ຜູ້ສະໝັກເປັນປະທານາທິບໍດີສອງຄົນ ທີ່ຍັງເຫລືອຢູ່ຂອງພັກເດ
ໂມແຄຣັດຄືອະດີດລັດຖະມົນຕີການຕ່າງປະເທດ Hillary Clin-
ton ແລະສະມາຊິກສະພາສູງຈາກລັດ Vermont ທ່ານ Bernie
Sanders ໄດ້ໂຕ້ວາທີກັນຢ່າງຂຸ້ນຂ້ຽວແລະເຜັດຮ້ອນໃນຄ່ຳຄືນ
ວັນພະຫັດ ທີ່ລັດ New Hampshire ບໍ່ເທົ່າໃດມື້ ກ່ອນທີ່ລັດດັ່ງ
ກ່າວ ຊຶ່ງຕັ້ງຢູ່ທາງພາກຕາເວັນອອກສຽງເໜືອຂອງປະເທດ ຈັດ
ການເລືອກຕັ້ງປະທານາທິບໍດີຂັ້ນຕົ້ນ ເປັນບ່ອນທຳອິດຢູ່ໃນສະ
ຫະລັດ.
ທ່ານນາງ Clinton ໄດ້ມີຄະແນນຫຼຸດທ່ານ Sanders ຢູ່ 20 ເປີ
ເຊັນ ໃນການຢັ່ງຫາງສຽງ ພາຍຫລັງທີ່ທ່ານນາງໄດ້ຊະນະທ່ານ
Sanders ຢ່າງຫວຸດຫວິດໃນການປະຊຸມຄັດເລືອກເອົາຜູ້ແທນພັກທີ່ລັດໄອໂອວາ. ນີ້ແມ່ນການໂຕ້ ວາທີແບບນຶ່ງຕໍ່ນຶ່ງເທື່ອທຳອິດ ລະຫວ່າງຜູ້ສະໝັກເປັນປະທານາທິບໍດີທັງສອງ. ອະດີດຜູ້ປົກຄອງລັດ Maryland ທ່ານ Martin O’Malley ໄດ້ຖອນໂຕຈາກ ການແຂ່ງຂັນຫລັງຈາກໄດ້ຮັບຄະແນນບໍ່ຄ່ອຍດີ ທີ່ລັດໄອໂອວາ.
ບັດນີ້ ຄວາມນິຍົມຊົມຊອບຂອງບັນດາຜູ້ມີສິດປ່ອນບັດ ຈະເລີ້ມເປັນຜົນຢ່າງຈິງ ຈັງຕໍ່ຜູ້ທີ່ຖືກແຕ່ງຕັ້ງ ການໂຄສະນາຫາສຽງແມ່ນເຜັດຮ້ອນແລະມີຄວາມເຂັ້ມຂຸ້ນຂຶ້ນທີ່ທ່ານນາງ Clinton ແລະທ່ານ Sanders ໄດ້ຖົກຖຽງກັນກ່ຽວກັບວ່າຜູ້ໃດ ເປັນຜູ້ທີ່ມີຫົວກ້າວໜ້າຢ່າງແທ້ຈິງ ໃນການແຂ່ງຂັນ ຜູ້ໃດເປັນຜູ້ໜີ້ບຸນຄຸນຂອງ ກຸ່ມຜົນປະໂຫຍດທີ່ມີເງິນຫຼາຍ ແລະແມ່ນຫຍັງຄືໄພຂົ່ມຂູ່ທີ່ໃຫຍ່ທີ່ສຸດທີ່ພວມປະ ເຊີນໜ້າອາເມຣິກາຢູ່ໃນເວລານີ້.
ທ່ານນາງ Clinton ຊຶ່ງໃນປັດຈຸບັນນີ້ມີອາຍຸ 68 ປີ ເອີ້ນທ່ານນາງເອງວ່າເປັນຜູ້ມີຫົວກ້າວໜ້າ ທີ່ສາມາດເຮັດໃຫ້ວຽກງານລຸລ່ວງໄປໄດ້ໂດຍເວົ້າວ່າ ຂໍ້ສະເໜີ ຂອງສະມາຊິກສະພາສູງ Sanders ທີ່ຢາກໃຫ້ເຂົ້າຮຽນຢູ່ຂັ້ນມະຫາວິທະຍາໄລແລະຮັກສາສຸຂະພາບແບບບໍ່ເສຍເງິນນັ້ນເປັນພຽງຄຳສັນຍາທີ່ບໍ່ສາມາດປະຕິບັດໄດ້.
