍ້າໜັກ ຊ່ວຍຄວບຄຸມນໍ້າຕານໃນເລືອດ
ໄດ້ໜ້ອຍນຶ່ງການ ຍ່າງກໍຊ່ວຍໄດ້​ໜ້ອຍ​ນຶ່ງແຕ່
ການອອກກໍາລັງກາຍທັງສອງຢ່າງນີ້ປະສົມກັນ
ແມ່ນກໍມີຜົນຮ່ວມກັນ​ແລະກໍ​ຊ່ວຍຄວບຄຸມນໍ້າ
ຕານ ໃນເລືອດໄດ້ ຫລາຍທີ່ສຸດ.”

Dr. Church ​ເວົ້າອີກ​ວ່າ ກຸ່ມ​ທີ່​ອອກກຳລັງ​ກາຍ​ທັງ​ສອງ
ຢ່າງປະສົມ ກັນນັ້ນ ​ໄດ້​ເຮັດ​ໃຫ້​ໄຂມັນ​ໃນຮ່າງກາຍ​ຫລຸດ
ລົງ​ຫລາຍ​ທີ່​ສຸດ ຄື​ປະມານ 2 ກິ​ໂລ​ເຄິ່ງ ​ແລະ ​ກ້າມຊີ້ນກໍ
ບໍ່​ໄດ້​ແຮ່ວລົງ​ແຕ່​ຢ່າງໃດ. ​ແລະ ທ່ານ​ກ່າວ​ວ່າກ້າມຊີ້ນັ້ນ
ແຫລະ ​ເປັນ​ປະ​ເດັນ​ທີ່​ຄວບ​ຄຸມ​ລັະດັບ​ນ້ຳຕານ​ໃນ​ເລືອດ
ໃນພວກ​ໝູ່​ຄົນທີ່​ເປັນ​ໂຣກ​ເບົາຫວານ​ທັງຫລາຍ.

ພ້ອມ​ດຽວກັນນັ້ນ ກໍ​ມີ​ຂ່າວ​ດີ​ຫລາຍ​ກວ່ານັ້ນອີກ ຄືໃນລະຫວ່າງການ​ສຶກສາຄົ້ນຄວ້າ​ທີ່​ດຳ
ເນີນ​ໄປ​ເປັນ​ເວລາ 9 ​ເດືອນ​ນັ້ນ ກໍ​ໄດ້​ພົບ​ວ່າ ພວກ​ຄົນ​ໃນກຸ່ມ​ທີ່​ອອກກຳລັງ​ກາຍ​ແບບ​ປະ
ສົມ​ປະສານ​ກັນນັ້ນ ຍັງ​ໄດ້​ຫລຸດຈຳນວນ​ຢາ​ທີ່​ພວກ​ເຂົາ​ເຈົ້າ​ເຄີຍກິນມາ​ກ່ອນນັ້ນ ລົງນຳ​ອີກ.

ການຍົກນໍ້າໜັກທີ່ເຮັດ ປະສົມກັບຍ່າງ ຫລື ແລ່ນນັ້ນສາມາດຊ່ວຍ ຫລຸດຜ່ອນພະຍາດ ເບົາຫວານໄດ້.
ການຍົກນໍ້າໜັກທີ່ເຮັດ ປະສົມກັບຍ່າງ ຫລື ແລ່ນນັ້ນສາມາດຊ່ວຍ ຫລຸດຜ່ອນພະຍາດ ເບົາຫວານໄດ້.

ນາຍ Preston Swanson ​ທີ່​ປະກອບສ່ວນ​ໃນ​ການ​ຄົ້ນ
ຄວ້າ​ດັ່ງກ່າວ ເວົ້າວ່າການ​ອອກກຳລັງ​ກາຍ 140 ນາທີ
ຫລື 2 ຊົ່ວ​ໂມງ​ກັບ 20 ນາທີຕໍ່ອາທິດແມ່ນ​ໄດ້ປ່ຽນ​ແປງ
ຊີວິດ​ຂອງ​ລາວ ຊຶ່ງລາວ​ເວົ້າວ່າ:

"ຜົນ​ດີ​ໂດຍ​ລວມຂອງ​ການ​ອອກກຳລັງ​ກາຍ ກໍ​ຄື​ວ່າ
ບັດ​ນີ້ຂ້ອຍ​ກໍ​ຈະມີ​ໂອກາດ​ໄດ້​ຢູ່​ນໍາ​ຄອບ​ຄົວຂອງ​ຂ້ອຍ
ຕໍ່​ໄປ​ອີກ​ດົນ
."
ທ່ານ​ສາມາດ​ຊອກ​ອ່ານ ລາຍ​ງານ​ການ​ສຶກສາ​ຄົ້ນຄວ້ານີ້​ໄດ້ ຢູ່​ໃນວາ​ລະ​ສານ​ສະມາຄົມ​ການແພດ​ອາ​ເມຣິກັນ ຫລື the American Medical Journal.

XS
SM
MD
LG