ບັນດາອົງການບັນເທົາທຸກສາກົນ ກຳລັງເລັ່ງລັດຊອກຫາທາງ
ເຂົ້າໄປຫາປະຊາຄົມທີ່ຢູ່ໂດດດ່ຽວໃນຟີຈິ ຊຶ່ງເປັນປະເທດເກາະ
ດອນ ທີ່ຕັ້ງຢູ່ໃນເຂດ ມະຫາສະມຸດປາຊິຟິກຕອນໃຕ້ ທີ່ໄດ້ຮັບ
ຄວາມເສຍຫາຍຢ່າງໜັກຈາກລົມພາຍຸ Cyclone Winston
ເຮັດໃຫ້ມີຜູ້ເສຍຊີວິດ 42 ຄົນ.
ບັນດາເຈົ້າໜ້າທີ່ໄດ້ກວດແກ້ໂຕເລກຜູ້ເສຍຊີວິດໃນວັນພຸດມື້ນີ້
ຈາກໃນເມື່ອກ່ອນ 29 ຄົນ ໃນຂະນະທີ່ພະນັກງານບັນເທົາທຸກ
ກຳລັງໄປເຖິງເຂດນອກຂອງບັນດາ ໝູ່ເກາະ ທີ່ປະກອບດ້ວຍ
ທັງໝົດ 300 ເກາະດອນ. ໄຊໂຄລນ Winston ໄດ້ທຳລາຍບ້ານ
ເຮືອນຈຳນວນນຶ່ງ ປ່ອຍໃຫ້ຊາວຟີຈີຫລາຍພັນຄົນບໍ່ມີບ່ອນຢູ່ອາ
ໄສ ແລະຖືກບັງຄັບໃຫ້ອາໄສຢູ່ຕາມສູນຫລົບໄພຕ່າງໆ.
ພາຍຸ ທີ່ມີຄວາມແຮງຈັດຢູ່ໃນປະເພດ 5 ໄດ້ພັດຂຶ້ນຝັ່ງ ທີ່ Viti Levu ຂອງເກາະໃຫຍ່ຟີຈີ
ໃນວັນເສົາແລ້ວນີ້ ດ້ວຍຄວາມແຮງ ເຖິງ 300 ກິໂລແມັດຕໍ່ຊົ່ວໂມງ ເຮັດໃຫ້ພາຍຸດັ່ງກ່າວ
ເປັນໄຊໂຄລນທີ່ຮ້າຍແຮງສຸດເທົ່າທີ່ເຄີຍບັນທຶກໄວ້ຢູ່ໃນຊີກໂລກໃຕ້.
ໄຊໂຄລນ Winston ຍັງເຮັດໃຫ້ເກີດນໍ້າຖ້ວມຢູ່ຕາມໝູ່ເກາະຕ່າງໆພາໃຫ້ພະນັກງານບັນ
ເທົາທຸກ ມີຄວາມເປັນຫ່ວງ ກ່ຽວກັບການລະບາດ ຂອງພະຍາດຕ່າງໆ ເຊັນວ່າ ໄຂ້ເລືອດ
ອອກ ແລະເຊື້ອໄວຣັສ Zika ທີ່ແຜ່ຜາຍໂດຍຍຸງ ຊຶ່ງເກີດຢູ່ຕາມບ່ອນທີ່ມີນໍ້າຫົ້ງ.ເກາະຟີຈິ
ຍັງຢູ່ພາຍໃຕ້ພາວະສຸກເສີນຈາກໄພທຳມະຊາດເປັນເວລາ 30 ມື້.
