ເຈົ້າໜ້າທີ່ອິນໂດເນເຊຍ ກ່າວວ່າ ມີຜູ້ເສຍຊີວິດຢ່າງໜ້ອຍ 384 ຄົນ ແລະ 540 ຄົນ
ບາດເຈັບ ຫຼັງຈາກໄດ້ເກີດແຜ່ນດິນໄຫວ ທີ່ມີຄວາມແຮງ 7.5 ແລະ ຟອງຍັກສຸນາມິ
ພັດເຂົ້າຖະຫຼົ່ມ 2 ເມືອງ ຄື ເມືອງປາລູ ແລະດົງກາລາ ໃນແຂວງສຸວາເລສີທາງພາກ
ກາງຂອງປະເທດ.
ເຈົ້າໜ້າທີ່ກ່າວໃນວັນເສົາມື້ນີ້ວ່າ ຫຼາຍຮ້ອຍຄົນໄດ້ພາກັນລົງໄປຫາດໃນເມືອງປາລູ
ເພື່ອສະຫຼອງບຸນ ເວລາແຜ່ນດິນໄຫວ ແລະຟອງຍັກສຸນາມິ ເກີດຂຶ້ນ ຊຶ່ງໄດ້ພັດເອົາ
ຫຼາຍໆຄົນໄປ ເຮັດໃຫ້ພວກເຂົາເຈົ້າເສຍຊີວິດ.
Earthquake, Tsunami Strike Sulawesi Island, Indonesia
ໂຄສົກ ອົງການຄຸ້ມຄອງໄພພິບັດແຫ່ງຊາດ ທ່ານສຸໂຕໂປ ນູໂກຣໂຮກ່າວວ່າ ຟອງຍັກ
ສຸນາມິໄດ້ພັດເຂົ້າຖະຫຼົ່ມ ດ້ວຍຄວາມໄວ 800 ກິໂລແມັດຕໍ່ຊົ່ວໂມ ຊຶ່ງໄດ້ທຳລາຍຕຶກ
ອາຄານ ແລະ ພື້ນຖານໂຄງລ່າງຕ່າງໆ. ທ່ານກ່າວວ່າ ມີເຮືອນຊານ ໂຮງໝໍ ຮ້ານຄ້າ
ຊອບປິ້ງແລະໂຮງແຮມຫຼາຍພັນຫຼັງໄດ້ພັງທະລາຍລົງແລະດິນເຈື່ອນໄດ້ຕັດຂາດທາງ
ຫຼວງໃຫຍ່ສຸດ ຂອງເມືອງປາລູ.
ລາຍງານຂ່າວແຈ້ງວ່າ ສ່ວນນຶ່ງຂອງຂົວຂ້າມແມ່ນ້ຳໃນເຂດແຄມຝັ່ງຂອງເກາະສຸວາເລ
ສີ ໄດ້ພັງລົງມາ.
ທ່ານນູໂກຣໂຮ ກ່າວວ່າ ມີການສົ່ງຄະນະປະຕິບັດງານຄົ້ນຫາແລະກູ້ໄພໄປຍັງເຂດດັ່ງ
ກ່າວແລ້ວ.
ລາຍງານຂ່າວໂທລະພາບອິນໂດເນເຊຍ ສະແດງໃຫ້ເຫັນວ່າ ຜູ້ຄົນໄດ້ຮັບການປິ່ນປົວ
ພະຍາບານຢູ່ຕາມສະຖານທີ່ປິ່ນປົວ ທີ່ສ້າງຂຶ້ນຢູ່ທາງນອກ ແຫ່ງຕ່າງໆໃນຂະນະທີ່ສົບ
ຄົນຕາຍ ຊຶ່ງຈຳນວນນຶ່ງບັນຈຸຢູ່ໃນຖົງ ແມ່ນຢັ່ງຢາຍກັນຢູ່ຕາມຖະໜົນສາຍຕ່າງໆ.
ເບິ່ງຟອງຍັກສຸນາມິ ສູງເຖິງ 3 ແມັດ ຖະຫຼົ່ມອິນໂດເນເຊຍ
ເຈົ້າໜ້າທີ່ຮັບມືກັບເຫດການສຸກເສີນຄົນນຶ່ງຂອງອິນໂດເນເຊຍ ກ່າວວ່າ “ສົບຜູ້ເສຍຊີ
ວິດໄດ້ພົບເຫັນ ຢູ່ໃນຫຼາຍໆແຫ່ງ ຍ້ອນຊາກຂອງຕຶກອາຄານ ພັງລົງມາທັບ ຫຼືບໍ່ ກໍຖືກ
ຟອງຍັກສຸນາມິພັດເອົາໄປ ພວກເຮົາກຳລັງເກັບກຳຂໍ້ມູນຢູ່.”
ສາຍໄຟຟ້າແລະໂທລະສັບໄດ້ຖືກຕັດຂາດ ຈຶ່ງເປັນອຸບປະສັກຕໍ່ການປະຕິບັດງານກູ້ໄພ
ໃນວັນເສົາມື້ນີ້.
ເວລານີ້ ຍັງມີລາຍງານຂ່າວ ທີ່ຂັດແຍ້ງກັນຢູ່ ກ່ຽວກັບ ຄວາມເສຍຫາຍ ຕໍ່ສະໜາມບິນ
ແລະມັນຈະສາມາດຮັບເອົາການຊ່ອຍເຫຼືອບັນເທົາທຸກໄດ້ຫຼືບໍ່?
ໂຄສົກຂອງອົງການສະຫະປະຊາຊາດ ທ່ານສເຕັຟຟານ ດູຈາຣິກກ່າວວ່າ ພັນທະມິດ
ນາໆຊາດ ກຳລັງຕິດຕໍ່ ກັບເຈົ້າໜ້າທີ່ອິນໂດເນເຊຍ ແລະພ້ອມແລ້ວ “ທີ່ຈະສະໜອງ
ການສະໜັບສະໜັບຕາມທີ່ຕ້ອງການ.”
ອິນໂດເນເຊຍ ເປັນປະເທດນຶ່ງ ທີ່ປະສົບກັບໄພພິບັດ ຫຼາຍທີ່ສຸດໃນໂລກ ທັງນີ້ກໍຍ້ອນ
ປະເທດດັ່ງກ່າວຕັ້ງຢູ່ໃນເຂດທີ່ເອີ້ນວ່າ “ວົງແຫວນໄຟ” ຊຶ່ງເປັນເຂດທີ່ມັກຈະເກີດພູໄຟ
ແລະມີຮອຍແຕກ ໃນອ່າງມະຫາສະໝຸດປາຊີຟິກ.