ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ການ​ມີ​ນັກ​ສຶກ​ສາ ອາ​ເມ​ຣິ​ກັນ ໃນ ຈີນ ໜ້ອຍ​ລົງ ອາດ​ໝາຍ​ຄວາມ​ວ່າ​ ຈະ​ມີ​ນັກ​ຊ່ຽວ​ຊານ​ໜ້ອຍລົງ


​ພາບ​ສ່ວນ​ນຶ່ງ​ຂອງ​ມະ​ຫາ​ວິ​ທະ​ຍາ​ໄລ ວູ​ຫານ, ແຂວງ ຮູ​ເບ, ຈີນ, 11 ເມ​ສາ 2020.
​ພາບ​ສ່ວນ​ນຶ່ງ​ຂອງ​ມະ​ຫາ​ວິ​ທະ​ຍາ​ໄລ ວູ​ຫານ, ແຂວງ ຮູ​ເບ, ຈີນ, 11 ເມ​ສາ 2020.

ຈໍານວນນັກສຶກສາອາເມລິກາ ທີ່ຮຽນຢູ່ຈີນ ໄດ້ຫຼຸດລົງຢ່າງຫຼວງຫຼາຍໃນບໍ່ເທົ່າໃດປີມານີ້ ຈາກຈໍານວນປະມານ 11,000 ຄົນ ໃນປີ 2019 ມາເປັນ 800 ຄົນໃນປີນີ້, ແລະການຫຼຸດລົງແມ່ນຮ້າຍແຮງຫຼາຍຈົນນັກວິຊາການຈີນບາງຄົນກັງວົນວ່າ ສະຫະລັດອາດຈະສູນເສຍ “ນັກຊ່ຽວຊານຈີນ” ລຸ້ນຕໍ່ໆໄປ.

ທ່ານເດວິດ ໂມສເຊີ (David Moser), ຊາວ​ອາ​ເມ​ຣິ​ກັນ​ທີ່​ໄດ້​ອາ​ໄສ​ ​ແລະ​ເຮັດ​ວຽກ​ຢູ່​ໃນ​ປະ​ເທດ​ຈີນ​ຫຼາຍ​ກວ່າ​ສາມ​ທົດ​ສະ​ວັດ, ເຊິ່ງ​ເປັນ​ອະ​ດີດ​ຜູ້​ອໍາ​ນວຍ​ການ​ບໍລິສັດ ການທັດສະນະສຶກສາໃນປະເທດຈີນ ຫຼື CET, ໃນນະຄອນຫຼວງ​ປັກ​ກິ່ງ.

ທ່ານເວົ້າວ່າ ດ້ວຍການຫຼຸດລົງຂອງນັກສຶກສາ “ຂ້າພະເຈົ້າບໍ່ໄດ້ເຫັນນັກຮຽນຊາວອາເມຣິກັນມາຫຼາຍປີແລ້ວ.” ບໍລິສັດ CET ເຊິ່ງໄດ້ເປີດດໍາເນີນງານມາໃນປີ 1982, ເປັນບໍລິສັດທີ່ມີສໍານັກງານຕັ້ງຢູ່ໃນວໍຊິງຕັນ ໂດຍຮັບສະໝັກເອົານັກສຶກສາອາເມຣິກັນເພື່ອການສຶກສາທາງດ້ານພາສາ ແລະວັດທະນະທໍາໄລຍະສັ້ນຢູ່ໃນປະເທດຈີນ.

ທ່ານ ໂມສເຊີ ກ່າວວ່າ ຕຳແໜ່ງຜູ້ອຳນວຍການທາງດ້ານວິຊາການຂອງທ່ານ ໄດ້ຫຼຸດລົງ ເມື່ອບໍ່ດົນມານີ້ ແລະອົງການຈັດຕັ້ງດັ່ງກ່າວ ຍັງຄົງພົບກັບຄວາມຫຍຸ້ງຍາກເພື່ອໃຫ້ນັກຮຽນກັບຄືນໄປປະເທດຈີນຕື່ມອີກ.

ບໍລິສັດ CET ຄັ້ງນຶ່ງເຄີຍດຳເນີນໂຄງການສຶກສາໄລຍະສັ້ນ ຢູ່ຕ່າງປະເທດໃນຫຼາຍເມືອງຂອງປະເທດຈີນ, ລວມທັງ ປັກກິ່ງ, ຊຽງໄຮ, ຮາບິນ ແລະ ຫາງໂຈ. ໃນປັດຈຸບັນ, ໂຄງການດັ່ງກ່າວ ມີຢູ່ໃນ ປັກກິ່ງ ແລະ ຊຽງໄຮ ເທົ່ານັ້ນ. ໃນຫນ້າໃນເວັບໄຊທ໌ຂອງຮາບິນ ສະແດງໃຫ້ເຫັນວ່າ ໂຄງການດັ່ງກ່າວ “ຖືກໂຈະລົງ ຈົນເຖິງສົກຮຽນໃນຊ່ວງລະດູໃບໄມ້ປົ່ງຂອງປີ 2025.”

ທ່ານ ໂມສເຊີ ກ່າວວ່າ “ພວກເຮົາໄດ້ສູນເສຍຄົນລຸ້ນຕໍ່ໆໄປທີ່ສຳຄັນ ຜູ້ທີ່ຈໍາເປັນຕ້ອງສືບຕໍ່ໃນປະເທດຈີນນະເວລານີ້ ດ້ວຍການສຶກສາຕ່າງໆ ຫຼື ສິ່ງໃດໆກໍ່ຕາມ. ດັ່ງນັ້ນ, ໃນ 10 ປີຈາກນີ້ ພວກເຂົາເຈົ້າອາດຈະໄດ້ຮັບປະສົບການທີ່ເປັນນັກປະສາດວິທະຍາ ຫຼື ແລະໄດ້ຮັບປະສົບການກ່ຽວກັບຈີນຢ່າງຫຼວງຫຼາຍ, ແລະມັນກໍຊ້າເກີນໄປແລ້ວ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

XS
SM
MD
LG