ລິ້ງ ສຳຫລັບເຂົ້າຫາ

logo-print

ພັກເດໂມແຄຣັດ ສ້າງປະຫວັດສາດ ດ້ວຍການ ສະເໜີຊື່ ທ່ານນາງ Hillary Clinton


ອະດີດລັດຖະມົນຕີກະຊວງການຕ່າງປະເທດ ທ່ານນາງ Hillary Clinton ແລະ ພັກເດ ໂມແຄຣັດ ໄດ້ສ້າງປະຫວັດສາດໃນວັນອັງຄານວານນີ້ ເມື່ອທ່ານນາງ Clinton ໄດ້ກາຍ ເປັນແມ່ຍິງຄົນທຳອິດທີ່ໄດ້ຖືກສະເໜີຊື່​ໃຫ້​ເຂົ້າແຂ່ງຂັນເອົາຕຳແໜ່ງປະທານາທາທິບໍດີ ໂດຍພັກການເມືອງໃຫຍ່ຂອງ ສະຫະລັດ. ແຕ່ເທົ່າທີ່ພັກເດໂມແຄຣັດ ຢາກຈະສະເຫຼີມ ສະຫຼອງນັ້ນ, ມັນມີສິ່ງທ້າທາຍຕ່າງໆໃນຕໍ່ໜ້າ ສຳລັບການລວບລວມພັກເພື່ອໜູນຫຼັງ ທ່ານນາງ Clinton ແລະ ກຽມພ້ອມທີ່ຈະຮັບມືກັບທ່ານ Donald Trump ຈາກພັກຣີພັບ ບລີກັນ ໃນການເລືອກຕັ້ງທົ່ວໄປ. ນັກຂ່າວແຫ່ງຊາດຂອງວີໂອເອ Jim Malone ມີລາຍ ງານເພີ່ມເຕີມໃນວັນທີສອງຂອງກອງປະຊຸມຫຼວງແຫ່ງຊາດຂອງພັກເດໂມແຄຣັດ ຈາກ ນະຄອນ Philadelphia, ​ເຊິ່ງ ພຸດທະສອນ ມີລາຍລະອຽດມາສະເໜີທ່ານ.

ທ່ານນາງ Stephanie Rawlings-Blake ຜູ້ປົກຄອງນະຄອນ Baltimore ກ່າວວ່າ “ສະ ບາຍດີຕອນບ່າຍ ບັນດາຜູ້ແທນທັງຫຼາຍ. ພວກເຮົາພ້ອມທີ່ຈະສ້າງປະຫວັດສາດບາງ ຢ່າງແລ້ວບໍ?"

ນະຄອນ Philadelphia ແມ່ນຄຸ້ນເຄີຍກັບການ​ສ້າງປະຫວັດສາດມາ ກ່ອນ​ແລ້ວ ແລະ ໃນວັນອັງຄານວານນີ້, ມັນໄດ້ເພີ່ມໜ້າ​ໃໝ່ທີ່ສຳຄັນອີກໜ້າໜຶ່ງໃສ່ປະຫວັດສາດຂອງ ພວກເຂົາເຈົ້າ, ເຊິ່ງແມ່ນແມ່ຍິງຜູ້ທຳອິດໄດ້ຖືກສະເໜີຊື່ໃຫ້​ເປັນ​ຜູ້​ສະໝັກ​ ເຂົ້າ​ແຂ່ງຂັນ​ເອົາຕຳແໜ່ງປະທາ ນາທິບໍດີ ໂດຍພັກການເມືອງໃຫຍ່ຂອງ ສະຫະລັດ.

ທ່ານນາງ Marcia Fudge ຜູ້ແທນພັກເດໂມແຄຣັດຈາກລັດ Ohio ກ່າວວ່າ “ໝົດທຸກ ຄົນຜູ້ທີ່ສະໜັບສະໜູນເວົ້າ `ເອົາ,` ຜູ້ຄັດຄ້ານເວົ້າ `ບໍ່.` ຜູ້ທີ່ເວົ້າເອົາ `ເປັນຜູ້ໄດ້ຊະ ນະ`."

ພັກເດໂມແຄຣັດ ໄດ້ສະເໜີຊື່ທ່ານນາງ Clinton ຢ່າງເປັນທາງການຫຼັງຈາກ ການເອີ້ນຊື່ ຕາມທຳນຽມ ຂອງແຕ່ລະລັດ, ເຮັດໃຫ້ມີການສະ ເຫຼີມສະຫຼອງເກີດຂຶ້ນຢູ່ພາຍໃນຫໍປະ ຊຸມ.

