ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ມີຜຸ້ເສຍຊີວິດ ເພີ້ມຂຶ້ນເຖິງ 90 ຄົນ ໃນການໂຈມຕີ ຢູ່ຊີເຣຍ


ປະຊາຊົນຊີເຣຍທີ່ເມຶອງ Homs ພາກັນປະທ້ວງລັດຖະບານຊີເຣຍ ຫລັງຈາກລັດຖະບານໄດ້ທໍາການຍິງປືນໃຫ່ຍໂຈມຕີ ຢ່າງໜັກ ທີ່ເຮັດໃຫ້ມີຜູ້ເສຍຊີວິດ 90 ຄົນ ຊຶ່ງຮວມທັງເດັກນ້ອຍຢ່າງໜ້ອຍ 25 ຄົນ ເລີ້ມແຕ່ມື້ວານນີ້ມາ.
ປະຊາຊົນຊີເຣຍທີ່ເມຶອງ Homs ພາກັນປະທ້ວງລັດຖະບານຊີເຣຍ ຫລັງຈາກລັດຖະບານໄດ້ທໍາການຍິງປືນໃຫ່ຍໂຈມຕີ ຢ່າງໜັກ ທີ່ເຮັດໃຫ້ມີຜູ້ເສຍຊີວິດ 90 ຄົນ ຊຶ່ງຮວມທັງເດັກນ້ອຍຢ່າງໜ້ອຍ 25 ຄົນ ເລີ້ມແຕ່ມື້ວານນີ້ມາ.

ບັນດານັກ​ເຄື່ອນໄຫວຊິ​ເຣຍກ່າວ​ວ່າ ການ​ຍິງ​ປືນ​ໃຫຍ່​ໂຈມ​ຕີ​ຢ່າງ​ໜັກ​ຂອງລັດຖະບານ
​ໄດ້​ເຮັດ​ໃຫ້​ 90 ກວ່າຄົນເສຍ​ຊີວິດ​ ​ໃນ​ເຂດເມືອງ Homs ທາງ​ພາກກາງຂອງ​ປະ​ເທດ
ຊຶ່ງ​ເປັນການ​ໂຈມ​ຕີ​ທີ່​ຈະ​ເຮັດ​ໃຫ້ສັນຍາ​ຢຸດ​ຍິງທີ່​ສັ່ນ​ຄອນ​ຢູ່ແລ້ວນັ້ນ ​ພັງທະລາ​ຍ​ລົງ
ໄປຕື່ມ​ອີກ.

ກຸ່ມ​ສັງ​ເກດ​ການ​ສິດ​ທິມະນຸ​ດຂອງ​ຊີ​ເຣຍ ກ່າ​ວຕໍ່​ວີ​ໂອ​ເອ ​ໃນ​ວັນ​ເສົາ​ນີ້​ວ່າ ມີ​ພົນລະ
​ເຣືອນຖືກ​ຂ້າ​ຕາຍ ​ໃນ​ລະຫວ່າງ​ທີ່​ລັດຖະບານທໍາ​ການ​ບຸ​ກ​ໂຈມ​ຕີເມືອງ Houla​.

​ກຸ່ມປົກ​ປ້ອງສິດທິ​ມະນຸ​ດທີ່​ມີ​ສຳນັກງານ​ຢູ່​ປະ​ເທດອັງກິດ​ກຸ່ມ​ນີ້ກ່າວ​ວ່າ ​ເດັກ​ນ້ອຍ
ຢ່າງ​ໜ້ອຍ​ 25 ຄົນ ​ແມ່ນ​ຮວມຢູ່​ໃນ​ຈຳນວນ​ພວກ​ທີ່​ເສຍ​ຊີວິດ ຈາກ​ການ​ໂຈມ​ຕີທີ່​
ເລີ້ມ​ມາ​ແຕ່​ມື້ວັນ​ສຸກ.

ກຸ່ມດັ່ງ​ກ່າວເວົ້າວ່າ ການ​ໂຈມ​ຕີ​ໄດ້​ເຮັດໃຫ້​ຊາວບ້ານ​ພາກັນ​ຫລົບໜີ​ຈາກ​ເຮືອນ​ຊານ
​ບ້ານ​ຊ່ອງ​ຂອງ​ພວກເຂົາ​ເຈົ້າ ​ແລະ​ພາໃຫ້​ມີ​ການ​ປະ​ທ້ວງ​ລັດຖະບານທີ່ ກຸງ
Damuscas ​ໃນ​ຕອນ​ເຊົ້າ​ຂອງ​ວັນ​ເສົານີ້.

ອົງການ​ຂ່າວ​ຝຣັ່ງກ່າວ​ວ່າ ກຸ່ມຝ່າຍ​ຄ້ານສະພາປົກຄອງແຫ່ງ​ຊາດ​ຊີ​ເຣຍ​ ໄດ້​ຮຽກ
ຮ້ອງ​ໃຫ້ສະພາຄວາ​ມໝັ້ນຄົງ​ຂອງສະຫະ​ປະຊາ​ຊາດ ​ເປີດ​ກອງ​ປະ​ຊຸມສຸກ​ເສີນ
ໃນ​ວັນ​ເສົາມື້ນີ້ ​ເພື່ອແກ້​ໄຂ​ຄວາມ​ຮຸນແຮງດັ່ງກ່າວ.

