ຜູ້ຕ້ອງສົງໄສກໍ່ການຮ້າຍ ໃຫ້ການຕໍ່ສານເດັນມາກ

ຜູ້ຊາຍ 3 ຄົນທີ່ຖືກຈັບຢູ່ປະເທດເດັນມາກ ໃນຂໍ້ຫາວາງ
ແຜນໂຈມຕີກໍ່ການຮ້າຍນັ້ນ ຈະໄປໃຫ້ການຕໍ່ສານໃນວັນ
ພະຫັດມື້ນີ້ ຂະນະທີ່ມີລາຍງານຂ່າວວ່າຜູ້ຕ້ອງສົງໄສຄົນ
ທີ 4 ຈະຖືກປ່ອຍໃຫ້ເປັນອິດສະຫຼະ.

ເຈົ້າໜ້າທີ່ກ່າວວ່າ ພວກຜູ້ຊາຍທັງ 3 ພ້ອມກັບຜູ້ຕ້ອງ
ສົງໄສອີກຄົນນຶ່ງທີ່ຖືກຈັບຢູ່ສະວີເດັນນັ້ນ ໄດ້ວາງແຜນ
ທີ່ຈະບຸກໂຈມຕີ ສຳນັກງານ ຂອງໜັງສືພິມ Jyllands-
Posten ໃນນະຄອນໂກເປັນເຮເກັນເພື່ອສັງຫານຜູ້ຄົນ
ໃຫ້ຫຼາຍເທົ່າທີ່ຈະຫຼາຍໄດ້. ໜັງສືພິມດັ່ງກ່າວໄດ້ພິມເຜີຍ
ແຜ່ຮູບກາຕູນທີ່ເປັນບັນຫາຖົກຖຽງໂຕ້ແຍ້ງຂອງພະສາສະດາໂມຮຳມັດໃນປີ 2005 ຊຶ່ງ
ໄດ້ສ້າງຄວາມໂກດແຄ້ນ ໃຫ້ແກ່ຊາວມຸສລິມຈຳນວນຫຼວງຫຼາຍ.

ເຈົ້າໜ້າທີ່ສືບລັບທ່ານ​ນຶ່ງ ກ່າວຕໍ່ອົງການຂ່າວເອພີວ່າ ນຶ່ງໃນ 4 ຄົນນີ້ ຊຶ່ງ​ເປັນຊາວອີ
ຣັກທີ່ຂໍລີ້ໄພອາຍຸ 26 ປີ ໄດ້ຖືກປ່ອຍ ແຕ່ກໍຍັງເປັນຜູ້ຕ້ອງສົງໄສຢູ່. ທ່ານບໍ່ໄດ້ໃຫ້ການ
ອະທິບາຍຫຍັງກ່ຽວກັບເລື່ອງນີ້.

ໃນການ​ເຂົ້າຈັບກຸມພວກ​ຕ້ອງ​ສົງ​ໃສ​ນັ້ນຕຳຫຼວດຢຶດໄດ້ປືນກົນ ລູກກະສຸນແລະຢາງມັດ
ປລາສຕິກ ທີ່ສາມາດນຳໃຊ້ເປັນກັບມື​ໄດ້.

ຫົວໜ້າໜ່ວຍສືບລັບເດນມາກ ທ່ານ Jakob Scharf ກ່າວຕໍ່ພວກນັກຂ່າວວ່າ ພວກຜູ້
ຊາຍຈຸນີ້ວາງແຜນທີ່ຈະທຳການໂຈມຕີແບບດຽວກັນກັບຢູ່ເມືອງມູມໄບ ຊຶ່ງທ່ານໝາຍເຖິງ
ການໂຈມຕີໃນປີ 2008 ໃສ່ສູນກາງການເງິນຂອງອິນເດຍ ໂດຍພວກຫົວຮຸນແຮງ ທີ່ປະ
ກອບອາວຸດເຕັມອັດຕາ 10 ຄົນທີ່ເຮັດໃຫ້ມີຜູ້ເສຍຊີວິດ 166 ຄົນນັ້ນ.