ຜູ້ຖືກສະເໜີຊື່ຕໍ່ມາໄດ້ກ່າວຂອບໃຈບັນດາຜູ້ແທນຜ່ານທາງດາວທຽມຈາກບ້ານຂອງທ່ານ ນາງໃນນະຄອນ ນິວຢອກ.

ທ່ານນາງ Hillary Clinton ຜູ້ຖືກສະເໜີຊື່ຈາກພັກເດໂມແຄຣັດ ກ່າວວ່າ “ນີ້ແມ່ນໄຊຊະ ນະຂອງບັນດາທ່ານແທ້ໆ. ນີ້ແມ່ນຄ່ຳຄືນຂອງພວກທ່ານແທ້ໆ.”

ອະດີດປະທານາທິບໍດີ Bill Clinton ໄດ້ເຮັດໃຫ້ບັນດາຜູ້ແທນຫຼາຍຄົນຕ້ອງ ລຸກຢືນຂຶ້ນດ້ວຍການ ສະແດງຄວາມຮູ້ສຶກທີ່ຕື່ນ ເຕັ້ນຫຼາຍ ຕາງໜ້າພັນລະຍາຂອງທ່ານ ໃນຄ່ຳຄືນທີ 2 ຂອງກອງປະຊຸມ ຫຼວງ ຂອງພັກເດໂມແຄຣັດ ໃນນະຄອນ Philadelphia, 26 ກໍລະກົດ, 2016 (A. Shaker/VOA)
ອະດີດປະທານາທິບໍດີ Bill Clinton ໄດ້ເຮັດໃຫ້ບັນດາຜູ້ແທນຫຼາຍຄົນຕ້ອງ ລຸກຢືນຂຶ້ນດ້ວຍການ ສະແດງຄວາມຮູ້ສຶກທີ່ຕື່ນ ເຕັ້ນຫຼາຍ ຕາງໜ້າພັນລະຍາຂອງທ່ານ ໃນຄ່ຳຄືນທີ 2 ຂອງກອງປະຊຸມ ຫຼວງ ຂອງພັກເດໂມແຄຣັດ ໃນນະຄອນ Philadelphia, 26 ກໍລະກົດ, 2016 (A. Shaker/VOA)

ກ່ອນໜ້ານີ້, ອະດີດປະທານາທິບໍດີ Bill Clinton ໄດ້ເຮັດໃຫ້ບັນດາຜູ້ແທນຫຼາຍຄົນຕ້ອງ ລຸກຢືນຂຶ້ນດ້ວຍການສະແດງຄວາມຮູ້ສຶກທີ່ຕື່ນ ເຕັ້ນຫຼາຍ ຕາງໜ້າພັນລະຍາຂອງທ່ານ.

ທ່ານ Bill Clinton ອະດີດປະທານາທິບໍດີ ກ່າວວ່າ “ຂ້າພະເຈົ້າຫວັງວ່າພວກທ່ານຈະ ເລືອກເອົາລາວ. ພວກທ່ານຜູ້ທີ່ມີມື້ວານນີ້ຫຼາຍກວ່າມື້ອື່ນເບິ່ງຄືຈະເປັນຫ່ວງ ກ່ຽວກັບ ລູກ ແລະ ຫຼານຂອງພວກເຮົາ ແລະ ເຫດຜົນທີ່ທ່ານຄວນເລືອກເອົາລາວກໍແມ່ນວ່າ ໃນປະເທດທີ່ຍິ່ງໃຫຍ່ທີ່ສຸດໃນໂລກນີ້, ພວກເຮົາໄດ້ນຶກເຖິງມື້ອື່ນຕະຫຼອດ, ລູກ ແລະ ຫຼານຂອງພວກທ່ານ ແລະ ພວກເຂົາເຈົ້າຈະໃຫ້ຄວາມສຸກແກ່ພວກທ່ານໄປຕະຫຼອດ ຖ້າທ່ານເຮັດແນວນັ້ນ. ຂອບໃຈ. ຂໍໃຫ້ພະເຈົ້າຄຸ້ມຄອງພວກທ່ານ.”

ແລະ ໃນຄວາມພະຍາຍາມເພື່ອສ້າງ​ຄວາມສມັກ​ຄີ​ພາຍ​ໃນພັກນັ້ນ, ມັນແມ່ນອະດີດຄູ່ ແຂ່ງຂັນຂອງທ່ານນາງ Clinton, ຄືທ່ານ Bernie Sanders ທີ່ໄດ້ຮຽກຮ້ອງໃຫ້ຜູ້ທີ່ຕິດ ຕາມຂອງທ່ານ ຮ່ວມກັນໜູນຫຼັງອະດີດລັດຖະມົນຕີຕ່າງປະເທດນັ້ນ.

