ບັນດາຜູ້ຄົ້ນຫາ ໄດ້ພົບເຫັນວັນຖຸຫຼາຍຊິ້ນສ່ວນຢູ່ໃນນ້ຳ ໃນບໍລິເວນທີ່ກຳປັ່ນບັນຈຸສິນຄ້າພ້ອມກັບ 33 ຄົນຢູ່ເທິງເຮືອໄດ້ຫາຍສາບສູນໃນວັນພະຫັດທິດແລ້ວນີ້ໃນພາກໃຕ້ຂອງປະເທດ
ບາຮາມາສ.
ຕຳຫຼວດປ້ອງກັນຊາຍຝັ່ງ ສະຫະລັດ ກ່າວວ່າ ເສື້ອຊູຊີບ, ບ້ວງຊູຊີບ, ຕູ້ບັນຈຸສິນຄ້າ ແລະ ນ້ຳມັນໄດ້ຖືກພົບເຫັນໃນວັນອາທິດວານນີ້, ແຕ່ວ່າວັດຖຸດັ່ງກ່າວແມ່ນຍັງບໍ່ທັນໄດ້ຮັບການຢືນຢັນວ່າມາຈາກກຳປັ່ນບັນຈຸສິນຄ້າຍາວ 240 ແມັດ El Faro ຫຼືບໍ່, ເຊິ່ງໄດ້ຫາຍໄປໃນຈຸດໃຈກາງຂອງພະຍຸ ເຮີຣີເຄນ Joachin ຫຼືບໍ່.
ພະຍຸລູກດັ່ງກ່າວໄດ້ອ່ອນຕົວລົງໃນຂະນະທີ່ມັນເຄື່ອນຕົວຂຶ້ນທາງພາກເໜືອ ແລະ ໄດ້ຖືກ
ຫຼຸດ ລະດັບລົງເປັນພະຍຸປະເພດ 3 ດ້ວຍລົມແຮງເກືອບ 185 ກິໂລມແມັດ ຕໍ່ຊົ່ວໂມງ.
ພະຍຸ Joachin ຄາດວ່າໄດ້ນຳສະພາບຂອງພະຍຸເຮີຣີເຄນ ແລະ ພະຍຸທີ່ເປັນໄພຂົ່ມຂູ່ຕໍ່ຊີວິດ ເຄື່ອນຂຶ້ນໄປເກາະ Bermuda ໃນຕອນຄ່ຳຂອງວັນອາທິດວານນີ້ ໃນເມື່ອຈຸດສູນກາງຂອງພະຍຸນັ້ນໄດ້ພັດຜ່ານໄປໃກ້ເກາະດັ່ງກ່າວ.
