ສະບາຍດີ ທ່ານແຟນລາຍການຊີວິດຊາວລາວໃນຕ່າງແດນ ໃນຊ່ວງຫຼັງໆຜ່ານມານີ້ ທາງ
ປະຊາຄົມລາວໃນຕ່າງແດນບໍ່ວ່າ ຈະຢູ່ສະຫະລັດ ຝຣັ່ງ ຫຼືທີ່ໃດໆໃນໂລກ ກໍມັກຈະຈັດໃຫ້
ມີການຮວມຕົວພົບປະສົງສັນພົບພໍ້ກັນຂຶ້ນຢູ່ຕໍ່ເນື່ອງຢ່າງບໍ່ໄດ້ຂາດ ຊຶ່ງມື້ນີ້ ວັນນະສອນໄດ້
ໂອ້ລົມກັບປະທານແລະທີ່ປຶກສາຂອງຄະນະທັນຕະແພດລາວ ດັ່ງບົດສໍາພາດຕໍ່ໄປນີ້.
/ສໍາພາດທ່ານ ໄຂ່ ພິວິໄລ/
ແມ່ນຕົ້ນຕໍ ແມ່ນມາຈາກ
ຂ້າພະເຈົ້າເອງ ທີ່ໄດ້ລົມ
ໝູ່ຄູ່ທັນຕະແພດນັ້ນ ເຮົາ
ຈະເຮັດຈັງໃດຊິໄດ້ພົບພໍ້
ໝູ່ຄູ່ ແລະຈຸດປະສົງໃນ
ງານນີ້ ກໍແມ່ນວ່າ ແມ່ນ
ການເຕົ້າໂຮມ ຢາກພົບພໍ້
ຖາມຂ່າວຄາວການເປັນຢູ່
ຄວາມທຸກສຸກ ສ້າງຄວາມ
ສາມັກຄີ ນໍາທ່ານອາຈານ
ສອນ ນໍາໝູ່ເພື່ອນສະຖາບັນ
ແພດສາດ ທຸກໆພະແນກ
ທຸກຮຸ່ນທີ່ໄດ້ພັດພາກຈາກກັນ
ມາເປັນເວລາ 30 ປາຍປີ ທີ່ໄດ້ຕົກຢູ່ທຸກແຫ່ງຫົນ ທຸກທະວີບ ລະການຊອກຫາໝູ່ຄູ່
ການກະກຽມມານີ້ ກໍເປັນເວລາປີປາຍແລ້ວ..."
ບຸກຄົນສໍາຄັນອີກທ່ານນຶ່ງ ທີ່ຖືວ່າເປັນຄູບາອາຈານ, ເປັນຜູ້ຫຼັກຜູ້ໃຫຍ່ທີ່ເຄີຍສິດສອນ
ຄະນະທັນຕະແພດທີ່ມະຫາວິທະຍາໄລແພດສາດທີ່ລາວ ກ່ອນປ່ຽນແປງການປົກຄອງນັ້ນ
ກໍຄື ທ່ານດອກເຕີ ເຈົ້າ ສີສຸພັນ ມະໂນຣົດ ໃນຖານະທີ່ປຶກສາ ກໍຍັງໄດ້ກ່າວເຖິງການ
ຈັດໃຫ້ມີຂຶ້ນຂອງງານຄັ້ງນີ້ດ້ວຍ ຊຶ່ງທ່ານກ່າວຊີ້ແຈງວ່າ:
"...ຂໍອວຍພອນໃຫ້ພວກໜຸ່ມພວກນ້ອຍ ທີ່ວ່າເກີດໃໝ່ໃຫຍ່ໂຕ ຂໍໃຫ້ຕັ້ງໃຈຮໍ່າໃຈຮຽນ
ໃຫ້ມີຄວາມຮູ້ຄວາມລັກເພື່ອໄປຊ່ວຍຊາດ ຊ່ວຍບ້ານເມືອງເຮົາ ໃຫ້ມີຄວາມຮຸ່ງເຮືອງ
ເມືອພາຍໜ້າ ຂໍຂອບໃຈ."
ທາງລາຍການຊີວິດຊາວລາວໃນຕ່າງແດນຂອງ VOA ກໍຈະນໍາເລື່ອງລາວທີ່ໜ້າສົນໃຈ
ທີ່ໃຫ້ທັງສາລະແລະບັນເທີງມາຝາກທ່ານຜູ້ຟັງອີກ. ຢ່າລືມຄອຍຕິດຕາມຮັບຟັງໃນ
ທຸກໆແລງວັນພະຫັດ.