ອະດີດຜູ້ລົງແຂ່ງຂັນເອົາຕຳແໜ່ງປະທານາທິບໍດີຂອງພັກ ເດໂມແຄຣັດ ສະມາຊິກສະພາສູງລັດ Vermont ສະເໜີໃຫ້ທ່ານນາງ Hillary Clinton ເປັນຜູ້ຖືກສະເໜີຊື່ຂອງພັກເດໂມແຄຣັດ ໃນການ ແຂ່ງຂັນເອົາຕຳແໜ່ງປະທານາທິບໍດີ ສະຫະລັດ ໃນລະຫວ່າງ ກອງປະຊຸມຫຼວງແຫ່ງຊາດຂອງ ພັກເດໂມແຄຣັດ ຄ່ຳຄືນທີ 2.
ອະດີດຜູ້ລົງແຂ່ງຂັນເອົາຕຳແໜ່ງປະທານາທິບໍດີຂອງພັກ ເດໂມແຄຣັດ ສະມາຊິກສະພາສູງລັດ Vermont ສະເໜີໃຫ້ທ່ານນາງ Hillary Clinton ເປັນຜູ້ຖືກສະເໜີຊື່ຂອງພັກເດໂມແຄຣັດ ໃນການ ແຂ່ງຂັນເອົາຕຳແໜ່ງປະທານາທິບໍດີ ສະຫະລັດ ໃນລະຫວ່າງ ກອງປະຊຸມຫຼວງແຫ່ງຊາດຂອງ ພັກເດໂມແຄຣັດ ຄ່ຳຄືນທີ 2.

ສະມາຊິກສະພາສູງ ລັດ Vermont ທ່ານ Bernie Sanders ກ່າວວ່າ “ຂ້າພະເຈົ້າຂໍສະ ເໜີວ່າ ທຸກໆບັດຄະແນນສຽງທີ່ໄດ້ຖືກປ່ອນໂດຍບັນດາຜູ້ແທນທັງຫຼາຍ ຈະຖືກສະ ທ້ອນກັບ ໃນການບັນທຶກຢ່າງເປັນທາງການ, ແລະ ຂ້າພະເຈົ້າສະເໜີວ່າ ທ່ານນາງ Hillary Clinton ຖືກເລືອກໃຫ້ເປັນຜູ້ຖືກສະເໜີຊື່ຂອງພັກເດໂມແຄຣັດ ​ໃນການແຂ່ງ ຂັນເອົາຕຳແໜ່ງປະທານາທິບໍດີຂອງ ສະຫະລັດ.”

ແຕ່ໃນສັນຍານໜຶ່ງຂອງຄວາມເຄັ່ງຕຶງທີ່ຍືດເຍື້ອມາດົນນານຂອງພັກນັ້ນ, ບັນດາຜູ້ແທນ ແລະ ຜູ້ສະໜັບສະໜູນທ່ານ Sanders ຈຳນວນຫຼາຍ ໄດ້ຍ່າງອອກຈາກກອງປະຊຸມຫຼວງ ໄປຫາຕູບຜ້າຂອງສື່ມວນຊົນທີ່ຢູ່ໃກ້ຄຽງ ບ່ອນທີ່ພວກເຂົາເຈົ້າຈັດການປະທ້ວງແບບ ງຽບໆ.

ທ່ານ Michael Grom ແມ່ນຜູ້ແທນທີ່ສະໜັບສະໜູນທ່ານ Sanders ຈາກລັດ Ohio.

ທ່ານ Michael Grom ກ່າວວ່າ “ພວກເຂົາເຈົ້າສະແດງໃຫ້ເຫັນວ່າພວກເຂົາເຈົ້າບໍ່ມີ ສິດອອກສຽງ ໃນລະບອບປະຊາທິປະໄຕນີ້. ພວກເຂົາເຈົ້າຮູ້ສຶກວ່າ ພວກເຂົາເຈົ້າໄດ້ ຖືກກີດກັ້ນໂດຍຊິ້ນເຊີງ. ລະບອບປະຊາທິປະໄຕຂອງພວກເຮົາໄດ້ຖືກຄວບຄຸມໂດຍ ພວກບໍລິສັດຕ່າງໆ.”