​ໃນ​ວັນ​ສຸກວານ​ນີ້ ​ເລ​ຂາ​ທິການ​ໃຫ່ຍຂອງສະຫະ​ປະຊາ​ຊາດ ທ່ານ Ban Ki-moon ​
ໄດ້​ກ່າວ​ວ່າ “​ການ​ປາບ​ປາມ​ດ້ານ​ຄວາມ​ປອດ​ໄພທີ່​ເພີ້​ມທະວີ​ຂຶ້ນ” ໂດຍ​ລັດຖະບານ
ຊິເຣຍ ​ໄດ້​ນໍາພາ​ໄປ​ສູ່ “ການ​ລະ​ເມີດ​ສິດທິ​ມະນຸດ​ຢ່າງ​ຮ້າຍ​ແຮງ” ຈາກທັງ​ສອງ​ກໍ້
າ​ສອງ​ຝ່າຍ.

ຢູ່​ໃນ​ລາຍ​ງານ​ຕໍ່ສະພາຄວາມ​ໝັ້ນຄົງນັ້ນ ທ່ານ Ban ກ່າວ​ວ່າ ການ​ໄປ​ມີໜ້າຂອງ
ບັນດາຜູ້​ສັງ​ເກ​ດການ​ສະຫະ​ປະຊາ​ຊາດທີ່​ບໍ່​ຕິດ​ອາວຸດ​ນັ້ນ ​ໄດ້​ເປັນ​ຜົນເຮັດໃຫ້​ເກີດ
​ຄວາມ​ສະຫງົບ ແຕ່​ວ່າ​ໂດຍທົ່ວ​ໄປ​ແລ້ວ ລະ​ດັບ​ຄວາມ​ຮຸນ​ແຮງໃນຊີ​ເຣຍ ແມ່ນຍັງ
ຂ້ອນ​ຂ້າງ​ສູງ​ຢູ່.

ລັດຖະບານ​ຊິ​ເຣຍ​ໄດ້ຖິ້ມ​ໂທດ​ໃສ່ອັນ​ທີ່ຊີ​ເຣຍ​ຮ້ອງ​ວ່າ “ພວກ​ກໍ່​ການ​ຮ້າຍ​ທີ່​ຕິດ​ອາ
ວຸດ” ​ແລະ​ຍັງ​ກ່າວ​ວ່າ 7 ຄົນ​ໄດ້​ຖືກ​ຂ້າ​ຕາຍ ໃນ​ເຂດ​ເມືອງ Hama ​ໃນ​ວັນ​ສຸກ
ວານ​ນີ້ ຫລັງ​ຈາກ​ພວກກໍ່​ການ​ຮ້າຍ​ຈຸ​ນຶ່ງໄດ້​ຍິງໃສ່​ພວກ​ທີ່​ໄປ​ໄວ້​ທຸກ.

​ເຖິງ​ແມ່ນ​ວ່າໄດ້​ມີ​ຜູ້​ສັງ​ເກດ​ການ​ສະຫະ​ປະຊາ​ຊາດ​ ຈໍານວນ​ຫລາຍຮ້ອຍຄົນ​ເຂົ້າ

​ໄປ​ໃນ​ຊີ​ເຣຍ​ແລ້ວກໍ​ຕາມ ​ແຕ່ປະກົດ​ວ່າ​ບໍ່​ມີ​ຮ່ອງຮອຍ​ຫຍັງ​ຫຼາຍທີ່​ຄວາມ​ຮຸນ​ແຮງ
ລະຫວ່າງພວກ​ກະບົດ​ແລະ​ກໍາລັງລັດຖະບານ ​ໄດ້​ລົດລົງ​.

ຄວາມ​ຮຸນ​ແຮງ​ຍັງ​ດໍາ​ເນີນ​ຢູ່​ຕໍ່​ໄປ ​ເຖິງ​ແມ່ນ​ວ່າ ​ໄດ້​ບັນລຸ​ແຜນການ​ສັນຕິພາບ​ທີ່​ໄກ່
​ເກ່ຍ​ໂດຍ​ທູດ​ພິ​ເສດນາໆ​ຊາດ ​ທ່ານ Kofi Annan ​ເມື່ອ 6 ອາທິດ​ກ່ອນ. ​ໂຄສົກ
ຂອງອະດີດ​ເລຂາທິິການ​ໃຫ່ຍສະຫະ​ປະ​ຊາ​ຊາດ ກ່າວ​ວ່າ ທ່ານ Annan ຈະ​ເດີນ​
ທາງ​ໄປຊີ​ເຣຍ ​ໃນ​ບໍ່​ຊ້າ​ຊຶ່ງ​ຈະ​ເປັ​ນການ​ຢ້ຽມຢາມ​ຄັ້ງ​ທໍາ​ອິດ ນັບ​ຕັ້ງ​ແຕ່​ທ່ານໄດ້ນຳ​
ສະ​ເໜີ​ແຜນການ​ສັນຕິພາບ ​ໃນ​ເດືອນ​ມີນາ​ທີ່​ຜ່ານ​ມາ.

XS
SM
MD
LG