ຝົນຕົກໜັກໃນບຣາຊິລ ເມື່ອທ້າຍອາທິດແລ້ວນີ້ໄດ້ເຮັດໃຫ້ມີຜູ້ເສຍຊີວິດຢ່າງ ໜ້ອຍ 23 ຄົນ ຢູ່ລະຫວ່າງລັດທາງພາກຕາເວັນອອກສຽງໃຕ້ຄືລັດ ຣີໂອ ເດ ຈາແນໂຣ ແລະ ລັດແອສປີຣີໂຕ ຊານໂຕ.
ລັດຖະບານຂອງລັດແອສປີຣີໂຕ ຊານໂຕ ໄດ້ກ່າວໃນວັນອາທິດວານນີ້ວ່າ 15 ຄົນໄດ້ເສຍຊີວິດ ແລະເກືອບ 5,000 ຄົນ ແມ່ນໄດ້ໜີອອກຈາກບ້ານຂອງ ພວກເຂົາຍ້ອນຝົນຕົກລົງມາຢ່າງໜັກນັບຕັ້ງແຕ່ຕອນແລງວັນສຸກທີ່ຜ່ານມາ. ທາງການຂອງລັດ ຣີໂອ ໄດ້ລາຍງານການເສຍຊີວິດ ແປດຄົນ ໃນວັນເສົາ ຜ່ານມານີ້.
ອີກ 13 ຄົນໄດ້ເສຍຊີວິດ ໃນລັດແອສປີຣີໂຕ ຊານໂຕ ໄດ້ຂຶ້ນທະບຽນຢູ່ໃນ ເຂດ ມີໂມໂຈ ໂດ ຊູລ ເປັນເມືອງຢູ່ຊານເມືອງ ຫ່າງຈາກເມືອງຫຼວງ ວິຕໍເຣຍ ຂອງລັດທາງພາກໃຕ້ດັ່ງກ່າວ 74 ກິໂລແມັດ.
ທີມນັກກູ້ໄພໃນທັງສອງລັດດັ່ງກ່າວ ໄດ້ຢຸດເຊົາວຽກງານຂອງພວກເຂົາໃນຕອນ ຄ່ຳຂອງວັນສຸກ ຍ້ອນມີຄວາມສ່ຽງຂອງເຫດດິນເຈື່ອນ ໂດຍຈະເລີ້ມຄວາມ ພະຍາຍາມຄືນໃໝ່ໃນວັນເສົາຕອນບ່າຍ.
ບັນດາເຈົ້າເມືອງ ແລະບັນດຜູ້ປົກຄອງລັດ ຂົງເຂດທາງພາກຕາເວັນອອກສຽງ ໃຕ້ຂອງບຣາຊິລ ໄດ້ເຕືອນບັນດາພົນລະເມືອງຂອງບັນຫາຕ່າງໆທີ່ອາດຈະເກີດ ໄດ້ໃນທ້າຍສັບປະດາ ນັບຕັ້ງແຕ່ວັນພະຫັດຜ່ານມາ. ຄຳເຕືອນຂອງລັດຖະບານສຳລັບຝົນຕົກໜັກໃນລັດ ແອສປີຣີໂຕ ຊານໂຕ ຈະຖືກໃຊ້ໄປ ຈົນຮອດຕອນທ່ຽງຄືນຕາມເວລາໃນທ້ອງຖິ່ນ.
ຟໍຣັມສະແດງຄວາມຄິດເຫັນ