ຜູ້ສະໜັບສະໜູນທ່ານ Bernie Sanders ຖືປ້າຍທີ່ອ່ານວ່າ "ປະຊາທິປະໄຕເປັນຄືແນວນີ້." ຫຼັງຈາກ ທ່ານນາງ Hillary Clinton ໄດ້ຖືກສະເໜີຊື່ຢ່າງເປັນທາງການ ທີ່ກອງປະຊຸມຫຼວງພັກເດໂມແຄຣັດ ໃນລັດ Philadelphia. 26 ກໍລະກົດ, 2016. (A.Shaker/VOA)
ຜູ້ສະໜັບສະໜູນທ່ານ Bernie Sanders ຖືປ້າຍທີ່ອ່ານວ່າ "ປະຊາທິປະໄຕເປັນຄືແນວນີ້." ຫຼັງຈາກ ທ່ານນາງ Hillary Clinton ໄດ້ຖືກສະເໜີຊື່ຢ່າງເປັນທາງການ ທີ່ກອງປະຊຸມຫຼວງພັກເດໂມແຄຣັດ ໃນລັດ Philadelphia. 26 ກໍລະກົດ, 2016. (A.Shaker/VOA)

ເຖິງແມ່ນວ່າຈະບໍ່ມີຄວາມປອງດອງກັນ, ຜູ້ແທນສະໜັບສະໜູນທ່ານນາງ Clinton, ທ່ານນາງ Janet Buskey ຈາກລັດ Alabama ແມ່ນໄດ້ຕື່ນຕາຕື່ນໃຈກັບການສະເໜີ ຊື່ນີ້.

ທ່ານນາງ Janet Buskey ກ່າວວ່າ “ທຸກໆສິດທິທີ່ໄດ້ຖືກປະຕິເສດຕໍ່ຄົນຜິດດຳ, ທຸກໆ ສິດທິທີ່ໄດ້ຖືກປະຕິເສດຕໍ່ບັນດາແມ່ຍິງ, ພວກເຮົາເບິ່ງຄືຈະ​ໝູນ​ໄປ​ຄົບ​ວົງ​ຈອນ​ຢ່າງ​ເຕັມທີ່, ແລະ ຂ້າພະເຈົ້າກໍເຫັນປະ ເທດ ອາເມຣິກາ ທີ່ສົມບູນແບບ.”

ດ້ວຍການເພັ່ງເລັງໃສ່ພັກເດໂມແຄຣັດ ເປັນສ່ວນຫຼາຍໃນສັບປະດານີ້, ທ່ານ Donald Trump ຈາກພັກຣີພັບບລີກັນ ກໍໄດ້ຫຍຸ້ງວຽກໃນການເດີນທາງໂຄສະນາຫາສຽງ.

ທ່ານ Trump ໄດ້ຄົ້ນຫາບັນທຶກ ກ່ຽວກັບ ທະຫານຜ່ານເສິກຂອງທ່ານນາງ Hillary Clinton ໃນວັນອັງຄານວານນີ້ ໃນລະຫວ່າງ ການໃນຄຳປາໄສໃນລັດ North Carolina.

Donald Trump ກ່າວວ່າ “ພວກເຮົາຮູ້ວ່າລາວເບິ່ງແຍງພວກທະ ຫານຜ່ານເສິກແນວ ໃດ. ເບິ່ງໃນການໂຈມຕີປະເທດ ລີເບຍ ແລະ ການຮັບມືກັບບັນຫາ Benghazi ຂອງ ລາວແມ້. ມັນແມ່ນຄວາມຫາຍານະ.”

ໃນວັນພຸດມື້ນີ້, ບັນດາຜູ້ແທນ ຈະໄດ້ຍິນການກ່າວຄຳປາໄສຈາກປະ ທານາທິບໍດີ ບາຣັກ ໂອບາມາ, ຮອງປະທານາທິບໍດີ Joe Biden ແລະ ຄູ່ຮ່ວມລົງສະໝັກແຂ່ງຄັນເອົາຕຳ ແໜ່ງຮອງປະທານາທິບໍດີ ຂອງທ່ານນາງ Clinton, ສະມາຊິກສະພາສູງລັດ ເວີຈິເນຍ ທ່ານ Tim Kaine.

ທ່ານນາງ Hillary Clinton ຈະກ່າວຄຳປາໄສໃນກອງປະຊຸມຫຼວງ ວັນພະຫັດມື້ອື່ນນີ້.

ອ່ານລາຍງານນີ້ຕື່ມເປັນພາສາອັງກິດ

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG