ລິ້ງ ສຳຫລັບເຂົ້າຫາ

ວັນຈັນ, 05 ທັນວາ 2022

ນາຍ Dennis Rodman ອະດີດ ນັກກີລາບານບ້ວງ ອາເມຣິກັນ ເຂົ້າສູນປິ່ນປົວ ຄົນຕິດເຫຼົ້າ (ວີດີໂອ)


ນາຍ Dennis Rodman ອະດີດນັກກີລາບານບ້ວງ ອາເມຣິກັນ ເວລາເດີນທາງໄປຮອດ ສະໜາມບິນສາກົນຂອງ ກຸງປັກກິງ ຈາກກຸງພຽງຢາງ, ວັນທີ 13 ມັງກອນ 2014.
ນາຍ Dennis Rodman ດາລາ​ກີລາ​ບານບ້ວງ​ເບ້ຍ​ບຳນານ
​ອາ​ເມຣິກັນ ​ໄດ້ ເຂົ້າ​ສູນປິ່ນປົວ​ຄົນ​ຕິດ​ເຫຼົ້າ ຫຼັງ​ຈາກ​ກັບ​ຄືນ​ມາ
ຮອດ​ສະຫະລັດ ​ຈາກ​ການ​ເດີນ ທາງ​ຢ້ຽມຢາມ​ເກົາຫຼີ​ເໜືອ​ຄັ້ງ​
ຫຼ້າ​ສຸດ ບ່ອນ​ທີ່​ຜູ້ກ່ຽວ​ໄດ້​ໄປຮ່ວມໃນ​ການສະ​ແດງ​ກີລາ​ບານ
ບ້ວງ​ ສຳລັບ​ວັນ​ເກີດ​ຂອງ​ທ່ານ Kim Jong Un ຜູ້ນຳ​ເກົາຫຼີ
​ເໜືອ.

ນາຍ Darren Prince ​ໂຄສົກ​ຂອງນາຍ Rodman ກ່າວ​ໃນ​
ວັນ​ເສົາ​ວານ​ນີ້​ວ່າ ນາຍ Rodman ​ໄດ້​ເຂົ້າ​ໄປ​ປິ່ນປົວ​ໂຕ​ຢູ່​
ສະຖານ​ທີ່​ດັ່ງກ່າວ​ໂດຍ​ຄວາມ​ສະມັກ​ໃຈລາວ​ເອງ ​ແຕ່​ບໍ່​ໄດ້
​ເປີດ​ເຜີຍ​ໃຫ້​ຮູ້​ກ່ຽວ​ກັບບ່ອນ​ຕັ້ງ​ຂອງ​ສູນ​ປິ່ນປົວ​ດັ່ງກ່າວ​ ແລະ
​ກໍ່​ບໍ່​ໄດ້​ບອກໃຫ້​ຮູ້​ວ່າ ນາຍ Rodman ຈະ​ໄປ​ຮັບ​ການ​ປິ່ນປົວ​ດົນ​ປານ​ໃດ.

​ໃນ​ລະຫວ່າງ​ທີ່ຢູ່​ເກົາຫລີ​ເໜືອ ອັນທີ່ຜູ້ກ່ຽວບັນລະຍາຍວ່າເປັນການເດີນ ທາງເພື່ອ
“​ດຳ​ເນີນ​ການ​ທູດ​ບານບ້ວງ” ​ນັ້ນນາຍ Dennis Rodman ກ່າວ​ຖ້ອຍ​ຄຳທີ່ໃຊ້​ຄຳ
ເວົ້າບໍ່​ສຸພາບ​ແລະ​ເວົ້າ​ລ່າຍ​ໄປ​ທົ່ວ ​ໃນ​ລະຫວ່າງ​ການ​ໃຫ້​ສຳພາດ​ຕໍ່ຕາໜ່າງ​ໂທລະ
ພາບ CNN ຊຶ່ງປາກົດວ່າ ເຂົາໄດ້​ຖິ້ມໂທດໃສ່​ພົນລະເມືອງ​ອາ​ເມຣິກັນ​ຄົນ​ນຶ່ງ ​ທີ່​ຖືກ
ລັດຖະບານພຽງຢາງຄຸມ​ຂັງຢູ່​ນັ້ນວ່າ ເປັນຄວາມຜິດຂອງຜູ້ກ່ຽວເອງ ​ແລະ​ສົມຄວນ​
ຖືກ​ກັກ​ຂັງ​ແລ້ວ.

Rodman Visit to North Korea Sparks Strong Reactions
please wait

No media source currently available

0:00 0:02:48 0:00
ລິງໂດຍກົງ




ທ່ານອາດຈະມັກເລື້ອງນີ້ຄືກັນ

XS
SM
MD
LG